外腳踝腫唔退

馬仔

10號跑越野時，左腳外踝咬柴，當時唔痛，唔紅，唔腫，只係拉筋時感覺怪怪地，物理治療師檢查後話問題唔大
11號開始有少少腫，但係一D都唔痛，所以冇理去咗行山約25公里，當日下午行完山返到屋企時，發現左腳外踝已經腫到好似只鷄蛋，好驚！
即刻冰敷加扎腳，休息咗都有10日（間中球場輕鬆跑半小時），呢段時間自己都好努力擦油按摩。
但係到依家仲未退腫，,真係有D擔心！
想請問有冇跑友試過咁ge情況，幾時會消腫？未退腫前可唔可以練習同埋參加比賽呢？
有d咩方法可以快d好番呢？
心急想知！多謝回覆！

[ 本帖最後由 馬仔 於 2010-4-22 20:03 編輯 ]

馬仔

係啊，跟著佳哥都有一段時間，知道著好多有關跑步ge知識，但仲需要花多d時間去揣摩領悟！

馬仔

多謝大家！
其實仲未睇醫生，都冇食藥，因為唔鍾意，希望可以自己好番啦！
至於是否參加比賽，都要睇到時自己是否忍到腳……睇怕都幾難！

馬仔

可否p m給我,因為腫脹至今都冇退！

馬仔

收到，唔該晒CHing！

馬仔

哇！原來咁多人都受傷患困擾！真係唔可以睇小！
之前打電話去問過，醫師聽完我對傷勢ge描述之後，表示問題唔大，只要两至三次一定退到腫！
聽完之後即刻冇咁驚！跑完509先去睇。

馬仔

跑完必達就去咗睇醫生，哇！抽咗好多瘀血出來，睇見都怕怕！
連醫師都話好夸張，仲話因為我求醫求得太遲，已經造成隱患，日後番風落雨時會覺酦軟woo……所以如果各跑友有傷在腳都係及時求醫為上策！
溫馨提示︰1/ 會有少少痛，要堅強d啊！（我要用手掩住口，咬實牙關先可以冇叫出聲 ） 2/ 抽瘀血 + 外用敷藥 + 內服消炎中藥  承惠$200

[ 本帖最後由 馬仔 於 2010-5-9 16:03 編輯 ]

馬仔

醫師先會用一個佈滿細針頭的錘仔敲打你瘀腫處，呢吓真係好痛！
（但係醫師不停話我好勇敢，好堅強，搞到我死都要忍，唔好意思叫出聲！ ）
跟住蓋一個尾部有條管ge真空罐係患處，利用真空抽出瘀血。
我睇住d瘀血被抽出來，瘀紫色，面積仲大過一個五蚊銀，厚度就有四個五蚊搭埋一起咁高，好恐怖！

馬仔

腳都係腫，今日又走咗去睇，ec用姜+ 燒熱ge艾草進行熱敷，帮助散瘀，但作用好似麻麻地！ec話因為求診得太遲同理入面的骨都有移位，完全恢復的機會好微，要靠自己平時慢慢調理，做多d熱敷，用熱水浸腳等……手尾都幾長woo！

馬仔

誠意奉勸各位有傷在身的跑友暫時停下你們的腳步，為了明天可以跑得更好！
我己是一個很好的反面教材，因為無法忍受不能跑的日子，抱著僥倖的心理，想著只要小心就會有事
結果一聲慘叫之後，迎來了第二個惡夢 ，同樣的位置第二次咬柴！呢次真係好怕，因為好痛，好痛！
係家中全休咗3日，依家仲睇梗醫生，至少2個星期唔可以跑，到底幾時可以跑番，要視乎傷處的恢復情況。