|
劫後餘生報告:
今日訓醒唔知幾點,想轉身,伸手去攞鐘睇,周身酸痛,舉手乏力.要伸出右腳撐住床內牆壁,先可以勉強向外轉身,再努力伸長右手,出盡奶力,終以可以攞到書台的鐘,原本係睇凌晨3點! 由下午5點回家大暈迷到而家,足足訓了10個鐘.有D口渴,要起身飲水,條腰骨僵晒,完成不受控制."格"了2次都"格"唔起,只好"蚊"住書台邊,等成人個人碌落床,再順勢起身......無意中咳了2下,成個人跟住震了2下,震到條腰又痛了2兩下,頂! ~~~~好攰....真係好攰!
坐在家中沙發上,飲了2口暖水,定了幾秒,有D清醒.回想起剛行完終極麥徑3-8段, 而家個人如同劫後餘生,沒有興奮,因為3-8段只係毅行的60%路程~~~
星期六晚,大家係旺角集合,一行四人係西貢食了晚飯,再搭的去3段頭起步.
今個星期六/日,天氣預計只有15度,山上仲凍D,大家都準備好保暖外套.
今晚一開始係ONON帶頭,咩住阿寶帶黎的喇叭,聽住BEYOND的勵志歌曲,腳步輕快,2個鐘多D已經行完第3段.到達水浪窩 PB !
係水浪窩有MAIRE 同赤子Support : 住家靚湯....煲仔飯...甜品...糖水....十分感謝!
食完11點半,飽到想回家訓 但無奈又要上路,大家好似有好野落肚,上晒力! 沿途不停界人,起碼界了5隊.
2點半已經到了基維爾營.又PB ! 阿寶重遊舊地,棍神又上身,黎一套法棍.我今次醒目,一早VIDEO已經READY,不可錯過 !
玩完一大輪,又再起步.夜晚山上大風,不可休息太久,否則會好凍,大家馬不停蹄,直奔大埔道.
6點同華哥會合.華哥一早SUPPORT4個早餐,水同八竇粥....感動!
準備上針山一段,睡魔終於黎了,多謝阿寶俾了支alert我.捱下捱下,同onon,偉雄又上到了針山頂.
係針山頂.例牌望下遙遠的大帽山的雷達站:好難想像3個鐘頭後我地會係大帽山上.
10點幾到了鉛磺坳, Marie&LorLor support 蝦餃/燒買早....WAO.....又肥仔啦...
最後花了3個鐘搞掂大帽山.終於完成終極麥徑3-8段!
大家去警察會洗白白....飲茶.
基本上行完第8段,我已經筋疲力盡,係警察會門口等華哥時,好似露宿者,席地而訓.飲飲下茶都可以訓藉!
PHOTO READY IN : http://www.fotop.net/sw/2010_10_30
今次玩蒙面俠
真材實料住家靚湯宵夜
住家靚湯....煲仔飯...甜品...糖水......食到飽!
support
又見藍天!
大石"責"死蟹
拱橋
單純的lor記竟然沒乘人之危" />" /> (.................浪費我的苦心!)
可能沒飲禁藥,棍法生疏....竟然一開始甩棍!....最後甩喇叭~~
[ 本帖最後由 TerrySze 於 2010-11-1 16:47 編輯 ] |
|