日誌
[2013-05-02] 加入長跑網
|
跑完第一個10K渣馬，更加深咗做運動嘅興趣，為咗練好身型（當時我夢想中嘅六舊腹肌我都相信自己可以練到），就考慮去做Gym。
上網搵咗一段時間，來來去去都係CF、Phyxxx之類動輒幾萬至幾十萬嘅課程。自從上次上去CF問，佢哋講減肥要一年至年半時間，但我只半年唔夠就減到，嗰陣已經對呢啲所謂健身中心失晒信心（當然你自己亦要有恆心），所以不作考慮。
偶然發現「咦？係喎！康文署都有喎！仲平咁多！」同時記得我係最後一屆擁有康文署健身講座嘅實體金卡 (之後上過呢個講座嘅都只係會喺佢哋嘅數據庫有紀錄)，可以使用康文署健身中心嘅設施。
但有個重要問題：咸豐年前嘅嘢，仲鬼記得點做咩，而且練錯咗，不但練唔到想要嘅身型，傷咗仲麻煩。
又諗咗幾日，突然又諗到：「咦？工聯會啲乜乜課程乜鬼都有，睇吓有無教人玩健身嘅先。」
「真係有喎！六百幾蚊，試吓都無妨吖！」咁就走去報咗個「男子器械體適能健體班」。
記得第一堂係2013-03-10，上到健身室見到啲同學仔瘦燕環肥乜都有，咁都正常，如果個個都咁fit駛鬼嚟上咩。
玩咗幾堂，教練Paul sir好用心教我哋，平時傾開計原來佢都有教女子體適能班，仲認識幾個同我一樣鐘意跑步嘅學生，終於有一個星期四 (2013-05-02)，Paul sir就約咗我哋一齊喺觀塘飲茶，介紹咗露露姐、May姐同民仔俾我認識。
上網搵咗一段時間，來來去去都係CF、Phyxxx之類動輒幾萬至幾十萬嘅課程。自從上次上去CF問，佢哋講減肥要一年至年半時間，但我只半年唔夠就減到，嗰陣已經對呢啲所謂健身中心失晒信心（當然你自己亦要有恆心），所以不作考慮。
偶然發現「咦？係喎！康文署都有喎！仲平咁多！」同時記得我係最後一屆擁有康文署健身講座嘅實體金卡 (之後上過呢個講座嘅都只係會喺佢哋嘅數據庫有紀錄)，可以使用康文署健身中心嘅設施。
又諗咗幾日，突然又諗到：「咦？工聯會啲乜乜課程乜鬼都有，睇吓有無教人玩健身嘅先。」
「真係有喎！六百幾蚊，試吓都無妨吖！」咁就走去報咗個「男子器械體適能健體班」。
記得第一堂係2013-03-10，上到健身室見到啲同學仔瘦燕環肥乜都有，咁都正常，如果個個都咁fit駛鬼嚟上咩。
玩咗幾堂，教練Paul sir好用心教我哋，平時傾開計原來佢都有教女子體適能班，仲認識幾個同我一樣鐘意跑步嘅學生，終於有一個星期四 (2013-05-02)，Paul sir就約咗我哋一齊喺觀塘飲茶，介紹咗露露姐、May姐同民仔俾我認識。
知道咁啱當晚上課，我一放工就嗱嗱林返屋企換跑衫跑鞋，即刻趕出馬鞍山。
去嗰陣都有啲擔心，以為係好似渣打訓練班嗰啲幾堂嘅課程，有啲擔心我半路插班，會唔會跟唔到進度？之後又會點呢？
去到之後，見到好多同學仔已經開始拉筋做體能，我完全未做過，就跟住做；叫我跑我就跟住跑；最後要拉筋我又跟住做。
上完課喺運動場沖完涼，就跟大隊去食飯，開始慢慢認識各位長跑網朋友。
