|
我最初跑步時都有成180幾磅. 同事叫我跑步減, 我好驚自己好重, 隻腳會頂唔順. 但都係去左試, 最初跑時真係好辛苦, 仲慢過龜, 阿婆都跑得快過我. 但我同自己講, 你比我減多60磅時我就快過你啦 !於是我晚晚十點落街跑, 有時返晏仲會12點幾去跑. 一次跑40分鐘左右, 跑慢D, 就唔會喘氣架啦, 速度約係比快行快少少, UN下UN下. 過左幾個月就瘦左30磅啦, 而速度都快左, 40分鐘的路程30分鐘就完成左啦, 約4公里, 最初跑得辛苦時, 我會唸主禱文, 求神比D力量我. 宜家我一星期keep住跑3,4晚, 每次8-10公里左右. 瘦得慢左, 但個人健康左好多, 開始挑戰下長D的路, 你都加油, 唔好太急, 食野正常3餐, 千祈唔好食零食. 記得唔好食太少, 因為要食左野先有力跑, 即係以脂滅脂! 好似講到好勁咁tim! |
|