|
昨日第三次衝圈, 天下著毛毛雨, 幸好地下不是很濕, 一路跑一路有雨粉打上面, 涼涼地很爽呀!
熱身時跑咗共4圈, 覺得非常不在狀態, 對腳好攰唔想跑, 可能係之前一晚跑完的緣固……
之後開始衝圈, 都係跑返2分鐘800m 休息400m, 由Batbat帶住跑, 有我, 活活, 山比, 雪花, fung ching, 同 成ching一齊. 第1個800m時間比target快咗, 自己都覺得有啲辛苦. Batbat就話係比活活帶快咗……到咗第2個, 活活好明顯狀態大勇 , 以經超晒我哋自己跑, 我的呼吸開始急同亂…..到咗第3個800m, 己經比target時間慢, 我都已經cher到爆咗 ……好在這時可以休息下.
第二set頭800m尚算跟到, 之後就開始跑得好辛苦, 所以最後的800m Batbat 叫我用返一個我自已的速度跑, 可以順暢地呼吸的……咁就唔需要追時間下自己完成最後800m. 好多謝Batbat第二set放慢咗就我,响我跑到冇氣時佢仲可以同我講嘢, 教我點樣呼吸同點跑大步啲∼∼∼
慢jog完cool down拉筋,在場的龍龍同華華又係咁拉我玩遊戲,我本來都冇諗住理佢哋,但活活又話唔怕啦, 一齊玩...咁就上咗當.
遊戲玩法:Target 1:40跑400m, 我跑1線, 其他人跑外線讓賽
各選手賽道:8線-龍龍 6線-火火 5線-華華 3線-活活 2線-圍圍
一開始火火就一支箭咁上前, 我又未跑過400m衝圈, 一開頭亂來死衝, 飛快跑咗100m之後知死, 完全冇晒力, 圍圍又上前叫我跟住佢跑, 華華同龍龍又在旁加油, 叫我提腳,擺手唔好停...多得佢哋鼓勵下終於完成咗自己咁大個女最快的400m (1’34”77)
大家會唔會奇怪點解唔見咗活活? 原來佢跑咗冇耐就縮沙冇再跑,我被騙呀 ∼∼∼ |
|