跑在陸沉之前．Venice Marathon．CUP月刊． 三月

hychong

                               
登錄/註冊後可看大圖

在河道交錯的水都，若付擔得起昂貴的鳳尾船，當然坐船遊覽最好；若付不起每小時近千元的船費，或可以選擇以跑步遊威尼斯，即使威尼斯不是舉辦長跑比賽的理想城市。水都街道狹短擁擠迂迴，放多些人跑都不可以，若招徠數千人一同在水都上大力踏步，肯定更快一點陸沉。

威尼斯旅遊局的負責人，大概喜歡跑步多於撐船。每天早上七時半，在聖馬可廣場門外，旅遊局都會舉辦清晨跑步團，遊客跟著領跑員，穿梭威尼斯的水道迷宮。但跑步團一點也不便宜，每人盛惠25歐元，精明的消費者，大概不會在起點集合，而是中途插隊、然後抵終點前消失！

我有點懷疑，這些跑步團能否成團？城市空間屬公共財，每人都可以晨早跑步，參加跑步團也沒有時間、獎牌、證書和早餐，誰會額外付25歐元「陀地」給旅遊局？愛在威尼斯跑步的人，不如付多55歐元，參與每年十月的威尼斯馬拉松好了。

十月底的威尼斯，接近尾升的雙年展仍未落畫，暑氣消散、蚊子退了、遊客少了，是最好的旅遊季節，馬拉松也是在這時舉行。威尼斯太小、太窄，把威尼斯所有街道全部駁起來，恐怕仍湊不夠42.195公里，比賽的起點要設在對岸的意大利半島，馬拉松像長征軍攻打威尼斯，由彼岸經過長堤跑入本島，沿著河一直殺入聖馬可廣場，終點在威尼斯雙年展的會場Biennale花園附近。

開始看到海？恭喜你，你已捱了三十公里，通往威尼斯本島的長堤就在眼前！二百年前，拿破崙在這裡鼓勵法國大軍：「威尼斯共和國已在眼前，為了下半生的榮華富貴，殺呀！」咜咤地中海五百年的海上霸權，併入法蘭西帝國，藝術品被拿破崙帶回羅浮宮。

拐一個S型才正式上堤，這條長堤看不到盡頭、跑來跑去也跑不完，法軍為榮華富貴而戰，你只好告訴自己：「我的酒店在威尼斯，威尼斯沒有的士，要返回酒店休息只可以不停地跑！」

聖馬可廣場，是42.195公里的華采樂段，大會今年更首次讓跑手穿過廣場，而不是掠門而過。想像進入廣場一刻，廣場兩旁震盪的吶喊聲、人聲和打氣聲，啪了這支天然的興奮劑，剩下的數百米將會如飛如去。

在威尼斯，每逢單數年是藝術雙年展、雙數年是建築雙年展。跑完步，只要付得起水都高昂的旅費，還可以慢慢看展覽，來一個古典運動與前衛藝術、動靜結合的Cross Over。

若你喜歡馬拉松多於藝術，十月尾又想放一個假，我仍是建議你到希臘，參與雅典古典馬拉松。若你對藝術的熱愛，稍微多於馬拉松，今年十月的威尼斯不會令你失望。

日期：每年十月下旬
名額：六千人
比賽項目：馬拉松、親子歡樂跑
報名費：70歐元（非意大利居民）
賣點：水都威尼斯的景色、穿越聖馬可廣場
注意事項：威尼斯的酒店極昂貴，可以考慮住在威尼斯的對岸。

lvrunner

HY, thanks for sharing !!

orgafish

我報左名 Athens Classic Marathon。
而家正考慮跑埋 Venice Marathon，
但係又好似上次咁，
8 日跑兩個全馬，太辛苦，又怕受傷，
心大心細，
Venice Marathon 重有 48 個位咋

hychong

有個朋友都係咁，先威尼斯，再雅典，他們的長跑會很多人去希臘。你有沒有興趣聯絡他？請把聯絡發短消息給我。

orgafish

原帖由 hychong 於 2010-5-31 15:07 發表

                               
登錄/註冊後可看大圖

有個朋友都係咁，先威尼斯，再雅典，他們的長跑會很多人去希臘。你有沒有興趣聯絡他？請把聯絡發短消息給我。

WOW

我同另外一個朋友都係報左，
先威尼斯，後雅典

hychong

我都試過一次，六點半前跑左陣，幾舒服的。歐洲的城市建築景觀，跑馬拉松無得頂。

小叻

請問大家跑完威尼斯, 係由水路, 陸路定係空路到希臘呢?

hychong

應該飛機係最方便同最平，亦有時間休息，陸路同水路都太遠囉．．．

飛機，可以去easyjet website book，要先去Rome or Milan，再飛雅典。

小叻

多謝回覆!
其實我都格過價和時間，不過有些朋友說經水路可以順便搭下郵輪和節省一晚酒店費用。

hychong

咁都可以試下郵輪喎，如果船期啱。但真係唔知郵輪幾銀．．．

去雅典機場的，記住唔好忘記，去雅典機場的counter攞交通pass（如果今年仲有．．．）

csrunner

因為＋月尾已經過咗旅遊高峰期, 所以郵輪船期完全唔啱。  Easyjet係Rome轉機算最平, 但亦要過一晚先駁到機。 冇所謂啦, 可以去Rome玩埋。

小叻

最後決定係落Rome玩兩日再乘機去santorini. 而同行友人嫌遠所以分道揚鑣, 佢落米蘭!
有無師兄姐都係落Rome?
仲有大會要求medical cert., 究竟駛唔駛呢?

orgafish

我跑完 Venice 到 26/10 先飛 Athens, 去 Santorini 玩幾日先再跑 Athens.
大會話要出示 medical cert 先可以 collect 號碼布，我已經預備左。
confirmation letter 有寫到，費事到時無得跑

小叻

我都去埋santorini, 不過係28-29/10.
medical cert 即係又駛多兩舊水...!!!

hychong

睇下找唔找到醫生朋友幫手寫？但其實職員都幾hea，瞄兩瞄就算。

據經驗，法國，意大利同葡萄牙的比賽都要cert的，法國係報名時要提交。

orgafish

原帖由 小叻 於 2010-10-13 19:01 發表

                               
登錄/註冊後可看大圖

我都去埋santorini, 不過係28-29/10.
medical cert 即係又駛多兩舊水...!!!

我早你一日到 Santorini ，同你一日離開番去 Athens.
大家除時會相見

小叻

已跟大會confirm有IAAF affiliated club的membership可以免medical cert (明明張form上tick咗!), 終於覺得入田總有用!
Organfish師兄: 我會25/10離開venice落羅馬, 27/10晚由rome到santorini, 但要在athens airport stay一晚, 28/10才到santorini, 我book咗Fira的blue star. 至於athens, 我會住elite hotel. 睇下到時撞唔撞到啦!

csrunner

We'll stay 2 nights in Mykonos instead of Santorini.

orgafish

原帖由 小叻 於 2010-10-15 18:21 發表

                               
登錄/註冊後可看大圖

已跟大會confirm有IAAF affiliated club的membership可以免medical cert (明明張form上tick咗!), 終於覺得入田總有用!
Organfish師兄: 我會25/10離開venice落羅馬, 27/10晚由rome到santorini,  ...

哈哈！原來大家都係響 Athens Airport 瞓一晚，不過我 27/10 凌晨瞓。
我響 Santorini 住 Villais Villa, 大家睇下撞唔撞到

小叻

其實我都有少少驚, 咁大個女未試過瞓機場, 仲要一個人!