2016.03.13 橫演馬拉松

wlau

第二屆既橫演馬拉松, 將於2016 年既3月13日再度舉行

九月一日正式報名, 有海外優先名額, 唔駛抽(但得500個, 先到先得), 但就貴D..,不過上年報名甩晒轆, 一開始唔俾海外VISA 同MASTER 報名, 只接受AE 同日本國內VISA, JCB and Master Card, 俾外國人, 台灣人係咁上網話俾唔到錢, 過左成一, 兩日先攪番掂..
而賽後更俾日本田聯否決左全馬既認證, 原因係少左80M 唔夠全馬.. (無全馬認證既後果只係唔可以用佢既時間來報其他日本賽, 對好多海外人仕來講, 無乜關係), 不過第一屆攪..點都會有D 攪笑野, 希望今屆吸取教訓, 可以改善好D, 不過件賽衫同完賽牌幾靚..而且佢地D 志工(義工)又幾好人, 好nice, 係平路位都多表演睇, 最後一段打氣聲都好正, 無後悔跑左這個比賽..

而佢最主要既賣點係.....高速公路... 係.. 香港人唔鍾意渣馬就係因為佢跑HIGHWAY, 但橫演就唔同, 因為佢這條高速公路, 好出名.. 就係首都高.. 有打開賽車GAME 既人都知幾出名, 而平時佢地無機會跑.. 所以反而係個比賽既賣點....如果唔接受大約11, 12K 係HIGHWAY 跑, 就要諗諗啦...(不過HIGHWAY 每個水站都有D 表演睇.. 又唔算太過悶..)

個人來講, 除左貴D 之外.. 個比賽係值得推介..

http://www.yokohamamarathon.jp/2016/index.html


P.S 今屆撞正名古屋女子馬拉松....

wlau

hfcechan 發表於 2015-7-29 14:20
ching 可否post上年的獎牌看看, 住宿應揀邊?

基本上近超跑點既幾個站都OK, 因為坐鐵路(電車)都好快.. 我今年住關內.. 由酒店行去火車站5至10 分鐘左右, 坐兩個站左右火車就到.. 大約十分鐘左右...

wlau

hfcechan 發表於 2015-9-2 11:53
冇睇漏, 係米代表要抽簽, payment method個欄空左

你係海外版入定日文版入?
係海外版入, 係頭五百先到先得, 唔駛抽籤.  你有無CHECK 過E-MAIL 係唔係寫你已經完成登記?

英文版入飛版面
https://www.sportsentry.ne.jp/entry/login/62392/e

英文版登入睇番有無叫俾錢..

wlau

jerrylkl 發表於 2015-9-2 22:16
就係去左呢個海外版報名，入完個人資料冇問俾錢，但又收到一個provisional entry confirmed 嘅e mail!
已 ...

最後攪唔攪得掂?

wlau

hfcechan 發表於 2015-9-17 11:19
啱啱收到e-mail, 可以重新報海外報名, 並已成功付款.
想請問師兄住關內邊間酒店, 係米越早訂越好 ...

我住果間唔訂好過...
佢因為冬天唔俾開冷氣.. 但又唔俾開窗.. 熱到我成身出汗... (果間叫華盛頓), 仲要突然有個無著上衫既男人係窗外既走火梯跑過... 嚇到我死死下...

wlau

suet-08 發表於 2015-9-29 08:48
想請問十公里不設海外參賽者?我報不到十公里

唔清楚, 可能你要SEND 去賽會問.

wlau

terrytsang 發表於 2015-10-3 21:52
完成十公里賽有沒有獎牌?

舊年有.. 同全馬果塊同一個設計, 只係背後既K 數唔同以及條帶唔同色..