西貢 Oscarynk 緩跑天地

MatthewTse

原帖由 Oscarynk 於 2010-10-4 16:37 發表

                               
登錄/註冊後可看大圖

MatthewTse，十月1日我反而去左荃錦過河背行山。嘩，我有你咁快就好了。我暫時都未敢跑入東壩，今朝在麥徑第一段開跑，正如你所說，頭一公里長命斜，我諗下次都唔敢用這長命斜做熱身，都係由北潭涌開始好D，只跑到西 ...

Oscar ~~ 萬宜對我有特別意義, 上年中國沿岸馬拉松我第一個全馬在那裡完成. 西壩斜路後的一段入東壩，主要都係平路，國家地質公園幾壯觀,風景美麗, 值得一跑!


[ 本帖最後由 MatthewTse 於 2010-10-4 16:51 編輯 ]

Oscarynk

MatthewTse，十月1日我反而去左荃錦過河背行山。嘩，我有你咁快就好了。我暫時都未敢跑入東壩，今朝在麥徑第一段開跑，正如你所說，頭一公里長命斜，我諗下次都唔敢用這長命斜做熱身，都係由北潭涌開始好D，只跑到西壩盡頭去個廁所就回頭，未有上西壩後的斜路。以西壩前的一段計，主要都係平路，慢跑幾享受。回到起點共8.3公里，由於第一次跑依條路，只敢慢跑，所以用左成個鐘，單單熱身上斜果段就成十分鐘。

MatthewTse

Oscar 你好.

看到你的 blog, 1 Oct 假期约定家人在西貢北潭涌停車跟着帶大狗小狗玩水, 我自己早上MK吃早餐乘 min-巴士入8:45 am 到西貢市鄧肇堅運動場. 沿著海滨公园惠民路跑去北潭涌, 接著跑上萬宜水庫這段望不見頂嘅"魔鬼斜路", 開始好曬下, 經過萬宜水庫西壩直再繼續前進, 大約轉過頭已經完全為斜路, 接著2km 冇平路, 只有上落斜, 見約定時間差不多, 還沒有到萬宜水庫東壩, 大約在7 km 回頭. 跑返回北潭涌. Total 22 km 花了 2 小時 03分.

有機會再去!

Oscarynk

係呀，不過十月開始有好多運動會，我跑早上就變左冇得跑，惟有開始跑公路。今日入左萬宜水塘跑。

PKRZ3000

西貢人揮手,
鄧記其實幾好,你跑幾個圈跟住跑出去冇人理的

Oscarynk

灣仔可能係全香港最好設備的營地了，有良好的沖涼設備，交通方面，若不想由海下行入去，可以坐巴士到黃石碼頭，再搭船前往。師兄真係識貨。

Oscarynk

kenneth兄：去比賽？抑或是去玩kayak 浮潛？果度近來好似多左間kayak club，經常有教練開班。我就試過由屋企跑馬路去海下，來回有10km。

Oscarynk

有小巴入海下的，西貢總站就在巴士站隔離，7-11及Ok附近。不知第一班車幾點開，半小時一班車。

Oscarynk

>俾心機練，是會有進步

真係見到一些進步，好開心。所以都開始跑下山，希望可以增加下自己的速度，因為要輕鬆的跑1小時45分鐘都做到，但如果參加10k的話自己的速度就太慢了﹝未能少於60分鐘﹞，所以要開始其他的訓練。跑山除左一次玩下跑左10k山路，真正練左兩次，每次都只係上一次山，想了解下自己的能力先。下星期跑山應該會試下上三次﹝個山都唔高，百零米，長一公里左右﹞。

今早空左一段時間，所以都額外跑了30分鐘，試下10k要45分鐘完成的速度是怎樣的，結果只能維持二個大圈而已﹝即係只有1k﹞，大家的速度咁快，我真係有排練。

Oscarynk

多謝指點。

我是認真的，真係好羡慕你地，雖然你地一定會話俾心機練就有進步，不過我相信人人天份唔同，我係未必可以去到你地的水平，所以我目前最享受的，都是見到場上跑呀跑又跑得快同型的人，可以同大家在同一個場上跑已經好開心。

Oscarynk

對呀，其實咁悶我係點過的呢？目前的方法同聽你講Wong Sir的要求有D共通點，我會盡量去感覺用果種跑法和步速是如何，會試下全個圈只用之前的感覺跑，然後對比一下究竟時間是否一樣之類。當然，我目前對自己的跑法沒有定論，所以又會試下大步但慢步速，又會試下細步但快步速咁不同方式去跑，感覺下點跑自己最舒服，點跑可以跑耐D，點跑可以跑快D，如此類推，跑一個兩個鐘之中算叫做有變化又有寄託，所以都未至於悶死。

