叮叮噹之跑步日誌－請多多指教

叮叮噹

原帖由 Gills 於 2009-4-7 14:23 發表

                               
登錄/註冊後可看大圖

開始入番鄧記操一排, 第一次見到叮叮噹, 嘩....唔同哂....真係唔同左, 最近C姐仲勤力左, 成個Shape出哂黎, 睇怕都落左唔少苦工, Keep住唔好比佢停, 一路練落去, 必定大有所穫架.

謝謝Gills鼓勵 .
我會一路練落去, 直至跑唔到為止, 學葉伯咁有體育精神.
我次次都有上Wong Sir堂, 只不過你跑係前面, 見唔到小妹姐.

叮叮噹

原帖由 亞平 於 2009-4-7 22:19 發表

                               
登錄/註冊後可看大圖

同名而已,同叮叮噹沒有關係,叮叮噹瘦佢咁多..

睇唔明卓卓post果條link, 攪咩呀??

叮叮噹

原帖由 囧山比 於 2009-4-7 22:52 發表

                               
登錄/註冊後可看大圖

看完好感動呀~~~

係好感動! 平兄幫小妹表達心聲.

叮叮噹

跑飽食飽番嚟, 好好玩, 又好攰!
明天會好忙, 要早點休息.

叮叮噹

原帖由 亞平 於 2009-4-9 23:51 發表

                               
登錄/註冊後可看大圖

謝謝山比師兄的感動.的而且確是描述叮叮噹的一種轉變,從零至21公里,至無限里程,靠的就是一種堅持加一顆堅定的心.

回望跑步的日子，發覺自己不知不覺地改變，不單是跑步的距離同速度,
內心的轉化－發現自己的弱處，決心戰勝自己令意志更堅定．
今日牧師講道，很有共鳴．以跑步為例子，話比賽唔可能次次嬴別人，卻可以嬴自己，嬴自己比嬴別人更難，叫自己唔好停滯留戀往績，說明人要得勝，先攻克己身，戰勝自我．

叮叮噹

原帖由 billy_yau 於 2009-4-10 13:01 發表

                               
登錄/註冊後可看大圖

好高興前晚又可以同師姐一齊跑步, 不過我好似唔係好夠風度, 因為未跑夠喉, 明知師姐停步慢走都無停低陪你, 要你一個女仔自己响青山公路行, 實在太危險喇, 我一定要檢討下喇!!

唔好咁講, 我自己覺得攰, 慢慢跑欣賞風景, 一個人係青公行同跑唔危險架!
今次好好玩, 去程快少少跟師兄們跑, 回程慢慢跑欣賞風景, 小妹好享受其中.
冇人係身邊, 唔會唔好意思要人陪自己慢跑, 冇壓力咁跑幾好!

叮叮噹

8/4(三) 約跑: 荃西<>深井, 12k

是日約跑, 三位報左名的師姐都唔跑得, 差點得我一個女子, 幸好上星期一齊跑過的Esther又嚟一齊跑. 13男2女, 準時出發, 大部份跑B餐(16K), 小妹同幾位師兄跑A餐(12k).

師兄們邊傾邊跑, 我同Esther都跟著大隊跑, 專心留意跑姿, 比平日快少少跑, 很暢快. 約42分已經到達深井七仔補水吹水, 休息15分鐘再起步回程, 雙腳很重, 身體也疲倦, 明顯係星期一食完Wong Sir個四星特餐, 身體未適應, 縮短了路程仍然感到乏力, 只好放慢跑同行一會, 欣賞青公夜景, 很悠遊 . B餐的師兄一一經過為我打氣, 沒有壓力地慢慢跑, 很自在.

叮叮噹

6/4(一) 大西北訓練班 (第六課) - 四星特餐

8/4(三) 荃西<>深井, 12k

星期四至六   休息

這幾天, 身體很疲累, 坐低就攰, 上車就訓, 回家又要小睡才能食飯.
很久沒有感到如此攰, 應該係身體未適應速度課, 加上過去兩三星期跑得過火, 不自覺地積累, 身體終於罷工, 要 .

