以環港島60崎 為目標嗎

ckycat

141122 (六) 成兩點才到粉嶺，食埋晏上深圳轉和諧號，落車行去天河拿選手包，多謝和哥當值，過程順利。
之後步行回酒店，未到已收到消息在附近晚飯，飯後才取房，多謝 mill 姐在酒店大堂當值。
取房後和光中到附近逛街，竟然畀我買到漏帶的手臂袖，才 Y19。
整完號碼布 (前後兩張)盡量早訓，但成十一點幾才訓。

登錄/註冊後可看大圖

ckycat

141127（四）新丁班與啤啤、光中閒談亂跑 42 min / 5.8km

141129（六）今日得閒，加上見到人玩我又玩，報左呢個「跨越同途 - 8公里自發力競賽」。

有人話係全石屎路，但走左幾崎，發現全是山路、石路、石級，
我完全唔識玩，有幾次幾乎扭親，又見到有師兄叉錯腳，心諗小心為妙，長跑長有，
開始在山路不時停落泥讓後面過，到左中段終於見返各網友，
一於遊山心態，欣賞下沿途風光。
到左最後一崎，大家要帶一碌白蘿蔔同跑。我亦跑多幾步，到左終點，放低碌蘿蔔。

登錄/註冊後可看大圖

ckycat

141201（一）今日早少少放工，先去還影碟，
之後跑步去蒲場，逆行搵返家屬。
雖已穿手袖、長褲，但在蒲崗村道上山斜仍覺凍，手掌較冷。
微風細雨之下，本打算轉多兩個細圈至 12 崎，
但見各人已沖晒涼，我都沖涼離場了。

登錄/註冊後可看大圖

ckycat

141203（三）遊輪遊。到左碼頭冇休息，唔使九點就到運動場了。
141204（四）未做晒工作任務，新丁班請假一天。香港天文台 : 溫度 15 °C  相對濕度 66 %。
今日凍，但已冇尋晚或星期一咁微風細雨。

ckycat

141207（日）今日追更返早。備戰廣馬的卅崎幾過癮，心郁郁想來多次。
雖然中午已放工，但返到屋企見天陰陰，加上配合唔到六點去聖堂的行程，
於是結果彌撒之後才開始由將軍澳出發，之後接返家屬出遊輪碼頭，
不過跑左四崎入到碼頭，
時間太晏（已九點半）佢冇乜心機，決定到九龍灣食啲野就搭地鐵返屋企。

登錄/註冊後可看大圖

ckycat

141208（一）蒲場大圈
臨老學吹打，七點五才到蒲場，等埋家屬大約七點十開始，
趕時間唔走腸子路。47:54 / 6.3km

ckycat

141210（三）跑在生活遊輪跑
今次少左一位快腳，多左我位艇友同佢同事，個速度正常好多。
出發時見到榮哥剛到運動場，點知我地到左碼頭冇耐佢就到，超快。
回程時波哥叫我跟榮哥的步速，我夠知好啦，但我仲未想死住噃
跟到彩虹天橋佢上車立就跟唔到了。
之後去鳳德香香，今日連平時麻麻地既紅豆沙，仲有南瓜露都好好味。
仲有我由收工開始期待既G麻糊。
而且我五點忍住左冇沖精神飲品，一坐落就斟返杯 mocha 先。
一枱六人開開心心，最後以小弟交學費作結。

ckycat

141211（四）新丁班，今日要做 5k@30min X2
今日溫度 18 °C  相對濕度 63 %，跑起來很乾。
包括我在內，ching ctsz 們上週日有賽，或本週日有賽，或連菜，
自行加減
我就賴風猛地厚，只跑左 3 崎 X2
4:45 / 4:58 / 5:03
5:11 / 5:22 / 5:05
希望星期日的三崎可以在 15min 以內

ckycat

141213（六）馬遊場的 ching ctsz 各有各忙，
我就喱埋九龍，陪家屬長課。
七點出發先去接朋友，
點知返到來搵唔到家屬，成八點只好兩個出發，
0835 才到苦山運動場，匯合新丁班一位 A 組 ching去遊輪，
之後經觀塘碼頭回藍田，不好意思抛棄 ching 收隊。

登錄/註冊後可看大圖

ckycat

141214（日）今日溫度 17 °C  相對濕度 71 %。
今朝出街著中褸及長泠頸巾，中午熱到出汗，
下午三點半參加「工會」所辦的陸運會，就著短袖衫加薄褸。

先參加 4X100，確認只為參與，並被安排跑第一棒（同事知我跑步而唔識起步的）
靠另外三位同事，得第二名（共五隊，一隊是挑戰組，他們反而最快，55s)

之後跑三崎公開賽，一睇啲跑友，嘩，原來好多行家好跑得。
點名、等等等…
男子甲乙組先跑、等等...
啲師姐著住羽絨來等、聽住 iphone 來等，肯定老馬識途。
之後男女元老組及女子甲乙組同跑。
起跑後，有快有慢。我諗住 5分崎以內當嬴，緊跟前面的女子集團。
頭幾圈好似唔錯（約 1:45/400)，超凍又跑圈跑得少既我，
挨住凍諗住頂七圈半。
見到「2」字我知唔對路，問裁判：我呀？
裁判：你仲有 3 圈呀。再頂，冇幾耐就被一位師姐過 lap，
（雖然我都有過人）。

