|
|
2010-11-19 终極無限.報告
今日終於到了! 心情出奇地放鬆.
出發前: 8點鐘,ONON的叫床聲準時叫到,食完早餐, 揹住成十幾KG的袋出發去兩日一夜的毅行豪玩團. 9點3係石塘咀街市門口見到ONON,偉雄同左車手,左車手的大大尋日有D唔舒服,但佢仍然黎接大家,十分感謝.唔知佢回家會唔會俾人扭耳仔!
一車四人,再接了阿寶,大家直去北潭涌. SUPPORT隊伍已經供侯多時.
見到一大村熟悉的跑友,忍唔住吹下水,影下相. 係北潭涌登記完,帶上手帶.上路
CP1 : 港島老實人B隊同C隊可能係多參加跑步比賽的關係,分秒必爭,一早上線霸頭位.起步聲一響,大家衝出去,撞鬼咩,跑10K呀!….一去到轉彎位,見唔到相機, 我地即刻收油. 正常返. 我地行行跑跑, 跟住四小龍尾,到了東霸,飲一啖水,就琴上西灣山.中途見有人暈低了,等待救援,心諗佢真係醒目,咁快可以歸家.可憐的我仲要捱90K…西灣山頂有美女請食檸檬……好酸 !! 我地落西灣山好有氣勢,全程跑落去…..輕鬆到達CP1. 見到當日俾熱豆付花我食的事頭婆.好想屈返碗凍冰冰的豆付花,不過無時間…..
有人話另一半要同佢行一次毅行....我就話,如果你另一半要同你行一次毅行,不如飛佐佢.
西灣山頂有美女請食檸檬西灣山頂有美女請食檸檬
CP2, 好易走的一段路,沿途風景一流,行下跑下.十分寫意.最衰係沙灘走一後路, D沙入到成鞋都係.唔小心處理,好易起水泡. 平時練習係逢水站/士多必停, Hea番半個小時,今日就好似時運高,睇唔到水站/士多, 直行直過.強 ! 未到天黑已經到了CP2, 到達CP2時,我地成個明星咁款, 速行,KC,SIMON係咁影相,我地當然擺返個專業MODEL姿勢啦. 大家食個美味的飯團,仲以為係LOR記用佢一雙小手,帶有少少手汗,親手握添! 原來係來來買的.
CP3, 來來加入做SUPPORT,揹一大袋背囊:流動音响+流動食物庫+物資庫.好堅 ! 一開始成段都係上山. 黃昏下幾百人琴上山頂,場面好壯觀! 基本上大家步伐一致,前面有人頂住,快唔到;後面有人推,慢唔到;係遙望遠方上雞公山的山路,好似一條火龍直飛撲山頂,場面震撼.!落雞公山,大家聽住李克勤的紅日,壯志激昂,感染了另一隊人,兩隊人高聲和唱,仲有一個人打住DISCO的閃光燈.感面搞笑. 好似Halloween.成村嘩鬼飛落山.到了CP3,個度張燈結彩,好有中秋節FEEL! SUPPORT熱情招待, ,牛肉飯, 可樂,糖水,一早READY, 打個眼色已經有人伺候, 又按摩,又揼骨,….. 速行問我感覺如何,辛唔辛苦: 唔係嘩! 辛苦? 都唔知幾好玩.又好招呼,可唔可以日日玩毅行? 由於我地比預定時間快了好多. Miss 了MARIA的靚湯,有少少遺憾…
CP4, 依依不舍地離開SUPPORT,又再上路,直奔基維爾營,阿寶又瀟一套棍法醒一醒神. 凌晨12半已經到了CP4,我只右腳唔生性,中途”咬"了幾下.馬上去醫療站,”責”住佢,
CP5, 經過飛鵝山,到了一段落山斜路,好似夜冷市場,路邊擺滿私家車,地上鋪好報紙,食物,煮食爐放在上面,好豐富! ONON流晒口水,得個睇字,只好快些JOG落山. 到了上畢架山一段路真係好辛苦,又斜,石級又大. 幾時上完？抬頭一望,見到頭頂仲有光, 頂~~,差Ｄ想暈.再行多兩步,已經到了平路，原來方才的光係月光. 到了雷達站的CP5,好凍，飲了好多杯熱華田.探子回報，Ａ隊13小時左右已經完成了第８段,北寒兵團真係好堅! 睇黎18小時左右應該可以完成.！…唉！我地仲係中途捱世界,今次真係風水輪流轉~~ .
CP6, 離開CP6的一段30分鐘落山路，落到膝頭好痛….. 我地比預定時間快了３小時到了大埔道，搞到華哥要３更半夜起身，去Ｍ記買早餐，再加上私家強勁的薑茶，飲落去，舒服晒∼∼∼, 再加上一支禁藥,有返戰意再上路。華哥,由始至終,你都估我地唔到! (其實我自己都估唔到!). 五個人,有時大家的步伐未必一致，甚至離開視線範圍，我地會大聲哮叫，互相呼應 ,震盪山野，係一種默契，相互鼓勵, 又可以醒神! 旁邊Ｄ人以為我地傻佐……好快到了CP7
[ 本帖最後由 TerrySze 於 2010-11-24 11:42 編輯 ] |
|
[複製鏈接]
發表於 2010-11-23 23:23:56
發表於 2010-11-23 23:22:51
.gif)
.gif)
贊成~
樓主