我會調整吓跑量, 休息讓身體適應改變, 節制吓!

叮叮噹

原帖由 神童威威 於 2009-4-13 23:58 發表

                               
登錄/註冊後可看大圖

叫人休息多d，自己都要做到先得嫁 ！

我知道架la, 會多休息.
昨日約跑, 見小腿酸, 我咪縮短行程, 自己坐車返運動場.
今晚已經唔攰, 都忍腳唔跟大家加操. 算係咁啦!

叮叮噹

原帖由 花子阿DEE 於 2009-4-14 00:02 發表

                               
登錄/註冊後可看大圖

大家好多時都係咁,有口話人無口話自己,所以大家要互相提點~~

叮噹師姐呢排好操勞,要好好照顧自己呀,花子DEEDEE支持妳~~

支持, 多多提點我呢個初哥.

叮叮噹

12/4(日) 約跑山: 沙田>上山落山>梅子林>沙田(A組14K)

是日約跑三十幾人齊集沙田運動場, 兵分兩路一起出發, 原定跑A組要跑山, B組平路加上落梅子林.

小妹休息了三天完全沒有跑步, 身體的疲累已經消失得八八九九, 決定按原定計劃去初嘗跑山的滋味. 運動場跑4大圈熱身時, 感到雙小腿前面酸軟, petpet有點緊, 加上天氣濕熱, 熱身已經有點吃力, 拉筋踢腿, 大合照後, 準時出發. 跑了約3k開始上斜上上山腰, 仍然感到雙腿酸軟, 考慮到繼續上山後要落山, 腳軟很容易滑腳扭傷, 決定唔再上山, 自動縮短行程, 通知了大圍好讓師兄可以放腳跟上大隊. 小妹慢慢跑同行上到山腰, 沿家樂徑的路跑了一會, 有隻黑狗帶小妹穿過村落山, 平安到達山腳帝堡城, 轉小巴返沙田市中心, 慢跑回運動場拉筋.
雖然錯過了跟大家上山的一段, 有點失望 , 知道唔可以任性, 要聽身體話, 保住對腳, 長跑長有. Listen to the body.

叮叮噹

13/4(一) 大西北訓練班(第七課) - 輕鬆日

Wong Sir體恤大家近排參加了不少比賽及約跑, 大家都很累了, 跑多了 !
是日速度訓練暫停, 只做速度跑的輔助運動+輕鬆體能.

開枱: 熱身跑5大圈, 拉筋
頭盤: 8式 - 速度跑的輔助運動
主菜: 輕鬆體能
餐飲: 聽吓Wong Sir肺腑之言, 大家傾吓計

今晚同上次的Circuit training難度比較差很遠, 真係幾輕鬆, 跳跳跑跑前前後後左左右右橫橫扭扭, 好似參加嘉年華會啲遊戲, 氣氛好輕鬆, 訓練不同部份的肌肉.

聽了Wong Sir一番話...."跑步唔係一切".....音量同語調一貫平緩, 說話不多卻是肺腑之言.
我想要調節吓節制吓平衝吓生活, 不要忘記自己跑步的目的, 不要本沒倒至.
Listen to my body.

[ 本帖最後由 叮叮噹 於 2009-4-14 01:11 編輯 ]

叮叮噹

原帖由 schnix 於 2009-4-14 01:13 發表

                               
登錄/註冊後可看大圖

昨日未能完成一定有點失望, 但當今日對腳無問題時, 就知道自己既決定是對的

有時我會諗, 入左黎長跑網, 當然學到好多野啦, 但上訓練班, 比賽, 約跑... 大夥兒熱烘烘咁, 好易令人忘記自己最初點解要開始跑步
現在可以互相提點下, 都係一件好事

Schnix,
師兄話酸可能係攰亦可能係傷的先兆, 昨日真係擔心再跑會傷.
今晚熱身跑圈, 雙腳同petpet冇再酸痛才安心.
經常要自我輔導, 問自己為什麼跑步? 追求什麼?
我遲遲都唔參加比賽, 怕自己比賽追求時間會迷失方向.
妳見我跑得唔妥, 記得提醒我, 我唔怕俾人話架!

