|
原帖由 witchycatcat 於 2009-2-16 10:41 發表
菲菲:
今日我唔來啦.....好tired呀隻腳~~
在相片分享區好多相,你去搵搵....好多你同小伏伏影既相呀~~~
菲菲, Sorry吖, 我今晚都係休息吓先, 嚟唔到一齊happy啦, 因為星期六操長課時整到左腳腳眼內側條筋, 依家行路仲有少少痛~~
為咗training吓自己跑上落斜, 我14/2早晨係荃灣起步, 沿荃錦路跑上荃錦坳(~6km, 高4xxm), 接大帽山路直奔大帽山頂(~3km, 高~958m), 再回走大帽山路至荃錦坳, 跑落石崗迥旋處轉奔林錦公路出林村(全程~23k). 上落大帽山都真係幾甘, 全程明斜, 加上當日非常大霧, 前面唔使十米就已經矇查查一片, 好似係舊雲裡面跑緊步咁. 落到石崗後發覺條腳筋已經痛痛地, 但係又唔想就咁放棄, 惟有就住跑, 但係到再上嘉道理農場山坳果段真係頂唔順, 跟著都要邊行邊跑嚟跑完條線, 但係今次就完成唔到跑經大埔出上水嘅target~~
其實條線都唔錯ga, 上大帽山練四頭肌, 落大帽山練落斜, 出大埔/上水練耐力, 不過荃錦公路有唔少路段都係冇行人路ga, 跑時要小心車輛, 同埋上荃錦坳沿途有頗多村狗/野狗~~
好想join你哋跑呀, 不過又要等下次好番先~~ |
|