|
(29/3) 星期日完成了首個親子3km 比賽,BeHero @ Disney 進行,去到第三km 兩個仔感吃力,叫佢地慢少少或者行下回氣,最後100-150m , 一齊開心衝過去 !
大約22min , 時間不是最重要,而是一家四個人一個team 去完成,十分開心。希望兩個仔未來會跑下步,對做事的意志力和恆心都有幫助
出門有一個小插曲.....
今次試用我的ultimate direction 腰包,又可袋哂簡單隨身物品,又扣上號碼布,免儲物,十分fit 哂。一家人上了巴士,去欣澳轉mtr, 巴士上大家開心傾下計,老婆突然話我地無帶行李袋!我話唔駛wor, 是無錯,我唔駛但佢地有東西要儲物,第一時間落巴士,我要一個人跑番屋企,撘lift 上樓攞袋,然後再乘下一班巴士,中間大概只得10min多少少 !
要跑的距離大約800-900m , 平時跑慣的路,但是真的十分大壓力,一開始已極速,一面睇表時間,估計可能4:30 pace (不知或更快?), 跑咗大約500m , 是呼吸困難,放慢少少但又驚趕不及,最後當然順利和家人會合出賽
這是全日跑最快一段,一定快過親子3km, 應該話是有史以來最大壓力的跑步,緊張過我跑過幾次的比賽!
情況其實有啲搞笑,是full gear 著上大會Tee, 甚至扣埋號碼布,在屋村咁極速跑法:-)
有少少安慰,之後老婆講番,見我一落車,一點人的身影已經飛咗去好遠跑緊 |
|