叮叮噹

原帖由 schnix 於 2009-4-14 01:36 發表

                               
登錄/註冊後可看大圖

比賽可以提升狀態, 同埋測試下自己有無進步, 但不能報得太多, 哩個道理我都係自己試過先明白
報得太多: 1. 好易受傷 2. 造成壓力
放心啦, 我會提你架啦, 總之大前提係唔好受傷啦

Schnix & Jogging cat,

Thank you提點. 原本係咁, 好啦!
夏季操練吓速度, 次後報番兩個10K比賽當測驗啦!
秋冬要預備聯合國半馬同渣打半馬. 美津龍半馬就一半半啦!
唔會太多同太密啦!

叮叮噹

原帖由 billy_yau 於 2009-4-15 22:38 發表

                               
登錄/註冊後可看大圖

一年三個半馬, 師姐要加油呀!!
如果聯合國同nike格遠d時間, 我都會報, 當做老渣全馬前預習

聯合國半馬係我首選, 因為去年冇跑去做啦啦隊, 覺得個比賽攪得幾好, 又可以做善事, 支持!
08Nike同08聯合國只相隔一星期, 如果今年如是, 唔洗考慮Nike, 反正咁多人報, 未必報到.

11月尾   聯合國半馬
1月初     美記半馬 (睇情況, 未必報)
2/3月?    渣打半馬

叮叮噹

原帖由 billy_yau 於 2009-4-15 23:03 發表

                               
登錄/註冊後可看大圖

美記同老渣咁近, 如果美記有乜差池, 容乜易跑唔到老渣架

兩個相距一個月時間, 只要唔好受傷就以美記半馬作測驗, 好多chings/ ctses都跑這兩個半馬.
你老渣跑第一個全馬, 可以問問其他ching意見.

叮叮噹

原帖由 billy_yau 於 2009-4-15 23:12 發表

                               
登錄/註冊後可看大圖

收到.
其實而家就口輕輕講全馬, 一切都要到年尾睇下自己既實力先至可以講跑全定係半

十月報就渣打, 未練夠都係憑信心報名, 報完重有三四個月時間操練.

叮叮噹

原帖由 billy_yau 於 2009-4-15 23:29 發表

                               
登錄/註冊後可看大圖

如果去到十月都重未跑到三十k以上, 我諗全馬要過多一年先可以報lu

只要有恆心, 堅持練習, 遲早可以完夢, 俾心機練啦!
星期一近近地嚟鄧記練吓基本功同衝圈啦, 應該啱你練架!

叮叮噹

原帖由 神童威威 於 2009-4-15 23:47 發表

                               
登錄/註冊後可看大圖

想去咪去籮！叮ctse都冇叫你一定要去星期一訓練班.......

星期一訓練班已經好多人, 越來越來插班生旁聽生左鄰右里,
跑吓多個, 跑吓少個, 走左去偷雞都唔覺唔覺.
下次要著火紅戰衣, 唔係Wong Sir以為唔見左小妹.

叮叮噹

原帖由 billy_yau 於 2009-4-15 23:51 發表

                               
登錄/註冊後可看大圖

我係因為隻腳咁耐都未完全康復, 所以先想去學下一d正確既跑法同埋基本功, 我覺得邪神果邊好似著重多d呢方面, 而黃sir果邊就好似會谷大家個速度, 我驚自己做唔到, 所以先想揀邪神果邊

你都冇落過嚟鄧記練又點知道呢?
星期四跟樂華果班就真係衝圈啦! 大把師兄可以話你知個實況.
星期一就練基本功, 改好跑姿, 同一步步學衝圈, 夏天練速度對秋冬練長途有幫助.
其實, 已經好多人, 不過見啱你先叫你嚟姐.