不止十公里•山比遊樂blog

山比

睇怕下次我幻想住個超肥膩下午茶係後面追住我，我就跑得快d

山比

原帖由 cc 於 2009-3-8 23:49 發表

                               
登錄/註冊後可看大圖

山比....基督徒係唔可以做瑜伽嘎...因為瑜伽源出印度教.....

多謝提醒

我自己就唔會玩冥想，又或者要想像住一樣野去做動作的瑜伽。

...但上周五去「純」瑜伽，個導師發出一d 聲音，又有講方言，宗教意味又比之前做過的濃，都真係唔係好自在

山比

謝謝叮叮噹的分享。

我想唔單止係瑜伽，日常身邊都會遇到唔同的試探，但無論如何，都要清楚我們是由天上的父主管。

講返今日...跑完都要急急腳離開趕返教會，完左先返屋企沖涼，睇來以後要選d比賽近鐵路沿線先得。

我明白跑得多進步就多d，同時要好好兼顧工作、家庭、教會等先係功課，亦都真係唔容易。所以好佩服各位可以樣樣兼顧到的ching ctse。到底都唔再係小朋友，要學識自律...

共勉之。

[ 本帖最後由 hoshanbei 於 2009-3-9 01:02 編輯 ]

山比

原帖由 emma 於 2009-3-9 15:34 發表

                               
登錄/註冊後可看大圖

山比山比, 果日你去長沙灣睇成點呀 ?
有沒有好東西 ?

唔錯wor，有收穫！hehe

山比

原帖由 emma 於 2009-3-9 18:10 發表

                               
登錄/註冊後可看大圖

邊類型收穫? 好想知好想知 !

收pm 呀

山比

原帖由 CatCat 於 2009-3-9 13:23 發表

                               
登錄/註冊後可看大圖

山比
我同 cc ctse 有相同睇法，其實我們既知道瑜珈源出於那惡者，我們就不應詃給牠機會引誘我們，因為牠最喜歡扮作光明的天使。還有我們不應太高估自己，以為可站立得穏，總要逃避那惡者的試探，才是明 ...

多謝catcat ctse 的提醒

說真的，估不到在這兒除了可以談跑步外，還可以搵到一班同路人互相提醒和打氣。我也要時刻警醒才好...

山比

上網check 了城門10k成績...
t_OfficalTime：1:04:16
t_ChipTime：1:03:43
t_Split_5Km：0:31:25
t_5_10Km：0:32:19

救命呀，點解會同我隻錶差咁遠gei...

山比

原帖由 迪迪仔 於 2009-3-10 07:22 發表

                               
登錄/註冊後可看大圖

原來山比師姐之前報假案,
真相係......係比渣打快左好多好多先真.

恭喜恭喜.

但無理由隻錶同晶片相差咁遠...我而家好迷罔....

山比

小妹想報4月26的沙田越野道路混合同5月17日的馬鞍山8k

兩個跑唔跑得過？ 各位有興趣嗎？

山比

原帖由 ee_tpk 於 2009-3-10 15:40 發表

                               
登錄/註冊後可看大圖

如果我腳無事...一定來..
而家我唔會再報比賽住 gala~

咁你要好好休養...長跑長友呀~~~

山比

原帖由 迪迪仔 於 2009-3-10 17:45 發表

                               
登錄/註冊後可看大圖

兩個比賽之前我都跑過,
沙田越野賽係山路賽,
上斜仲要係石仔路而唔係石屎路,
我跑果年地又滑,
結果頭段上山係百萬行,未段就平路衝衝衝......
如果唔慣跑山,真係要考慮清楚.

而馬鞍山8k應該是一個平路賽, ...

我呢...打算跑到就跑...行山就行山啦...唔好滾落山就得ka la

山比

原帖由 CatCat 於 2009-3-10 20:24 發表

                               
登錄/註冊後可看大圖

我都有興趣參加 5 月17日馬鞍山8k 個比賽, 八點半係恆安運動塲出發, 近住馬鐵站, 應詃趕到返教會ga.

我都係咁諗
或者跑快d，就可以同大家食埋早餐先鬆人~~~

山比

早到放工，準時到九龍灣運動場參加特訓。

先熱身四個圈，衝10set 150/50
跟住練「邪神霸腿五式」，再衝多10set

最後來一圈...1:48..發晒軟蹄咁...

