經過個多月的等待, 今年的430大型約跑, 終於都完滿結束. 在此, 一定要衷心多謝一班今日到黎幫手的義工們. 當中包括多位領跑員, 行李交收及分發義工, 攝影義工......由於小弟對認人真係十分差勁, 唔可以一一列出你地既名字, 但我會在心中衷心咁多謝你地.
另外, 亦要多謝有份幫手籌辦是次約跑的各位老友, 其中包括, sue兄/平兄/屈老大/黃sir/柏爸同埋幫左我最多既小秘書. 當日口輕輕提出要攪430約跑, 本來真係諗住會多d返上黎長跑網緊貼今次活動既情況, 但係由四月開始, 我既工作起左一d莫名其妙既變化, 令到我比起以往工作繁重了不少, 就係因為咁樣, 而將籌辦事宜旁落左响各位既身上, 在此亦都要向你地咁多位說聲多謝. 有你地既幫忙, 令到我可以掛名攪到 一個咁成功既約跑, 小弟相信都會一直記住响心裡面, 日後如果有用得著小弟既地方, 即管隨時開聲, 定當盡力幫忙. |