2013 毅行S32 小學生

@Rebecca@ · 發表於 2010-11-20 20:12:08

恭喜晒

狗哥 · 發表於 2010-11-21 14:27:15

首先要跟3位共同進步的同學們講聲Sorry先，因為對大家唔多唔少隱瞞了膝傷既狀況。

北馬後帶傷，慢跑都會有反應…梗令到大家最後一次終極長課要自行早撤…
離比賽只餘下約3星期，唯有儘量爭取時間休息療傷。

到最後一次會議飯局，收到比賽日係以最佳目標時間18內完成，
未傷前自己都有d信心及信任同學們能力可以齊齊達標。
怕打擊軍心，唯有出口術話照計劃走，臨場再執生……

11.19大家同十卜隊員hkyen人仔食完早餐就入北潭涌登記及匯合十卜隊員daniel。
12:30pm一同起步都有好多認識既隊伍，有TKO既T隊K隊，港島老實人B隊C隊，啫喱仔及kk52隊，
大家互相打氣加油後就開開心心嘻嘻哈哈去起步點，此時十卜隊員andrew亦趕到幫大家打氣及影相。

登錄/註冊後可看大圖

謝謝4哥細佬阿智做車手全程接載十卜隊，在北潭坳支援後，
梗與大家帶同停雲大哥賢內助預備的熱湯/米飯/飲品等負重到大金鐘支援，
呢個係一個好特別既十卜位，因行上去都要幾個字時間，真係辛苦晒大家。

(用膳後，4位同學仔都覺得充滿力量猶如剛剛起步般)

咁正既十卜，影相留念時，突然間有毅行隊問我地係咪長跑網既小學生隊，
我地一直好低調架啦，咁都點到相，速撇，哈哈。

登錄/註冊後可看大圖

去到基維爾營亦跟到分段時間，過程中大家都按奈得住依照上斜行､平路急行落斜先jog既方案，
當中有十卜隊為大家沿途支援補給，全隊人員亦走得唔算辛苦。
而自己膝頭經西灣雞公馬鞍落斜受既壓力，亦慢慢發惡中…

再啪多粒藥希望頂到尾影響唔大，到沙田坳半程時間為9:10左右，尚算理想。

登錄/註冊後可看大圖

但到畢架山落斜，已要收慢…出到大埔道俾原計劃慢了約15-20分鐘，
經商議後最佳目標仍有機會，大家繼續努力向前。

接著上針山落到石屎馬路，預計到鉛礦坳應該同分段一樣要1:45左右，到走到草山，自己已半投降，
尤其知接住既波波頂到荃錦，荃錦到吉慶橋呢2段落斜只會發揮梗差，唯有提出能做18內既機會渺茫，
同學們都體諒及同意將目標改做19內較為輕鬆完成都收貨，謝謝。
無咁趕時間下，係草山有校董好正既freehug有doubleespresso，
謝謝係度為所有毅行者打氣加油的義工，跟住就去打大佬~~~~~~

十卜全體隊員已在荃錦等候，4大護法andrew, hkyen, stanwong, daniel亦整裝待發，
為我地負重及陪走餘下的2段到大棠終點，稍事休息後出發，離19小時尚餘 ~3:50
吉慶橋係呢段不斷既落斜路，自己都只能行下jog下，沿途亦見其它毅行隊不斷作最後努力，
向住自己目標進發，黑夜中亦覺得好熱鬧。

到左最後一段，亦到左全程最黑我憎既路段 – 環塘…究竟呢個係一個咩既鬼地方…
或者操練時已好唔妥呢度，前後2次走完呢度都會睡魔急call，
或接受唔到呢條得6k幾既路，接受唔到全jog都要成40幾分鐘…
今日比賽日亦逃唔過呢個感受，一出環塘上斜睡魔再次降臨自己身上，戰意全失…

去到最後1個CP，發現少左個十卜隊員既!?
原來靜靜雞去加里數，我地都明無30k止唔到痕，
hkyen留低等，其餘6人直奔終點，最後攜手18:45過終點。

北潭涌             預計:    實際:
> 北潭坳    3:50    3:47
> 企嶺下    1:55    1:57
> 基維爾營 2:50    2:55
> 大埔道    1:45    2:00
> 城門       0:45 0:50
> 鉛礦坳    1:45    1:47 *草山同學仔體諒改目標為19內
> 荃錦坳    1:45    1:54
> 吉慶橋    1:30    1:28
> 大棠       1:50    2:07
            17:55 18:45

- 萬分感謝偉大既十卜隊員: 阿智, andrew, hkyen, daniel, stanwong,停雲嫂, 4嫂
- 感謝所有大會義工為所有隊伍沿途打氣
- 感謝各隊伍及十卜們互相扶持
(特別嗚謝活活､CC電芯補給，及蝸牛隊lulu姐來電告知夾到時間要可以十卜埋我地)
-
感謝操練過程所有給予寶貴意見及分享的朋友們