你兩個鐘已經跑24k，真係有排練先可以跟你地跑了。

Oscarynk

多謝鼓勵。

唔係悶，係簡直十分好鬼悶，見場上面的人都係跑一個鐘左右﹝不過佢地跑得快，一個鐘都夠了﹞。所以當我個基礎好D，我會加入由西貢市跑入大灘屋企的元素。以距離計，目前已可以跑，但由於要上山落山，上山都唔算太大問題，落山真係會傷腳，要考慮下同埋等腳部適應好D。仲有小問題就係未有跑步用的隨身小包，又唔想再花錢，所以暫時計劃係長的路線都係跑運動場，10k左右就可以在屋企出發，跑去海下一個圈。

Oscarynk

八月十二日正式開始練跑，今天是九月十三日，剛好跑了一個月，是時候做個回顧總結。

為什麼要開始跑步呢？這是一個好問題，因為相對跑步而言，我更喜歡的運動是單車，更具挑戰的運動是獨木舟，但我偏偏選擇了跑步，唯一可以說的是我覺得這是一項十分普遍的運動，但自己做得不好，加上平時的活動雖然不少，諸如一些獨木舟的活動、一些龍船比賽，但恒常的運動，自從搬了家和改變了工作性質，單車已經遺忘了，所以希望有一項恒常的運動，可以保持自己身體的性質。至於能否減少一些體重，這是我期望的，但不是跑步的主因。用BMI來衡量，自己實在有點超重，但由於肌肉較多，問題不算太大，但若跑步能減少一些體重也是好的，畢竟身體負荷減少，跑的也輕鬆許多。

一個月前，由於未真正練過跑步，所以要循序漸進，耐力當然也是不足，身體亦未適應，所以每次只可以慢跑30分鐘。經過一個月的努力，最近已經可以持續的跑1小時45分鐘運動場，這個當然不計速度，目前根本沒速度可言。

速度方面，不是目前的目標，但亦有一些期望。以前跑過一次渣馬10k，成績剛在一小時內完成，目前期望短期內可以回到這個水平，平日練跑10k仍需要70分鐘左右，希望半年內找個10k比賽跑跑，做出sub 60的PB。

身體質素方面，開始跑步前，rest HR已經比以往有經常踩單車時上升到接近60bpm，近幾天量度的結果顯示目前已降回50bpm的水平，這個結果比較令我開心，因為心肺功能雖然有許多不同的方法來反影，但rest HR作為一個簡單又基本的資料是十分方便的，下降到昔日的水平，表示持續的運動是有回報的，兼且，這一個月我未有太過急進，令自己進入overtraining的範圍。

體重方面，我雖然不太介意，但亦注意到有明暊下降的趨勢，大概有2kg的下降了，若果這2kg可以稳固下來，相信第二個月加入訓練的跑山活動將會有較良好的效果，畢竟要上山，能輕一安士得一安士，以往踩單車時，為了減輕一至二kg的gear，可能要付出10k以上的金錢。

上面總結都是一些好的方面，其實亦有一些負面的地方，例如膝部開始有點『感覺』，目前要很小心的做熱身、拉筋、選擇跑鞋，當然亦要看不少書本和網上資料來了解如何保護身體。另外，為了恒常跑步，付出的時間也不少的，除了跑步外，亦與加多休息有關。幸而太太明白，未有投訴。

這一個月算是一個好的開始，但如何能持之以恒才是重點，希望第二個月的報告不要令自己失望。

最後，一個有趣的數字：
這個月與跑步有關的支出是3.7k，總跑步時數15小時，亦即是每小時運動用25元，真是極之昂貴的運動。

﹝3.7k有點太高了，不過實在是買了兩樣物資，一個是Garmin Forerunner 310XT，這個投資當然不只用一個月，希望可以用上十年，對像我這樣沒有跑步的基本知識的入門漢來說，這玩具有點真正用途。另一樣是買了一對跑鞋，開始時家中保留著以前用的跑鞋，但雖然多年不用，依然會老化，兩對舊跑鞋陸陸續續爛了，沒法子不買一對新的，那是一對一般用的trainer，應該可以用上半年以上吧。﹞

[ 本帖最後由 Oscarynk 於 2010-9-13 13:07 編輯 ]