錶計距離 2.92k，崎計速度　4:43 / 4:55 / 4:40，
14:18/3km (projection) 收貨。

諗住「公開組」應該唔夠A 組砌，點知各組分別計名次，
得亞軍，獎盃同全場總亞軍一樣咁大。

ckycat

141215（一）蒲崗村道公園。
今晚第二次去學吹打，比上次早少少放學，
加上好彩唔使點等小巴，七點就上到去，
以為大隊已外出，就叫家屬跟出去先，
等我著好對鞋，發現大伙仍在場內，
都係要跟家屬出去。一圈過後，家屬有意挑戰第二圈，
不過都係上落多一次鳳禮道就收工了。
58:10 / 7.70 公里

ckycat

141217（三）今天受季候風影響，
低溫只有10.8 - 15.2，濕度只有 23-32%。
早左少少收工，七點半遊輪跑，
因為凍，以最快速 1:17:28 / 11.66km 完成。20:55 到達斧山場。
今晚多人跑熱鬧，九人跑、八人晚飯，可惜 G 麻糊好快售罄，令人失望。
之後便是聖誕佳節，睇黎有排冇得吃~

ckycat

141220（六）香港天文台 : 溫度 17 °C  相對濕度 54 %，
著長袖衫、長褲，幸運全程唔凍，連手心都少少暖。

陪家屬進行馬遊場長課，
八點左右起步，先上梅子林，直達元州仔，
去程途中遇到 AY ching，回程途中遇到舊同事。
上梅子林期間又要去廁所，唯有上到頂衝返落泥海濱長廊尾的洗手間。
中午十二時回到馬遊場，
共 25.63km
明天是期待以久、備戰多時的「先進運動會」長跑比賽，大埔大美督船灣淡水湖水壩

ckycat

141221（日）人棄我取，當所有精英去晒皇者之戰，我獨自到大尾督參加先進運動會長跑比賽，
七崎由大壩到碼頭來回。
年多以來第一次沒有長跑網奶媽式照料，亦沒有大車，
一個人摸黑出發，0613上到巴士、0629到鑽石山、0648 已到大埔，轉 20C，
七點幾到，時間充裕，只係驚個人凍啫。

到八點幾，太陽出來了一陣，至去寄行李，九點起步前上線都幾前，
起步後見啲 ching 快腳，唔敢跟，跟自己步速。
頭崎四分零，驚頂唔住，收慢腳，keep 5min/km 左右。
回程試加速、做唔到。返回大壩見餘下兩崎、前有兩位師姐，都想加速過，
都過唔到，反而其中一位終點前介左另一位。
心想全場女子第四左右。
雖慢腳（大會時間 34:42，目標是 32 or 33)，幸獲組別冠軍。
轉車返馬鞍山同家屬飲茶當慶祝。

ckycat

141229（一）完成備戰半年的先進運動會，全面休息，去左四天旅行，
今天鬆腳，只完成一次大圈　48:43／6.37km

ckycat

140101(一) 多謝 weekendau 關心。
4:53 完成大鵬新年馬，慢到好似食左屎，
冇心機報導。完

登錄/註冊後可看大圖

ckycat

150103（六）之前只聽講過的傳說「癲儍200」，時間岩唔係唔去呀嘛？！
雖然因為鵬馬跑得衰、出晒酸，但 sze sir 話開六分半，諗住當鬆腳出酸吧！

又遲起身又做埋家務，不但遲起身、仲要買個麥當勞，早知唔買啦
一個0靚仔剛好早我一步，佢買左三個餐
响巴士上食薯餅，茄汁整左落件衫上面
第四崎想上廁所
遲到

離開青衣站，出到路口，已經見到 sze sir 好似 Forrest Gump 咁、滿有自信跑出。
唯有即刻除低件褸跟住跑。好在見到森苗和翠施幫忙整理行裝，不至裙拉褲甩。

踏上青衣橋，我嘗試體會 sze sir 經城門水塘出荃灣買嬰兒用品的心情。

過左近水灣、用過泳灘的洗手間之後，好在遇到城城同駿師兄，
駿師兄仲同我介紹青公風光。
不過頹馬之後，志在鬆腳出酸，就按原定計畫於深井切了。

登錄/註冊後可看大圖

ckycat

150105（一）蒲場大圈（第二圈沒走鳳禮道）

登錄/註冊後可看大圖

ckycat

150108（三）新丁班。Program : 5km X 3
跑完第一轉 5 崎，有啲咳，多謝 Sue 姐賜熱水，
吹多左陣，研究下外傷處理（呢樣野我最近久病成醫），第二轉跑唔足，
第三轉都唔多快。

SET 1 (5km) 5:01 / 5:13 / 5:17 / 5:20 / 5:10 total 26:01
2:00 / 2:00 / 2:03 / 2:06 / 2:05 /
2:02 / 2:10 / 2:11 / 2:07 / 2:07 /
2:05 / 2:10 / 0:55                          

SET 2 (1.2km) total 8:29
1:58 / 2:07 / 2:13 / 2:11

SET 3 (5km) 5:24 / 5:32 / 5:44 / 5:37 / 5:19 total 27:36
2:09 / 2:11 / 2:09 / 2:13 / 2:14 /
2:20 / 2:18 / 2:13 / 2:19 / 2:11 /
2:14 / 2:09 / 0:56

ckycat

150110（六）今朝參加馬遊場訓練，又話兩隻梅、又話青年新村，
結果食完隻梅、入埋引水道便打道回府，1:17:30／10.79km