6k

今日起身，成個人軟lai lai 咁飄返公司，嚇親老細同事。

唔，下星期要跑返先~~~

[ 本帖最後由 hoshanbei 於 2009-3-12 22:40 編輯 ]

山比

七時四十分到達斧山，即被指令跑三個圈熱身，跟住做邪神上周教落的蝴蝶腿 / 彈弓腳 / sit up / 鴨仔行 / 掌上壓...讀書時上pe 都無咁落力...跟住慢跑兩個圈...左小腿立時作抽筋...跟住而家作感冒...大鑊。跟住去參加龍少慶生會，高興。

斧山個場的確唔錯，最歡喜係個沖涼房有位放行李。但晚上好熱鬧，又跑又踢波，成二百人係個運動場，熱鬧過陸運會。

講開又講，周日參加匯豐的單車百萬行，全程十公里，其中有一段上落斜的要推車前進，五十分鐘左右完成...有被搵笨的感覺。

何不舉行陸上鐵人賽呢。

[ 本帖最後由 hoshanbei 於 2009-3-19 00:33 編輯 ]

山比

原帖由 快活人 於 2009-3-19 21:38 發表

                               
登錄/註冊後可看大圖

山比琴日見到你JOIN 個3個圈真是快。 比初初我見你果時跑快左好多。" />" />
今日對脾痛嗎？

報告活活：

昨晚我有理無理，唔想side 左時間，一於跑左先算，其實去到第三個圈已經有d 氣喘。跟住jog 兩個圈都已經跟唔到你地啦...

今朝起身只感覺到個身有d 緊，但坐左一日office後，起身 / 落樓梯同咳，大腿同腹都抽住痛。行下都到，嬲得滯索性大步跑，反而行得無咁辛苦。

聽日一於jog 一陣，鬆鬆先

我聽日都係去唔到邪神分享會，希望下星期上到啦。

山比

原帖由 快活人 於 2009-3-20 17:56 發表

                               
登錄/註冊後可看大圖

哈 ~~我地係到睇你跑見到你果團火好勁呀~~~~
套用邪神說話 : 因平時小用果組肌肉 .會係痛D . 操得多強左就吾會痛." />" />

活活：

我都想呢一日快d到...

山比

今次再跑大圈+將軍澳醫院後山。大約一小時十分完成。

隔了兩星期，就渣左流灘，跑左幾k就覺得小腿有d緊，下意識就叫自己跑慢d...上斜時行左少少，但估唔到過一陣就到頂，早知就頂埋佢啦...落斜後，就跑得慢左，就一直「冷」返終點。

batbat同活活都留意到我的跑姿有問題，大概是女生常見的「飛小腿」。這個我一直都知道的，以前對住鏡跳tap 時就留意到。

左邊膝蓋有點酸，看來要好好鍛鍊了。

報了名參加4月26日的沙田越野道路賽，set 了目標時間是一小時...實在有點不安...但盡左力先算啦。

山比

原帖由 emma 於 2009-3-23 10:25 發表

                               
登錄/註冊後可看大圖

什麼是『小飛腿』? hgjD088" />" />hj

即係夾住個膝頭哥，兩隻小腿外八字咁踢出去...

山比

原帖由 快活人 於 2009-3-21 22:02 發表

                               
登錄/註冊後可看大圖

山比。 離比賽忡有成個月。忡有時間練。睇下你平時幾時得閒大家約出來一齊 練呀
至於你對『小飛腿』 慢慢去改。
而今日我覺得你跑得已好好。 如天氣乾爽D你會跑得快D的

活活：
壞姿勢我會慢慢改ka la。

每次比賽我都感到有壓力，尤其係自己跑左一排，但仲未係好掌握到自己可以再去到邊一個境界，信心又不足，真係令人十分迷茫。鍾意有比賽來推動自己努力d，但去到比賽都感到有壓力...非常矛盾。我估我要好好調整心態，唔好攪到自己「為比賽而跑步」。

[ 本帖最後由 hoshanbei 於 2009-3-23 12:57 編輯 ]

山比

原帖由 大圍新跑手 於 2009-3-23 14:29 發表

                               
登錄/註冊後可看大圖

山比 ctse:
我琴日行過4.26條賽道來呀，條路本身都唔易跑，加上如果比賽當日天氣潮濕既話仲會好滑，到時最緊要注意安全，先有機會享受跑山既樂趣架。

謝謝圍圍的資料。你真係好勤力呀~~

12/4一於試跑一轉，調整一下先~~~

[ 本帖最後由 hoshanbei 於 2009-3-23 16:07 編輯 ]