香港長跑網 - 長跑長友

標題: 可以指點一下嗎? [打印本頁]

作者: meia 時間: 2013-9-17 11:16
標題: 可以指點一下嗎?
跑咗2年半馬, 慢腳, 時間約2:30

出年想試全馬

如果我只有時間星期六練一次長課,

是否沒可能呢?

我只求限時內完成

PS:我平時每個週末也會跑8-10k, 但要返工, 又要照顧小朋友, 真係好難再squeeze D時間出來了

作者: bunbun 時間: 2013-9-17 11:49
做"步兵", 點都可以完成

但每週儲里數不足, 易受傷

作者: vcbid 時間: 2013-9-17 11:53

bunbun 發表於 2013-9-17 11:49
做"步兵", 點都可以完成

但每週儲里數不足, 易受傷

全馬步兵, 6個鐘未必可以行得完

作者: kylo1935 時間: 2013-9-17 12:03

bunbun 發表於 2013-9-17 11:49
做"步兵", 點都可以完成

但每週儲里數不足, 易受傷

同意師兄意見，儲里數不足，可能令肌力鍛鍊不足，而要強行完成全程，容易受傷。

作者: meia 時間: 2013-9-17 12:17
多謝各位c兄意見

我會將每週長課加到15k, if possible, 18-20k

希望唔洗上巴士

作者: kelvin71 時間: 2013-9-17 12:43
本帖最後由 kelvin71 於 2013-9-17 14:35 編輯

"完成"全馬,就算只是半跑半行,真的有這麼大意義嗎?

明知訓練不足/帶傷上陣,後果可以是很嚴重的.
既然沒有充分時間訓練,便早些籌備再下一年的比賽吧.

時間就像事業線,這點大家都知,只是怎樣搓吧... 有些人五點起身多兩個鐘,有些人二點先瞓多兩個鐘,有些人午飯時間又偷一個鐘...

安全地完成比賽,更是對自己的一種承擔.

作者: bunbun 時間: 2013-9-17 13:10
6小時完成42.195km
大約 8分鍾走 1km
= 480秒走 1,000m
= 48秒走 100m

不過, 一星期走一課 = 一星期都唔食飯, 只是一週食一餐勁
似乎唔work,

而大前題, 應是"安全", 不受傷

呢本書的training program, 已是主要儲里數
你可以睇一睇, 究竟是否可以付出到呢個最低要求

http://www.cp1897.com.hk/product_info.php?BookId=9789620734113
《長跑運動全攻略──健體、訓練、比賽》
作者楊世模
出版社商務印書館(香港)有限公司
ISBN 9789620734113

作者: meia 時間: 2013-9-17 14:16

Thank you

我會注意

作者: believew 時間: 2013-9-17 14:43
我同你case差唔多.
1. 跑咗2年半馬(2 x 渣打, 2 x 迪尼尼), 慢腳(係快唔到), 時間約2:30
2. 出年想試全馬
3. 星期六(or 星期五半夜)練一次長課,
4. 只求限時內完成
5. 要返工, 又要照顧小朋友

我好在係~1.5hr lunch time (無前途工作) 鼠去gym room(好近) 跑跑步機or 單車/太空機. (要快快沖涼)

上網搵到個訓練schedule, 依家練緊, 好似唔錯又唔洗日日跑. PM比你看看.
但都係跟其他ching 一樣, 儲里數好緊要.

作者: 亞邊個 時間: 2013-9-17 15:27

kelvin71 發表於 2013-9-17 12:43
"完成"全馬,就算只是半跑半行,真的有這麼大意義嗎?

明知訓練不足/帶傷上陣,後果可以是很嚴重的.

完全同意, 全程"跑"比"只係6hr 內完成" 意義大得多.

半馬跑 230 的話, 全馬即使半行半跑 6hr 都未必可以完成.
曾經聽人講過, 全馬唔等於兩個半馬, 亦唔等於四個10k.

