|
14/2 羽毛球加沖圈特訓
Part 1羽毛球好盡興, 除了tartar&大圍之外又來了豹豹, 廸廸, & 廸廸朋友 x 3, 仲有兩個Stephen, 廸廸朋友都係高手, 尤其係zoe, 呢次tartar同大圍有對手了.
羽球樂其間, 我同豹豹都在場邊拉筋, 佢仲特地幫我拉後大腿, 我亦示範几個拉patpat, 倦腹同拉腰側動作, 之後大圍話好想拉下後腰, 豹豹再示範蛇式動作, 但男仕們睇來遊刃度都有待加强.
Part 2 大家齊集青衣運動場, 來到時已見到魔鬼教練Batbat沖緊圈, 大家換完衫出來已見到佢成面滴緊水, 真係名乎其實一齊出汗……之後熱身同廸廸&tartar慢跑3圈, 再來大家輪流出去跑100m, 睇下各人跑姿有何要改善的地方, 仲有豹豹幫我哋拍下短片, 特邀教練豹豹之後仲同有家簡單講解理想的長跑跑姿:
1. 上身要前傾30度
2. 要留意有提腿和摺腿動作
3. 腰要自然, 不要太過撐直, 也不可曲
4. 最理想是用中腳掌著地, 留意腳掌的滾動
之後來到氣肉, 就是沖圈特訓, batbat帶著速度較慢的一組跑800m in 4mins + 慢跑1圈 x 4set, 自己努力跟住頭3set, 去到第3set尾段已開始跟唔到被拋離50m, 由於肋骨下好痛, 只好慢d速度, 之後自己再慢行回氣, 再以慢啲速度800m in 4:30沖多次, 小休過後當大家以為訓練完畢, batbat話休息完再來多轉, 大家你眼望我眼, o晒咀. 但係呢, 都跟住出去跑喎, 咁我都努力用自己速度跑, 大概都係800m in 4:30, 慢跑400m x 2set, 其他人繼續完成4set, 好勤力呀~~~
最後在場邊拉筋cool down, 我之後再試下提腿跑 (但各人都話我提得未夠高), 之後冇晒力, 完成是次練習. 之後豹豹帶路到青衣邨大排擋晚飯, 又開心哋預習Beer Run, 盡興而歸~~~
練習完次日, 我的patpat同大腿髖關節位都有啲痛, 唔知係因為拉筋, 沖圈定係提腿跑引致呢?
[ 本帖最後由 ~~菲菲~~ 於 2009-2-16 13:47 編輯 ] |
|