|
TKO毅行燒烤慶功宴報告
好耐冇寫報告喇, 今次唔好再偷懶, 出返個report先:
1. 出席率: 200% (全部隊員及十卜出齊, 再加埋bolo, 馬拉, 昌哥及大雄一家, 場面非常熱鬧)
2. 燒烤地點: 好多謝明師兄一早就到大澳門為我地霸左兩個靚爐, 位置又方便又有樹蔭, 等我地燒得又開心又舒服, 真係唔該晒!
3. 食物: d燒烤食物好靚, 活活為大家預備左優質既牛扒, 豬扒, 雞翼, 魷魚, 丸類等, 食到大家 lame lame 脷 ;
maylam d 豆腐卜燒好後香脆可口, 好有食臭豆腐feel ; bolo既雜菌色香味俱全 ; 昌哥既腸仔肉質鮮美
4. 飲品: 因小弟估唔到咁齊人, 所以預少左飲品, 攪到最後唔夠分, 請大家原諒!
5. 盡訴心中情: 喱個節目係戲肉, 大家分享這幾個月的苦與樂, 每一個人都要發言, 連十卜都要出嚟講返幾句,
過程既感人又攪笑, 大家都認為喱幾個月既努力冇白費到, 亦透過喱次活動體驗到團隊合作同
埋互相支持體諒的重要性, 我地今次既成功確實得來不易!
6. 靚仔借炭: 燒到最後唔夠炭用, 唯有又要靚仔16出招, 到附近d爐問d靚姐靚嬸借炭, 16果然不負眾望, 借到大大包炭返嚟,
又一次證明靚仔幾着數!
7. 下年TKO隊人選: 當要大家表態會否參加明年毅行時, 只有猿球, iceberg及小弟舉手, 有幾位師兄話今次是第一次,
亦是最後一次毅行, 但小弟好相信佢地明年會受唔住引誘, 最終會繼續再玩, 並能再創高峰!
衷心感謝大家陪我玩左咁多個月, 報告完畢. |
|