自己開頭並無打算走上山玩，機緣巧合下入讀左呢所小學，遲左入學，
自己未入讀前既計劃仍以跑馬仔為主，亦比較貪心想魚與熊掌兼得，唔捨得放棄原計劃，
導致人齊可以上既堂數只得11堂，但亦好難忘及滿足齊齊整整完成毅行。

今次自己確係太早提出放棄目標時間，如需補考，小弟必定會好好安排以升學為主。
呢所小學，大家都可以入讀，都可以做小學生，收到麻4大護法

登錄/註冊後可看大圖

[ 本帖最後由狗哥於 2010-11-21 14:30 編輯 ]

上水馬王 · 發表於 2010-11-21 15:31:00

狗哥了不起！小學生了不起！明年升班勒，恭喜恭喜！

另外多謝超人師兄贊助壞人同盟！

siukeung · 發表於 2010-11-21 15:56:48

恭喜恭喜!!!

你地件隊衫好爆，你地沿途界完人後實聽到被界果d人o係後面讀果個字!!!

天鬼 · 發表於 2010-11-21 16:24:00

原帖由 siukeung 於 2010-11-21 15:56 發表

 登錄/註冊後可看大圖

恭喜恭喜!!!

你地件隊衫好爆，你地沿途界完人後實聽到被界果d人o係後面讀果個字!!!

如果我見到,我都會大聲講...小...學生加油!!!!

wadee · 發表於 2010-11-21 18:31:35

恭喜晒小學生，强呀
出年升中學生la

awyh · 發表於 2010-11-21 19:36:31

謝謝4哥細佬阿智做車手全程接載十卜隊，在北潭坳支援後，
梗與大家帶同停雲大哥賢內助預備的熱湯/米飯/飲品等負重到大金鐘支援，
呢個係一個好特別既十卜位，因行上去都要幾個字時間，真係辛苦晒大家。

(用膳後，4位同學仔都覺得充滿力量猶如剛剛起步般)

咁正既十卜，影相留念時，突然間有毅行隊問我地係咪長跑網既小學生隊，
我地一直好低調架啦，咁都點到相，速撇，哈哈。

呢個位真係幾過癮，行上去嗰陣個身不停出汗，上都去等既時候又好鬼凍。

相信四位小學生都係長跑界同毅行界有一定既名氣，如果唔係點會咁易俾人點相，又唔見我俾人點相？

特別強調，D晚餐一定要多謝阿嫂，佢話要分開兩煲攞先好食(湯還湯，通粉還通粉)，唔單止你地可以充滿力量，仲吸引到其他毅行隊大叫好羨慕，所以我地決定下年唔做Support，去大金鐘擺檔，HK$50一碗大大碗通粉，抵食！其實係我地實賺先啱！

到左最後一段，亦到左全程最黑我憎既路段 – 環塘…究竟呢個係一個咩既鬼地方…
或者操練時已好唔妥呢度，前後2次走完呢度都會睡魔急call，
或接受唔到呢條得6k幾既路，接受唔到全jog都要成40幾分鐘…
今日比賽日亦逃唔過呢個感受，一出環塘上斜睡魔再次降臨自己身上，戰意全失…

而家又咁講，都唔知之前邊個話最後兩段係全部石屎路，有上落斜，但係有少少泥路，原來嗰少少係6K。

去到最後1個CP，發現少左個十卜隊員既!?
原來靜靜雞去加里數，我地都明無30k止唔到痕，
hkyen留低等，其餘6人直奔終點，最後攜手18:45過終點。

好想知你講緊邊個？

今次自己確係太早提出放棄目標時間，如需補考，小弟必定會好好安排以升學為主。
呢所小學，大家都可以入讀，都可以做小學生，收到麻4大護法

好彩我唔係護法，更加好彩呢度無9年免費教育。

[ 本帖最後由 awyh 於 2010-11-21 19:38 編輯 ]

kf · 發表於 2010-11-21 20:38:36

恭喜4位小學生

下年升中學囉

狗哥安心養傷啦

四大護法下年到你地

stanwong · 發表於 2010-11-21 22:50:34

時間已經係其次, 最緊要團隊精神, 呢點你地呢班小學生發揮到極致, 好野!

下年禾都想入學, 但家長5比呀!

witchycatcat · 發表於 2010-11-21 22:50:57

恭喜4位小學生~~~
完成甘難既毅行者,耐力與意志少一分都唔得.
狗哥多多休息及保重,長玩長有...

awyh · 發表於 2010-11-21 23:14:47

原帖由 stanwong 於 2010-11-21 22:50 發表

 登錄/註冊後可看大圖

時間已經係其次, 最緊要團隊精神, 呢點你地呢班小學生發揮到極致, 好野!
下年禾都想入學, 但家長5比呀!

