叮叮噹之跑步日誌－請多多指教

叮叮噹

23/3(一) 大西北訓練班 - 第四堂

大部份跑友星期六跑南生圍, 或星期日參加跑山比賽, 是日取消衝圈. Wong Sir特別為大家泡製"十全大補湯" - 全身體能訓練. 跑圈熱身拉筋時, Wong Sir, 威威, Sue姐, Lazyrunner忙於佈置場地, 善用跑道連兩邊看台而設站, 預備功夫不少, 辛苦曬幾位監場.

開枱: 5大圈熱身, 拉筋
前菜: 七小碟 - 速度跑輔助運動 x 3 sets

主菜: 12項Circuit Training體能訓練 x 3 sets
伏地挺起靠腰力, 向前向後再向前,
跳左跳右扭扭腰, 躺下曲腳鍊腹肌,
原地跳起要夠高, 單腳跳左又跳右,
舉起放下練臂力, 狂奔再接掌上壓,
打橫跳跑似螃蟹, 曲身後挺無影蹬,
喘氣狂奔二百米, 沖上樓梯考腳力.  (鳴謝: 改自平兄創作的訓練詩)

收枱: 3小圈收操, 拉筋吹水
甜品: Sit up, 掌上壓, 鬆腰背

掌上壓pb! 成世人都未做過咁多掌上壓, 保證上身酸痛幾日.
廿幾三十人圍住個運動場做體能, 場面相當壯觀, 引來鄧記街坊注視的目光. 一班人好似回到中學時的PE課, 當然好玩過當年, 好似去嘉年華會玩攤位遊戲, 玩完一站又一站, 玩完一次又一次. 設計上明顯花了心思, 幾個站有一個回氣位, 感覺唔算辛苦, 不及衝圈辛苦. 知道自己上身同手臂比較弱, 需要多加操練, 夏天可以去游水同玩獨木舟.

[ 本帖最後由 叮叮噹 於 2009-3-28 17:07 編輯 ]

叮叮噹

原帖由 nc 於 2009-3-28 01:27 發表

                               
登錄/註冊後可看大圖

沒有上來一陣子, 剛剛才知叮叮噹病了, 請保重. 最近天氣時熱時冷, 再加上下雨, 很易中招, 有沒有看醫生??

少少唔舒服, 今日好多了, 相對新年果次, 今次唔算得病.
下星期三唔去斧山跑, 個人少少唔妥, 沖涼水唔熱又唔暖, 咁就中招.

叮叮噹

原帖由 nc 於 2009-3-28 02:00 發表

                               
登錄/註冊後可看大圖

下星期三仲有很多天呢!!! 妳係咪用了唔夠熱水那幾隔呢 ?? 向著廁所那一排是不夠熱水的, 除了最尾/頭那一間 (my 1st choice), 另外, 三間一排, 對著洗手盤的也很夠熱水的. 斧山d熱水ok喎!!!

冇人話我知用左向廁所果排中間隔，本想用第一隔，快活人剛剛用完應該o.k.，唔想好似摧催人走咁，又怕要人等我，咪去中間冇人用果隔．其實, 對著洗手盤的全部冇人用，我以為唔妥，唔敢用囉！走寶.

[ 本帖最後由 叮叮噹 於 2009-3-28 17:09 編輯 ]

叮叮噹

原帖由 亞平 於 2009-3-28 10:14 發表

                               
登錄/註冊後可看大圖

叮叮噹,訓練詩本來收開ken兄梁兄$10句,見你病,又見你幫我執左個錯字..今次唔收你錢啦~~嘻嘻

多謝平兄咁大方開放版權任人抄錄,
小妹加左兩句, 執左幾個字, 本來收開$10一個字, 今次唔收你錢啦!~~嘻嘻

叮叮噹

25/3(三) 斧山特訓 - 魔鬼教練主理
第一次參加SSP特訓, 純粹客串性質, 難得時間地點配合, 跟大家學習, 十幾人出席.
熱身4大圈, 拉筋
前菜: 基本功
        前踢腿 x 3 sets
        橫外踢腿 x 3 sets
        橫內踢腿 x 3 sets
        跨步行 x 3 sets
        鴨仔行 x 4 sets
        節奏跳8 x 3 sets
        老虎跳10 + 快跑 x 2 sets
        掌上壓, sit up
主菜: 衝圈400+800+400+800+400 (胃痛冇玩)
收操4大圈, 拉筋

天氣清涼, 全程著風褸, 做完跨步行同鴨仔行已經腳仔酸軟, 多得魔鬼教練陪伴同步才能完成. 節奏跳對女子來說比較容易, 好似兒時跳筋繩的動作, 師兄們很專心地打口號做, 手腳好像沒法協調, 師姐們只好忍笑默默等大家完成. 老虎跳即係趴撐跳, 跳完即快跑並不容易, 很容易頭暈, 莫說要接著快跑. 多謝快活人教幾位師姐做掌上壓, 男女有別, 強弱項也不同, 女仔做sit up比較在行.

