-初接觸長跑..呼吸與姿勢問題.."

KingSimon

如果係公園跑,附近空氣好,冇馬路....口吸口呼個人認為ok
最好跑之前望一望空氣污染指數啦.始終用鼻吸氣可以過濾一下d空氣
不過我係口+鼻同時吸氣...呼氣只用個口....我覺得咁樣換氣最快= =...
另外....我係兩吸兩呼....姐係「吸,吸,呼,呼」
除左慢跑當熱身...拉筋都好重要
我既建議係...慢跑500m,停低拉筋...跑跑跑跑跑...500米慢跑冷卻,再拉筋
落雨最好唔好跑,小心地滑
既然圈速快左咁多,可以加長距離,不過增加訓練量既同時注意跑鞋保護能力夠唔夠,特別針對番你係後跟落地既跑友
你個場有輕微上斜我覺得幾好,落斜減速都正確
跑前唔好食蛋白質食物,唔好飲coffee,酒
食完野過個半鐘-兩個鐘先跑
身體前傾冇問題,但係眼要望前面,唔係望地下,另外,如果你跑完覺得背肌酸痛,你應該係前傾太犀利,要企番直少少
你所講既橫膈膜痛唔知係味我平時感覺到既胃抽筋.....
你將身體彎低(好似鞠躬咁),會止痛,不過治標唔治本,你應該食完野之後,再過耐d先跑
我個身體好奇怪,食完野兩個鐘內跑都會痛,所以我起碼過兩個半-三個鐘先跑,不過我有d fd食完隔一個鐘就跑得
---
到最後啦....我呢個建議應該有比較大爭議性,可能有人唔同意
我認為,初接觸長跑,對於增加訓練量.....唔係以「跑5km用30分鐘練到用20分鐘」為課程目的
而係以「30分鐘跑到5km,增加至30分鐘跑7km」,或者可能時間用多左,但係跑既距離係應該有增加既
唔知你明唔明我講咩....總之我希望你無論下次跑5km用左10分鐘又好,20分鐘都好......最起碼跑番你第一次所用既時間(30mins)
當課距到左一個目標,例如10km,15km,甚至更高目標,先操練番個跑速

[ 本帖最後由 KingSimon 於 2010-4-17 23:00 編輯 ]