出事喇.......

Daniel係食飯既時候講左句格言，「今年做Support，下年就會玩埋。」

好彩我無中毒啫。

超人阿四 · 發表於 2010-11-21 23:32:08

狗哥，犯校規啦！呢道係只准講多謝唔准講sorry!
你個7頭咁樣咋你形，你都硬頂到尾,唔多謝你多謝邊個！直情要頒個MVP比你！
不過一定要罰下你個7頭!一於罰佢唔郁一輪，等佢無聲出之後再操努過佢。

gchanch · 發表於 2010-11-22 00:09:53

小學生的表現不小學生，對逆境坦然面對包容體諒係毅行者的一部份，能夠四個人一條心以平常心去調整下一步的目標，你地嬴咗！

[ 本帖最後由 gchanch 於 2010-11-22 00:44 編輯 ]

花子阿DEE · 發表於 2010-11-22 12:00:56

四位小學生,雖然最終做唔到最滿意成績,但相信已經賺左個滿足愉快既旅程~~

狗哥,傷又要扒咁高...祝你早日康復,大把野等你玩~~

四哥唔好客氣,毅行前一日撞到你地好開心,我只希望...到正日撞你地唔到~~

Batbat 兄今年同你都有D 交流,奇怪係咁耐以來都未撞過停雲大哥,希望黎緊仲有機會一齊玩~~

恭喜小學生完成快樂旅程~~

batigoal · 發表於 2010-11-22 12:22:53

多謝班長比我入學~~ 又成日可以就我反學時間，真係無得頂~~

9同學個布高巧巧呀~~ 如果唔係你話做快少少，我心諗都係做20內咋~~ 早知你甘相，我地就唔C咁快啦~~ 都係要多謝你加入小學生，如果唔係就矛左小學生啦~~ 仲有你個TEE 設計~~ 正~~

4同學巧勁~~ 有水泡都可以玩到尾~~ 仲有之前一日既預備，另到我地都唔C煩~~

仲有班長同4同學既嫂嫂預備左可口既糖水及ABC粉~~ 另我地充滿力量~~

仲有4大互髮同大哥智，無咗你地我地就反唔成啦~~ 下年可以成為小學生啦~~

唯一不足，就係我發果個夢最後實現唔到.... 另大家失望~~

paulwywong · 發表於 2010-11-22 13:08:18

提示: 作者被禁止或刪除內容自動屏蔽

awyh · 發表於 2010-11-22 13:23:20

真係越諗越岔氣，搵日再跑過由荃錦坳到大棠！

到時上斜飛、平路冼、落斜轆！

我要報仇！

狗哥 · 發表於 2010-11-22 13:38:57

原帖由 batigoal 於 2010-11-22 12:22 發表

 登錄/註冊後可看大圖

唯一不足，就係我發果個夢最後實現唔到.... 另大家失望~~

登錄/註冊後可看大圖

第1個夢.....實現唔到就真係好可惜........

第2個夢.....實現唔到就要好好珍惜........

其實一路上4同學捱住水泡既痛...batbat同學忍住腳腕痛...大哥吸收5到日月精華，都沒哼一聲，係禾先咁無賴

狗哥 · 發表於 2010-11-22 13:40:37

原帖由 awyh 於 2010-11-22 13:23 發表

 登錄/註冊後可看大圖

真係越諗越岔氣，搵日再跑過由荃錦坳到大棠！

登錄/註冊後可看大圖

登錄/註冊後可看大圖

到時上斜飛、平路冼、落斜轆！

登錄/註冊後可看大圖

登錄/註冊後可看大圖

我要報仇！

登錄/註冊後可看大圖

登錄/註冊後可看大圖

原帖由 awyh 於 2010-11-21 23:14 發表

 登錄/註冊後可看大圖

出事喇.......

Daniel係食飯既時候講左句格言，「今年做Support，下年就會玩埋。」

好彩我無中毒啫。

登錄/註冊後可看大圖

登錄/註冊後可看大圖

快活人 · 發表於 2010-11-22 13:40:47

早知係基維爾比定2塊水泡貼你地la...

		自動登錄	找回密碼
密碼			註冊

paulwywong paulwywong 當前離線積分 1442 升級 100% 當前用戶組為禁止訪問當前積分為 1442, 該用戶為特殊用戶。該用戶從未簽到	816^# 發表於 2010-11-22 13:08:18 \| 只看該作者提示: 作者被禁止或刪除內容自動屏蔽

	回覆支持反對舉報

2013 毅行S32 小學生

回復 815# 的帖子