黃昏開始胃痛, 免強食了前菜, 雙腳酸軟, 不敢衝圈, 跟Lulu姐慢跑收操, 拉筋走人.
沖涼水唔熱又唔暖, 邊食晚餐邊打震, 食完開始作嘔. 同山比,法蘭,小華乘地鐵時, 不斷深呼吸舒緩不適. 太子轉車, 同小華站在門邊傾談間, 快到美孚站, 突然很想嘔, 幸得小華手快遞上膠袋, 快手快腳取出毛巾清理地下, 緊緊趕及落車去轉西鐵. 多謝小華的照顧, 很感動!   

[ 本帖最後由 叮叮噹 於 2009-3-30 00:33 編輯 ]

叮叮噹

痛苦難忘的一週

星期一  Wong Sir特製十全大補湯, 肩胸背連手臂酸痛了兩天
星期三  魔鬼教練特訓, 大腿前後內外同petpet酸痛了三天
星期三  斧山沖完唔暖水涼, 中招作嘔感冒, 頭痛同周身骨痛三天, 已經分不出是那一種痛.



[ 本帖最後由 叮叮噹 於 2009-3-30 01:03 編輯 ]

叮叮噹

原帖由 亞平 於 2009-3-30 00:51 發表

                               
登錄/註冊後可看大圖

叮叮噹送給師兄們既見面禮,似乎獨孤一味,沒有變喎...令我又諗起第一次見你時既情形...嘻嘻

咪提啦! 你唔提, 我都唔記得第一次上斜特訓係我地第一次見面, 嚇親大家添!
其實, 小妹由細到大都好善長嘔吐, 見到唔順眼就嚟料架!

叮叮噹

原帖由 亞平 於 2009-3-30 01:10 發表

                               
登錄/註冊後可看大圖

原來係我引起你嘔吐大作...嘻嘻...幸好....見多左順眼左..之後再冇發生啦..
(有時心悶想嘔時,盡管嘔,吐晒出來,舒服好多...但不要再記住引起嘔吐的原因)

嘔得出總比想嘔又嘔唔出, 比臉青青黑黑時好, 嘔完舒服曬, 面色馬上轉紅.
小妹係時常回顧同反省, 回顧唔舒服的過程同狀態, 反省做了什麼唔對勁而唔舒服,
對什麼食物飲品唔消化, 下次如何防止同樣問題出現......

叮叮噹

原帖由 亞平 於 2009-3-30 01:29 發表

                               
登錄/註冊後可看大圖

叮叮噹,呢句野岩你用 :

如果失落是在山頂 ,
快樂是在山腳 ,
當你企圖除掉不快 ,
想把整座山移去的時候 ,
餘下的就只有一塊平地 ,
快樂和不快都會同時遠你而去 ,
所以 , 沒有傷心失落的映襯 ,
又怎能顯 ...

死火, 唔消化添! 俾啲時間小妹嘗試理解.
如果快樂在山頂, 失落在山腳, 咁重有機會追求快樂,
久不久辛苦行上山, 吐出悶氣, 吸入新鮮空氣, 充滿力量面對山下的失落.
高山同平地可以共存, 不用學習愚公移山吧!

叮叮噹

原帖由 redred 於 2009-3-30 13:57 發表

                               
登錄/註冊後可看大圖

叮噹ctse,很久沒見了
你借的很好看,巳看完了
稍後有時間約跑時順道還給你~thanks~

雖然Redred唔洗減肥, 相信仍然可以從書中的見證得到啟發.
加油! 繼續跑.

叮叮噹

原帖由 redred 於 2009-3-30 16:37 發表

                               
登錄/註冊後可看大圖

的確..此書非常好睇
尤奇睇完..個人會好有衝動落街跑~

Good啦!
咁睇少少就馬上落街跑啦!
唔洗心急還書俾我, 有一大堆書排緊隊等我睇.

叮叮噹

原帖由 ~~菲菲~~ 於 2009-3-30 16:49 發表

                               
登錄/註冊後可看大圖

原來叮ctse當晚咁唔舒服呀~~~
我諗返起有一次跟完佢哋玩, 過後都係個胃頂住食唔落嘢, 隔咗兩日後先嘔呀, 唔知係咪我的身體反應比較遲緩呢......

正常係衝完圈就嘔啦!
我當日冇衝圈, 應該係作感冒, 菌入腸胃, 再沖個唔暖水涼, 咪中招囉!

