前言:
https://www.longrun.hk/forum/view ... 1498&extra=page%3D1
死肥仔本身係一條178CM高,180LB, 有肌肉, 身型正的OK仔, 不過入U同出來社會工作之後, 因為無乜(係完全無)運動, 開始身廣體胖, 現時都係178CM左右, 但係重220LB(!)
死肥仔小學時本身係田徑校隊, 跑校際4X100 同200, 但係長跑就點都操唔起, 所以死肥仔從來都係唔夠氣, 又成日打喊露. 最近一個驗身報告解開左謎底, 原來肥仔係有小小貧血! 醫生仲話死肥死一定要快手減肥, 唔係的話, 就會糖尿, 脂肪肝乜都爆出泥!
如事者, 死肥仔只好去學人長跑, 勇戰自己死穴- "唔夠氣"
上星期開始跑, 跑八十幾米就要行一陣抖順條氣, 之後一口氣跑二百, 之後四百, E+己經可以做到一口氣800. 由最初唔夠氣跑, 到E+係因為軟腳而跑唔到更長.
死肥仔己經連續四日做出八百米成績, 並打算係下星期開始一千二百米新目標, 到底肥仔能否成功呢? |