|
|
2011-1-27
今年第二次OVER 30K長課, 相比上星期32K係沙田跑, 今個星期希望自己既狀態可以再提升一下, 所以揀左一條我認為更高難度既路線 - 青公, 今次其實係我第一次跑青公, 之前踩車就試過, 跑倒是第一次, 而且今次自己既目標好明確就係入屯門三聖再出番荃灣西, 由於事前對整段路線唔熟悉, 所以頭段用左比較慢既速度去跑, 因為志在食咪, 好快就去到網友所
提及既汀九段, 深井段, 呢個時間有諗過買支水拎住跑, 但又唔想拎咁耐, 所以放棄在此補水, 離開左深井很孤獨, 有一種挑戰個人忍耐極限既感覺, 不經不覺又到了青龍頭, 從前行山起步的地方, 上斜時眺望對面馬灣的豪宅, 再望遠少少就是兩星期前行山的地方大嶼山東北花瓶頂,大山等地, 愈向大欖方向更是人跡罕至, 望向黑沈沈既大海, 加上海風吹來, 自己好像向住一個深淵跑去, 對面北大嶼山公路的燈光愈來愈暗淡, 此時慢慢見到大欖迴旋處出現, 經過海事訓練學校, 到小欖路口, 之後便是網友提及的地獄路段, 因為會經過多段又上又落既小斜坡, 終於捱到黃金,此時很餓要入7仔買了支500ML 水同食左包GEL, 再上路經寶隆軍營(以前毅行既終點),青山灣, 終於到達三聖村, 為了跑夠35K, 所以再向恆福商場方向跑多少少先回程
回程時對路段熟悉, 可以更有效控制自己既體力, 無奈每經斜路時速度便下降得很慢, 一路上同自己講慢不要緊, 目標係要食晒整條青公, 一路上平常心慢慢欣賞著青公,青馬夜景, 控制著自己均速完成今晚的訓練, 回到深井時, 500ML水已經完了, 買了一包KITKAT 同一支500ML POCARI, 過了嘉頓後慢慢將速度加快少許, 終於完成35K長課
(今次感覺比上次32K更有佳, 一來今次好似冇出現"撞牆", 上次28K已經感覺好辛苦, 而且之前跑沙田因為9成以上都係平路, 而青公更接近渣馬路線感覺)
分段時間 TOTAL
10K 1:00:17 1:00:17
20K 1:01:57 2:02:14
21K 06:29 2:08:44
25K 25:43 2:34:27
30K 33:00 3:07:35
32K 09:53 3:17:54
35K 16:57 3:34:51 |
|
樓主
發表於 2011-1-26 10:05:23
