|
|
剛剛係渣打半馬個邊睇到,話星期日會17-20度呀.....好多ching/ctse都話小心焗親....
轉貼一:
香港馬拉松將於星期日舉行，警方及運輸署將於當日凌晨2時至下午2時，分階段封路。多條巴士路線，需要改道。警方呼籲市民，盡量使用港鐵，以及不要駕車前往賽事路段。
運輸署表示，十公里賽在東區走廊舉行，車輛需改行英皇道及筲箕灣道，西隧南行管道亦會封閉，部分巴士改行紅隧，預計紅隧會較為擠塞。
賽事籌委會主席高威林表示，天文台預測當日天氣和暖，氣溫約17至20度，對跑手構成壓力，但難以估計運動員受傷人數，賽會沿途會派出500名醫護人員及有救護車戒備。
轉貼二:
睇天氣報告, 今年馬拉松都可能好熱(最高21度), 10k同半馬影響唔大, 但全馬就好危, 尤其是出西隧之後直至終點, 應該都會好熱!
我唔係高手, 背後亦無乜理論, 不過賣老抽經驗都幾豐富, 所以俾少少意見新手:
1. 注意補鹽: 氣溫高出汗多, 同時會帶走體內大量鹽份而出現抽筋。有需要可以帶小包鹽備用(可以去幫襯某d快餐店時...)
2. 注意補水: 見水站就飲水, 一杯半杯真係唔少得。除非你真係幾秒都不能少, 否則入西隧前, 同林士街天橋上, 都盡可能歇一歇, 飲多少少sport drink同水
3. 注意降溫: 唔好著咁多衫喇, 上年笠兩件可能仲ok, 今年可能會多得滯。衫要淺色, 其他裝飾都盡量少, 帽要通氣, 帶黑超回程時可能有著數。利用下濕海綿都會好好多。
4. 出左西隧至金鐘段, 不斷急上急落, 接近中午天氣更熱, 車多空氣差, 牆又已經撞晒, 大家都無乜野好賣, 仲有頗大段路, 所以我覺得呢段先至係最甘!
5. 充足睡眠, 事前拉筋同放鬆心情都好重要, 你係去享受過程, 而唔係去受罪。
[ 本帖最後由 witchycatcat 於 2009-2-5 10:37 編輯 ] |
|
[複製鏈接]
發表於 2009-2-5 11:14:12
樓主
真係要量力而為，唔好見報呀！
....gif)
會唔會太酸?