作者: bunbun 時間: 2013-9-20 16:59
儲里數唔夠, 小心會咁:
https://www.longrun.hk/thread-20777-1-1.html

作者: kylo1935 時間: 2013-9-20 17:23
曾聽過一些跑步前輩的指導，如要為跑全馬練長課，一是練時間，例如預算自己要跑五個小時，長課練習便最少練習四個小時甚至四個半小時；或是練里程，全馬42 km，練長課便得練最少36km甚至38km。

作者: little-fish 時間: 2013-9-21 22:51
勸你一句，算吧啦。完成全馬唔代表乜，5個鐘以外亦是差的時間，冇時間就先練好10km先，10km 唔快，半馬/全馬一定慢。我和kelvin師兄都是先放棄全馬，重頭再練10km之人。

Ps:40min/10km 一定比3•5hr/全馬難得多

作者: KL_ 時間: 2013-9-22 15:10

little-fish 發表於 2013-9-21 22:51
勸你一句，算吧啦。完成全馬唔代表乜，5個鐘以外亦是差的時間，冇時間就先練好10km先，10km 唔快，半馬/全 ...

Agree.

作者: GO! 時間: 2013-9-22 20:05
以小弟之愚見，每人對長跑的興趣不同，有人喜愛10K，有人喜歡馬拉松，不能一概而論，但有一樣是必然的，就是不能懶，如果你要跑馬拉松，一星期一個20-30K的長課是十分基本，否則很難完成一個全馬。
另外，在跑馬拉松之前，你必須問問自己為什麼要跑，如果是純粹享受過程，就什麼都不緊要，完成便是吧！
但如果你要時間，訓練一定要，每周15K是不夠的，不要說自己沒時間，時間自己定，我一早要返工，早上5:15開始跑，想拿一些，就要付出一些

作者: joeyss 時間: 2013-9-26 16:57

GO! 發表於 2013-9-22 20:05
以小弟之愚見，每人對長跑的興趣不同，有人喜愛10K，有人喜歡馬拉松，不能一概而論，但有一樣是必然的，就 ...

喜歡最尾一句，"想拿一些，就要付出一些"

作者: odinmusashi 時間: 2013-9-26 21:32
meia, 我撑你。跑步對每個人都有不同意義，以完成全馬為目標又有何不可。
生活負擔或優次各有不同，只要盡了力去練習和比賽，即使半行半跑，或要6小時完成，又如何。
無疑每星期跑一課是很不足夠，但亦並不代表你必定墮馬。
心態決定境界，現在才入秋，每週多儲一點里數，日子有功，要完成全馬絕非難事。
此外，人非機械，亦不用對training plan太執著。
當然，要跑成績就另計喇。
小弟愚見。

作者: kokyan_lam 時間: 2013-9-26 23:50
如果你真係想完成全馬的話, 就真係要起碼每星期有50K左右, 先可以更保障自己可以安全完成

作者: GO! 時間: 2013-9-27 08:51

odinmusashi 發表於 2013-9-26 21:32
meia, 我撑你。跑步對每個人都有不同意義，以完成全馬為目標又有何不可。
生活負擔或優次各有不同，只要盡 ...

我又撑返你!

作者: JohnNHL 時間: 2013-9-27 20:52
本帖最後由 JohnNHL 於 2013-9-27 22:39 編輯

我又撑你!x2。不過練還練。欲速則不達,慢慢加里數,傷左都幾難完成。

作者: kylo1935 時間: 2013-9-27 21:10

GO! 發表於 2013-9-22 20:05
以小弟之愚見，每人對長跑的興趣不同，有人喜愛10K，有人喜歡馬拉松，不能一概而論，但有一樣是必然的，就 ...

好同意GO!師兄所說，要完成全馬，便不能懶；想多拿一些，便要多付出一些。

我也明白，工作繁忙，下班後很累，很難提起勁來練習。所以，我跟GO!師兄一樣，會早上起來練跑。不過，我比GO!兄更早，四點便起床來跑（當然也要早睡），然後待假期和星期六日便來練長課。

我有些朋友便是勉強跑全馬，最嚴重的那一個要休養三年，有些也要休養半年至一年。他們都是勤力練習的跑手，只是狀態欠佳，但也有這後遺症。

安全和完成，兩者都建基於準備之上。

作者: little-fish 時間: 2013-9-28 16:23
嘿，需說跑步各有原因目的，但得罪講句，跑咗兩年半馬比賽都仲係2：30hr,又冇時間儲里數，即先後天都冇，加上見你咁忙，可能年齡唔細/家庭經濟支柱，認真考慮一下責任感/家人

作者: GO! 時間: 2013-9-28 16:48

kylo1935 發表於 2013-9-27 21:10
好同意GO!師兄所說，要完成全馬，便不能懶；想多拿一些，便要多付出一些。

我也明白，工作繁忙，下班後 ...