叮叮噹

30/3(一) 大西北訓練班 第五課 100/100

開枱: 熱身跑5大圈
頭盤: 8式 - 速度跑的輔助運動
主菜: 5圈均速 + 100快/100慢 x15sets
收枱: 收操跑5細圈
餐飲: 體力好重要!

做輔助運動時, 關節越來越鬆, 手腳協調唔錯, 感受到節奏感, 輕鬆完成大部份動作, 只是 羊跳的後蹬, 未能掌握過中要點, 請教了白師兄, 要自己再練習時去感覺.白師兄陪我加料, 擺手提腿後快衝, 好好玩!  

感冒幾天胃不適, 上堂前胃仍然唔舒服, 熱身後間歇性輕微胃痛, 做完8式又再胃痛,
內心好掙扎食唔食主菜好, 白師兄走前留意到小妹唔妥, 謝謝關心問候. 其實, 唔係好痛又冇胃抽筋. 照跑5 圈均速, 感覺良好, 唔想錯過一齊練習的機會, 跑得幾多得幾多啦! 通知同組師姐自己胃痛, 唔得就會收工.

跑完7sets, 慢時仍然保持跑, 左邊橫隔膜痛, 又好似胃痛, 分不清楚, 相當氣喘. 按Anson建議休息一會, 放左姊妹花先走, 休息左兩組, 等Anson同Sue姐, 再三人行跑完最後6sets. 可能後段跟前面chings, 慢100時真係好慢跑甚至行, 有足夠時間回氣, 快100時唔辛苦(上次30/30辛苦許多), 唔太喘氣, 雙腳好自然地帶住我向前, 感覺有力擺手同提腿衝, 越跑越快, 越跑越有力添! 多得Anson同久休復出的Sue姐拍住我跑, 帶小妹跑快左, 想不到快跑時可以放輕鬆, 好high!
最後幾組同男子組快腳, 輪流快衝過組, 快速穿越人群的感覺好high! 好好玩!

[ 本帖最後由 叮叮噹 於 2009-3-31 20:00 編輯 ]

叮叮噹

課後身體反應：
昨晚跑完唔攰，快快入睡好好訓．
今早沒有明顯酸痛，慢慢察覺上背近肩胛骨後肌肉，肩膀，上手臂少少酸軟．
下肢四頭肌輕鬆酸痛，寬關節附近肌肉同腰背有少少酸軟．
體重微降，腰腹背明顯瘦了，腰圈竟然又瘦左一吋！

叮叮噹

原帖由 上水馬王 於 2009-4-1 15:41 發表

                               
登錄/註冊後可看大圖

果晚我見到你有一段真係跑得好快，叮叮噹快起上黎唔係野小

謝謝馬王鼓勵.
要把握機會界Sue姐嘛, 等佢完全康復, 就唔洗望囉!
小妹快極有限, 盡左力跑已經好滿意, 有伴一齊衝已經好開心.

叮叮噹

原帖由 cc 於 2009-4-1 17:15 發表

                               
登錄/註冊後可看大圖

恭喜叮叮噹.....又收身成功~~睇黎可以挑戰全馬....

謝謝支持!
小妹跑完渣打半馬已經決定明年再戰渣打半馬, 目標好清晰, 暫時唔會考慮上全馬.
各位chings/ctses上馬吧! 小妹預備明年渣打繼續做啦啦隊, 為全馬友打氣, 等你地番終點.

叮叮噹

原帖由 上水馬王 於 2009-4-2 00:09 發表

                               
登錄/註冊後可看大圖

GOOD~有無目標明年要造咩時間？

咁快要定目標時間, 唔係呀化? 年尾話你知, 等你地心思思 .
明年快過今年, 想學Sue姐攞番張"進步證書", 唔知快幾多先有呢?

叮叮噹

原帖由 神童威威 於 2009-4-2 11:51 發表

                               
登錄/註冊後可看大圖

叮ctse,我同妳目標一致，明年繼續參加半馬 ，千祈唔好比人動搖呀！

Give u 5! 我地唔會咁容易俾人動搖架!
約定你: 一齊向半馬挑戰組進發, 一齊起跑.

叮叮噹

原帖由 花子阿DEE 於 2009-4-2 10:51 發表

                               
登錄/註冊後可看大圖

俾Stan 兄笑死~~

好似係連續兩年同組至有~~

咁我"進步證書"冇望啦!
唔緊要, 最緊要有進步.

叮叮噹

原帖由 redred 於 2009-4-2 23:10 發表

                               
登錄/註冊後可看大圖

叮噹ｃｔｓｅ．．傳言你宜家跑得好快喎
ｃｔｓｅ咁勤力，一定進步了不少
希望可以快ｄ再同你一齊跑

好呀! 8/4約左跑荃西<>青龍頭, 有興趣嗎?
妳都話係傳言啦, 不能盡信, 同我跑吓妳咪知道真相囉!