Other GPS watch choice Globalsat GH-625m

allanccl

昨日小弟從香港代理拿了幾隻錶，會作全面測試睇佢防水性能、操作介面等等作一全面評估，遲d會出番個報告給大家參考，請等埋這報告後，會有可能搞團購的。

allanccl

原帖由 正宗球迷 於 2010-11-13 10:22 發表

                               
登錄/註冊後可看大圖

香港有代理係好消息呀,個價係唔係garmin既平?

亮哥又再幫手整團購,唔該哂先

唔知版友用過話心跳顯示唔正常個問題搞掂未呢.

前天才拿回來，會有三個人(包括小弟)試戴試用及評估，遲些才告訴你們結果好嗎？
價錢(訂價)會較Garmin便宜數百元。

allanccl

原帖由 ktluk 於 2010-11-13 17:35 發表

                               
登錄/註冊後可看大圖

如果功能差不多,我會等下一次團購,因此中較Garmin便宜數百元.現先謝謝亮哥

如果閣下打算買Garmin的話，請把握機會啊! 11月17日截止團購了，之後可能會貴很多的。
這錶的size頗巨的，並沒Garmin錶的輕巧。詳細報告希望盡早完成，但可能會遲過17號，因要試清楚及收回各人試後評語再整理後才可刊登出來。

allanccl

原帖由 CWRay 於 2010-11-25 09:55 發表

                               
登錄/註冊後可看大圖

亮哥，請問有報告未啊？

收集緊，兩天內會出個報告給大家參考。

allanccl

原帖由 alexckwhk 於 2010-11-26 12:27 發表

                               
登錄/註冊後可看大圖

Hello John ching, pm me where can buy it in HK ?

John ching 就是代理，閣下不打算團購？ 連價錢都唔問，請問你也是代理的人？

allanccl

會員甲的試用報告(未經刪剪，原文登出)





GPS錶試用後感覺
因我算是一個跑步老手，首先以一個老手角度作出評論：
錶面太大了，有點不方便；如果將錶帶收緊、錶面會傾向手背一面，變了不能置手背中間；如果不收緊、跑步時會啷啷下，如果用作跑步不太合適，我相信一個跑手不會佩戴咁大隻錶去比賽。
以一個GPS錶新手評論：
錶功能很多，但無中文說明，新手操作容易出現問題；我剛買了另外一隻牌子GPS錶，操控簡單得多，一按就明白了，但此錶卻做不到，按了很多次都操控不到。
手錶拿了試戴七天，但實則帶了四天；如果上網有短片介紹史用方法就理想、或加中文說明，防水性能是無問題的；如果有下一代新產品，必須將手錶體積改細少少，以迎合大眾口味

allanccl

會員乙的用後報告原文：



Globalsat GH-625m用後報告
當整盒拿到手有點興奮，但當打開拿出來一看，真係大得誇張了一點，點都好，叉滿電試下佢先，佢既錶底有個膠塞，用指甲挑開可插USB線叉電及過料，之後蓋好就可以防水。防水方面合格，包括戴住黎沖涼(花洒---模擬落雨環境) ，洗手，用肥皂及放在水喉下沖洗(模擬忘記除錶洗手)；全部都無入水或損壞既跡象。電量用到約10個鐘。
左手戴住Globalsat GH-625M，右手戴住Casio60lap錶，相比之下真係覺得這錶好大隻，錶面都幾大既，有3.5cmX2.5cm，但set兩項顯示還可以看得清楚d字，但一按lap制就打出4行好細既字，睇唔到係乜，就算按著夜燈都睇唔清。怕佢唔夠電，所以set左背光15秒，但只係按light掣先會光，不像Garmin按lap掣或任何掣，佢會著燈，所以這錶夜晚用有d煩，按完lap掣又要按light掣黎睇。
每次開機，會自動搵衛星(四粒) ，每次都超過三分鐘。準確度方面，麻麻地，尤其是Pace或Speed，明明跑得好平均既速度，顯示出黎有時8kph突然又13kph跟住又10kph有時好唔穩定，都唔知信唔信佢好？ 以上情況多數在跑街時出現，跑運動場空曠d就好d，切忌經過大樹下面，會打出Lost satelite及無速度/Pace顯示。按LAP後睇唔到第幾LAP(唔知係字太細定係跟本無)。
心跳帶方面，有好大部份係半硬膠造的，圍了前面半身，後半身才是橡根，好唔舒服，勒到一條痕，這方面要改善。
跟一個軟件，唔識自動安裝的，要入去PC UTILITY度裝，插USB線連接電腦亦唔會自動安裝DRIVER，要先裝好DRIVER才好插電腦，軟件行GOOGLE MAP，可行全中文，資料亦KEEP係自己電腦果度，值得一讚!
總括來說，表現尚算合格，但用黎衝圈就差左D，唔可以當日常手錶用(太大隻會俾人笑)。