原全同意師兄，我也曾試如師兄般四點便起床來跑，但在工作與跑步互相協調下，現在只能5:00起床，5:15起步了.
我們不是跑職業，我們都有自己的生活與工作，能付出到什麼地步，自己定！生活是要妥協的。
成事與否,很多時實在環境做成，隋心吧！
但如師兄所言，安全和完成，兩者都建基於準備之上，只要有隋時完成的準備，便大可完成。

作者: liphone 時間: 2013-9-30 12:36

odinmusashi 發表於 2013-9-26 21:32
meia, 我撑你。跑步對每個人都有不同意義，以完成全馬為目標又有何不可。
生活負擔或優次各有不同，只要盡 ...

Support 心態決定境界

作者: meia 時間: 2013-9-30 16:11

liphone 發表於 2013-9-30 12:36
Support 心態決定境界

多謝各位意見

其實我心中有數, 一定不會勉強

已經加操, 跟緊楊世謨本書個plan 去練, 上星期長課跑了12k, 會繼續慢慢加上去

過去2年也有參加田總的訓練, 係由楊教授負責的, 佢教曉我一件事, 是"量力而為"

對於那位笑我跑了2年半馬也沒有進步的朋友, 我想講, 其實我第2次比第一次快咗10分鐘架

你可能好快, 不過, 咁又奌呢?

而且, 我由以前完全唔運動, 到今日可以跑半馬, 已經好開心

係呢一方面, 我對自己確係冇咩要求

人到中年, 要返工, 要揍女...係咁上下啦, 唔通放大假去跑咩, 炒咗我咪死

我唔認為我對跑唔認真, 呢d係"睇餸食飯"

作者: bunbun 時間: 2013-9-30 19:16

meia 發表於 2013-9-30 16:11
多謝各位意見

其實我心中有數, 一定不會勉強

加油!

偱序漸進!

作者: little-fish 時間: 2013-10-1 06:34
忠言逆耳！

去啦去啦，反正個身係你的，有乜死傷，買大人壽，等家人有錢攞！

作者: sam張 時間: 2013-10-1 09:26

meia 發表於 2013-9-30 03:11
多謝各位意見

其實我心中有數, 一定不會勉強

支持, 盡量放鬆心情黎跑,唔好急於時間,最多倦了步行當行山咁!

作者: little-fish 時間: 2013-10-1 16:52
本帖最後由 little-fish 於 2013-10-1 16:55 編輯

sam張發表於 2013-10-1 09:26
支持, 盡量放鬆心情黎跑,唔好急於時間,最多倦了步行當行山咁!

咁又浪費了一個位！好多準備了多月的人舊年報唔到，我都係1pm先登入到，結果有幾千人未能完成/出席

作者: 亞邊個 時間: 2013-10-2 09:42
舊年我都有fd 練左成年, 因為報名時趕唔切狗衝而無辦法參賽; 亦有同事練都冇練就報FM, 結果唔夠15k青馬橋折返就見到佢行路

不過我覺得問題唔係在於參賽者, 而係在於大會. 大會應該設立基本參賽要求, 例如需要往年曾經做過FM sub 6或 HM sub 230 云云... 不過主笨單位搞 scm 目的只係為左籌來年經費, 夠數就唔會理你

作者: tango 時間: 2013-10-2 10:53
自己趕唔切報名都可以賴大會？

作者: meia 時間: 2013-10-2 11:35
本帖最後由 meia 於 2013-10-2 11:45 編輯

little-fish 發表於 2013-10-1 06:34
忠言逆耳！

去啦去啦，反正個身係你的，有乜死傷，買大人壽，等家人有錢攞！

我係認真問, 我亦講咗我會量力而為,

但你歧視人跑得慢, 咒人跑到死 (仲叫我買定保險等屋企人收錢)???

你把口好臭, 個心勁黑,

你咁叻, 唔自己包哂個渣馬去跑?

呢d係公開比賽, 而家跑得慢阻到你咩?

