新手裝備請教

rl0497

爭個水樽仔，雖然係夜跑，補水都緊要嘅，我都係一個夜跑人，口乾起上嚟都有得濕吓口，下下入些粉買，一來嘥錢，二來唔環保。

rl0497

我用緊一個nike臂袋好好用嘅，前面有一格插電話，方便隨時拎電話打，後面有拉鍊格可以放鎖匙、卡同錢，個樣係咁嘅：
http://www.nikestore.com.cn/product/FC9080-912/detail.htm
我見到旺角波鞋街同灣仔修頓附近都有得賣，另外，有個唔知香港定大陸嘅運動品牌都向nike哩個臂袋「致敬」出咗個一樣樣，價錢平幾十蚊嘅，我見尖沙咀某樓上跑步用品舖同埋荃灣某跑步用品店都有得賣，如有需要可PM你以上嘅地址。

rl0497

帶水嘅有好多方法，我見有跑友係就咁拎住個膠水樽嘅，個人唔建議，因為一來重，二來你冇嘢固定到個樽，好易飛甩，我就買咗一個Nike嘅跑步用腰包，佢左右兩邊各有一個位放一個手榴彈大細嘅樽仔載水嘅，不過假如大熱天時應該唔夠飲，同埋佢啲料好渣，條拉鍊因為我汗大，好快就搞到生銹拉唔開喇！！同系列嘅手榴彈樽仔佢亦有一個獨立款嘅，有層布面包住個手榴彈樽，後面有個位俾你箍住喺手唔會甩嘅，不過同樣，因為容量細，得170ml，一定唔夠飲，濕吓口都可以嘅。
好多牌子都有出跑步用孭喺身嘅水樽，我諗哩度其他跑友都可能有好多資料，另外，我最近睇中咗一個Salomon出嘅手楂軟樽睇嚟幾好嘅，可惜我周圍搵都冇！可以參考下以下嘅網頁：

http://itsallaboutthevertical.wo ... ydration-redefined/