|
原帖由 花子阿DEE 於 2010-11-20 16:51 發表
家明今日真係風頭躉,十幾日通知,之前無練過,可以完全交到貨俾我地,神奇!!!
KF 著錯左抽筋褲,34段已經老抽,之後竟然都可以交足貨,一樣神奇~~
公主就成為左我地隊既領導者,帶領我地所有成員順利完成,雖然俾佢由未起步鬧到CP9.5,但呢位"最有經驗毅行者"又真係有D 計,俾佢鬧出個滿意成績出黎,太神奇~~
十卜添係世界最強,要出番個report 逐一表揚,加上由未起步去到過終點不斷見到既老友(奶奶,其實見到你時好開心),感覺真係無得彈,太好玩啦~~
以你地近排既狀態,我一d都唔擔心,由始至終都係擔心家明!mill姐致電話你地順利係獅子亭出發離開,家明睇落都狀態唔錯,我都唔敢放下心頭大石!仲係擔心佢!係cp9竟然見佢第1個到,嚇得我,佢又係話眼瞓,隻腳累,問佢駛唔駛卒腳,怕醜既佢話唔駛,然後又拎奔肌出黎,哈哈!跟住見到你,狀態好到好似剛開步咁,不斷開籠雀咁講野,有無咁多貨呀!而kf就一貫既沉默,不過當時都無時間招呼佢啦!無幾分鐘,你已call馬走人!
公主好似係影相時都仲係中氣十足咁鬧緊你喎,睇黎都係未盡全力!
創造如此佳績,無論你地同十卜team都無得頂!好鄧你地開心! |
|