一係你叫主辦單位, 將個門檻set 到好似Boston咁高,

留返比你d高手玩囉

呢個平台係比d喜愛跑步的人交流

大家萍水相逢, 洗唔洗咁咒人???????

作者: little-fish 時間: 2013-10-2 12:11
本帖最後由 little-fish 於 2013-10-2 12:14 編輯

meia 發表於 2013-10-2 11:35
我係認真問, 我亦講咗我會量力而為

你講的係咒人的說話

問題係本身你一開始已是不自量力，又冇時間去加里數，15km long run 唔好話全馬，10km 練習都未足夠。全馬唔係乜難事，但每年仍有死傷，某部份原因，離不開一啲不自量力/冇準備的人參加。你本身有家庭，仍然要咁做，是非常自私行為。以你現時實力，完成30km都有難度，唔信就自己試一次，30k 同42•195k 比較，難度不是只加12•195。
我以前係能夠輕鬆完成半馬時（仲快你幾分鐘，隨時可起步跑半馬，非比賽），初次推上30km 都要半行帶走(last 5km），要接近4小時，之後重回基本練習，一年後先再上over30 km,雖然我冇跑步天份，但起碼當時可以付出時間，一星期跑 4-5次，唔係你那種1星期1次15km,雖然見過一些天份高人士可以少練習而完成，但明顯你都唔係這種人。

Ps:快慢根本唔係重點，而係你能否安全去運動才是首要。跑步真係會死人的，不應掉以輕心。

作者: meia 時間: 2013-10-2 12:28
請你認真d 去睇我的留言

我第一個post話只可以15k/week

但綜合各方意見, 我話會加, 亦已經加咗,

上星期係22k...我會繼續跟個plan去操

如果唔得, 當然唔會夾硬

************************
閣下係一個好自大的人, 除了咒人, 開口埋口 "不自量力"

但而家又話快慢唔係重奌??

我認為懂得做人處世, 比跑得快重要

BTW, 所有運動操唔夠, 當然唔好, 會有危險

好多之前出事的跑友, 好多都係有隱性病, 佢地好fit好勁, 都一樣有事, 這根本同操練無關

作者: little-fish 時間: 2013-10-2 13:16
你係我的post 內幾時見我刻意提快慢？有時冇可避免提及時間，只因那是一個能力/level 數據參考(例如能半馬個半小時完成同2個半小時是天淵之別），我從來冇話我快，我一向認為我還未夠快，又唔似某些師兄姐有天份玩超馬，10km 又有幾個女members 跑快過我。男的更多些。
你後段講得啱，但你自己有提及到你的身體狀況咩？從你提供的，只知你只有基本體能/可付出時間唔多。

Ps:體能勁而出事的，追求時間唔同，如果佢哋只求在時限內完成，我敢話佢哋一定唔會因跑步/運動而引起身體疾病而過身。那是是否把身體推向極限的原引，同初級者只求完成是一樣的。

我就唔知你未來可付出多少時間，我自己係初次能完成半馬距離（兩年前的8月中時候，正正2：30小時）之後接近每星期都跑一至兩次半馬至25km不等，到12月25日，自行推上30km,都非常免强，而那是我準備了1星期的結果，所以我話你玩全馬一定會受傷，根本唔係咒你，而係必然性。
「雖然我冇天資，人又到中年，但我因太肥（220lbs），10幾年冇做任何運動，由非常艱難慢跑完200米開始，到完成半馬2個半小時（210lbs)，我係用咗5個半月的」(點解自知冇天份？係vo2max 量出來的，只是普通人一個）。嘿嘿！

作者: little-fish 時間: 2013-10-2 13:38
舊年我印象中有兩個比賽中去世人仕，洋警司（多年比賽經驗，冇可能唔知），和廣州1：45小時/10km 的少年（這種時間，仲唔夠慢？已接近步行），相信去世前都認為自己是"量力而行＂

作者: meia 時間: 2013-10-2 13:43
"嘿，需說跑步各有原因目的，但得罪講句，跑咗兩年半馬比賽都仲係2：30hr,又冇時間儲里數，即先後天都冇，加上見你咁忙，可能年齡唔細/家庭經濟支柱，認真考慮一下責任感/家人"

"咁又浪費了一個位！好多準備了多月的人舊年報唔到，我都係1pm先登入到，結果有幾千人未能完成/出席"

"去啦去啦，反正個身係你的，有乜死傷，買大人壽，等家人有錢攞！"

如果你係出於善意的提醒, 我相當感謝

但觀乎你的用語, 我只係見到冷嘲熱諷, 同埋惡毒的言辭,

幸好這裡不是每個人都這樣.