allanccl

會員丙的用後報告原文：

我是一個GPS新手. 以住未用過. 有幸一試當白老鼠.

外觀上: 每當介紹給其他跑友. 最理想的形容是"這是一只GPS clock." 實在是過大了. 即使跟其他廠牌體積較大的GPS watch去比較.

功能上: user-friendly. 大慨有需要向廠方推介這個字詞.
說明書 - "開始試用"之前. 我花了頗長的時間去了解說明書. 佢都唔係由一個用家角度去介紹. 整張按鍵路線圖. 雖則有用. 不過你都介紹下有咩功能同點開始用先得架. 睇到一頭煙.
預設介面 - 作為一個用家. gps錶最重要顯示既係步速/時間/距離/心跳. 佢竟然唔係囉. 又要我set餐死既.
顯示 - 錶大顯示字體卻很細. 除非選擇只顯示兩樣數據. 及按鍵去查閱共4頁的顯示. 想一頁睇4項資料. 老花者不合用. (本人視力正常. 跑步中都覺細. 睇得好辛苦)
按鍵 - 按鈕好細. 而且要用點力才可按下.
步速 - pace, average pace, pace1k. 有數項可選擇. 不過有咩分別呢? 唔知!!
location mode, map mode - 有此兩項額外的功能. 但實際點用. 唔知!!
Laps - 完成後按停可查看分laps時間
長課 - 完成後按停只有總時間, 總距離, 平均速度等. 未能分k數顯示時間
GPS - 感覺頗易受樓宇影響. 即使於較空曠的屋苑使用. 有時偏差亦頗大
start & stop - 當按制完結時. 停止的只有計時. 但GPS是繼續量度的. 要按鍵共9下把GPS關掉. 否則會有多餘的資料
軟件 - 把數據匯入電腦後. 該應用軟件有點. 如同虛設. 能夠顯示的資料不詳不盡. 數據只有總時間, 總距離. 其他詳細資料只以一幅chart圖顯示. 分K時間無!  其實相關資料係存在於檔案中的. 只是未能顯示.
網上分享 - 得知有網站可以把記錄上傳及顯示. 試用後總算把分k時間顯示了. 但是心跳資料該網站是沒有的
推介軟件 - 產品附隨推介數個軟件. 試用了其中一個看似像樣的. 終於搵到個應有盡有架啦!! 但係. 該軟件並無網上分享. 而且只是trial version. 要full access要$35USD. 否則不能"Track your athlete history for more than 90 days". 係咪即係只用到3個月???

用一只GPS錶. 最重要是跑後報告. 資料顯示吧! 某廠牌最好的地方是一條龍服務. 資料記錄. 顯示. 分析. 上傳分享等一應俱全.
如像這只錶未能盡情查看詳盡資料. 甚至咁煩. 會否有點搵黎搞??

如果看畢此報告. 仍願意購買一用. 想必有一個相當非常吸引的購買價錢吧!!

allanccl

雖然三個會員既測試報告都有少少負面，但係價錢係一個好重要既關鍵，請等候一下，看看代理方面有甚麼補充，另外看看價錢有無吸引力，小弟盡量將他們平衡，務求達至雙贏局面。各位期待團購的網友們請耐心等待! 謝謝!

allanccl

原帖由 wong.siufu 於 2010-11-30 10:47 發表

                               
登錄/註冊後可看大圖

我是GH-625M的用家．
看了三篇報告真的有點意外

每人的看法立場都不同，可以理解．
辛苦各位了．

可能他們只有短時間試用，未發掘出這錶的優點。但小弟相信他們所講的是實話實說。
請閣下以用家角度來講下，可以嗎？
因為有很多網友也有興趣買這錶來用，還希望搞團購添。