元朗訓練熱點 天水圍運動場至天恒邨
http://www.hkmarathon.com/marath ... it/yuenlong/tsw.jsp[ 本帖最後由 慢速小子 於 2007-12-4 10:38 編輯 ] 呢便河邊因為係所有屋邨,故此人同單車比較多,反而河的另一邊,靠返天影路,即係Nike 10 K 條路,果便就好少人,真係練跑班人全部都去個便跑,仲可以跑去尖鼻咀,長短任君選擇。
尖鼻咀
華哥, 係天影路跑去尖鼻咀, 有幾遠???邊到係尖鼻咀? 係樂湖居側邊條橋過河,去到對面近天影路個邊單車徑開始向北面跑。當單車徑完再轉右走車路,無幾耐便上斜,當落斜時就望到前面係后海灣,落完斜去到路口與深灣路交界,右轉向北行,(經過輞井村/輞井圍的路ロ),然後即刻再上好長斜,落斜繼續向前跑,沿住車路一路跑,會經過尖鼻咀警崗,然後落斜就見到 [ 邊境路 ]個牌,你就右轉,沿邊境路跑到右邊有間黃色屋仔,門ロ牆上寫上 TOWER 29,再左轉上鐵橋,你望右邊就係濕地公園同天水圍,跑到橋對岸便折返,單程約7•8公里。
thanks
thanks......非常多謝
華哥, 今年全馬?? 今年係跑全馬。 華哥,有沒有興趣一齊跑:) waiwaihui,你平時在那段時間跑? 華哥, 我通常在星期六或日早上或下午跑.....你呢...??可以約好一齊跑 我暫定今個星期六上午跑,由龍園出發,跑20或30公里,我走5分半1K。 搞錯左,原來今個星期六要返工,所以要到下個星期六26號再走。 華哥....全馬跑成點呀???
我想你的成績應該跑得好好
我今年跑半馬, 時間是1小時55分.....:) 頭段同中段都理想,去到30K只係用左2小時46分,但係速度慢慢跌,終於用了4小時04分完成,比去年慢左2分鐘。 成績好好...我未試過跑全馬, 或者來年試試.... waiwaihui:半馬走1小時55分已經相當不俗,我走半馬都要呢個時間,想走全馬就要慢慢苦練。 華哥, 如要跑全馬, 一星期最少要跑多少里數??
我想你一星期最少有50公里.... 起碼60K。重要練吓30K以上嘅長課。 我下次跑元朗ge話應該會試下去工業村兜一圈出來~
以前踩單車踩過條路