作者: meia 時間: 2013-10-2 13:53
關於跑步猝死

http://dailynews.sina.com/bg/new ... 27/23424000034.html

The facts speak for themselves.

作者: little-fish 時間: 2013-10-2 14:23
嘿，我跑步能力仲比你只高些許時，我自問就冇能力去完成全馬（不計時）（我係"量力而行"之人，唔打無把握的仗

，試咗30km已知唔得，即我兩年前初跑步9個月內時），所以我只在基本功上練習，一年後才玩全馬，玩完後我自覺基本功仍未足夠，悔不當初冇聽指導者的勸說等多一年。
所以我真係唔多覺你係"量力而為＂，而預咗上巴士，唔係浪費一個位又係乜？仲要換來一身傷患？

係我返工地方，近三個月內有兩個外判工人由梯上掉下地去世，分別只是1米高和二米高，人係好脆的（兩個保險都唔會比錢，因不聽勸說，冇安全帶/帽）

話你玩半馬兩年仍係2：30,係直接反映你冇特別跑步天份(即先天），睇後面那句，唔係有提咩？邊過跑手未經過這個階段？只是停留在這階段多久而已••••嘿，我冇天份，不過我比你願付出時間去練跑，我就停留咗4個月•••••••

作者: little-fish 時間: 2013-10-2 14:44
真矛盾，明知全馬有一定危險性，又話要係根本上冇準備情況下去"量力而為＂？（我唔會認為1星期跑一次20餘km 叫做準備囉，我練10km,一星期里數都24-60km不等，視乎階段）
心係可以直接致死，其他仲有腳、腰、頸傷呢？分分鐘唔死一身殘。這就係唔一步一腳印的後果。

作者: meia 時間: 2013-10-2 15:49
I have nothing to add. It is pointless to discuss with heartless and senseless people.

Just one thing "係我返工地方，近三個月內有兩個外判工人由梯上掉下地去世，分別只是1米高和二米高，人係好脆的（兩個保險都唔會比錢，因不聽勸說，冇安全帶/帽）"

香港的工傷補償制度是不論過失的, 只要意外是在工作期間發生及因工引起, 僱主有責任支付補償

保險唔賠, 不等如僱主不用負責, 不要令人誤會

作者: meia 時間: 2013-10-2 15:59
謝謝所有真心善意的回應。

作者: little-fish 時間: 2013-10-2 16:11
本帖最後由 little-fish 於 2013-10-2 16:14 編輯

正如在此鼓勵一啲會"量力而行"去跑全馬的人一樣，版主/綱係唔負責，鼓勵的人義務上咪至多送句rip （有心的寫全文），反正個破碎家庭係人哋的，no hard feeling.

叫一啲小型外判公司自己賠？關門大吉，開過另一間算吧啦（大公司如新紅基仲有點希望，上年w tower 每個家庭比20萬做白金，唔知可頂幾耐，冇聽說保險有賠，因全部冇用安全帶）。開工時出事公司有責任，都仲要睇細節是否包含，咪以為開工期間一定賠。

作者: meia 時間: 2013-10-2 16:39
無知真係可怕

僱員補償條例第40條規定所有僱主都要買勞保，即使間公司只僱用1個人

如果萬一無保險，可以去僱員補償援助基金管理局申請

未必個個僱主有能力畀帛金，但法定補償係一定有

抱歉離題

作者: meia 時間: 2013-10-2 17:57
For record, 離題都講多句

1) 工作期間出事, 除非係自己病, (中風, 心臟病), 自殺, 否則,公司要負責 (即使個工人自己有疏忽, e.g. 冇用life line)

2) W Tower--> if you are talking about ICC, the accident happened in 2009. 6個工友係ICC趺死咗,大判比每個家庭的恩恤過1million

歡迎光臨香港長跑網 - 長跑長友 (https://www.longrun.hk/)