養兵千日，用在一朝﹗

阿聰

2011年1月29日 (星期六)

地點: 將軍澳運動場 > 寶邑路 > 左轉維景灣畔 > 澳景路 > 將軍澳運動場
長度: 7.5KM
時間 : 1:00
氣溫: 11度左右 (天晴)

今早再次練跑，終於成功上到澳景路頂，
但事後才發現我根本完全未跑過澳景路全段，
不過用佢黎練上落斜又真係幾好既。^^

阿聰

2011年1月31日 (星期一)

地點: 慈雲山蒲崗村道公園緩跑徑10個圈
長度: 6KM
時間 : 0:40
氣溫: 10度左右 (大風)

睇黎之前跑過兩日澳景後，腿軟並未完全恢復過來。今晚去練跑，也只有跑少一點了。

阿聰

2011年2月3日 (星期四)

地點: 大埔元洲仔公園 >> 科學園尾 >> 大埔元洲仔公園
長度: 10KM
時間 : 1:03:16
氣溫: 11度左右 (天晴)


作為兔年第一個早上，我選擇了練跑作為第一個"節目"


今天天氣很好，有很猛的太陽，
對於我以往跑開夜晚的人來說，顯然有點吃力。


不過為了應付渣馬，之前的懶惰，變成今日要更加"辛"去練跑，才能令自己堅持下去。

阿聰

2011年2月6日 (星期日)

地點:  將軍澳運動場出發 > 維景灣畔 > 澳景路 (只跑右邊行人路盡頭折返) > 蓬萊路 (清水灣半島) > 右轉康城路(盡頭迴旋處沿路折返運動場) > 運動場2個外圈
長度: 14.5KM
時間 : 1:33:25
氣溫: 16度左右 (天晴)


今日是第二次跑到康城，上兩次都只是跑到邵氏影城便折返
雖則今次成功跑到澳景和康城，但發現自己練跑完後，全身都痛得很厲害
我唔知是自己以往少於練習，定還是我身體已經負荷不起.....

阿聰

2011年2月7日 (星期一)

地點: 慈雲山蒲崗村道公園緩跑徑15個圈
長度: 9.75 KM
時間 : 1:03:40
氣溫: 18度


今晚再次係慈雲山練跑，經過連續兩日練跑，感覺反而良好，令我覺得遲幾日後可以挑戰更遠的路程。

[ 本帖最後由 阿聰 於 2011-2-8 00:01 編輯 ]

阿聰

2011年2月12日 (星期六)

地點: 將軍澳大圈1圈
長度: 8KM
時間 : 0:47:50 (5:58.8/km)
氣溫: 12度



今早和烏拉, Ring 兩個人去將軍澳練跑，發覺原來有人作為"目標"，對自己練跑甚有幫助。
就好像用他們作為"魚餌"一樣，作為"大魚"的我，就要設法和他們逐漸拉近彼此之差距。

[ 本帖最後由 阿聰 於 2011-2-12 16:49 編輯 ]

阿聰

原帖由 tommyleung 於 2011-2-12 23:20 發表

                               
登錄/註冊後可看大圖

有的進步, 應該好快可以SUB60, 或者你其實已經係可以SUB60, 因為通常練習都會hea的.

咁我都希望可以SUB60，起碼跑步都唔會同別人相差太遠。

阿聰

2011年2月14日 (星期一)

地點: 慈雲山蒲崗村道公園緩跑徑24個圈
長度: 15.6 KM
時間 : 1:37:37 (6:15.4/km)
氣溫: 9度


雖則今日是情人節，作為沒有情人的我，
最適合渡過的方法，莫過於練跑；
今晚天氣的確嚴寒，但幸好在練跑當中沒有下雨，令我跑起上來也特別舒服。


不過，由於今晚試戴隻新錶，經常要睇住時間，令我發現今晚的確跑得比以前慢，
而且都唔知點解，每次我練跑超過15公里或以上的路程，跑完後都發現自己經常肚屙，
也沒有胃口再食其他食物，甚至連水也不想飲太多......

阿聰

原帖由 tommyleung 於 2011-2-15 23:22 發表

                               
登錄/註冊後可看大圖

會不會是你跑前兩個鐘食好多野呢? 定是你著唔夠衫凍親個肚仔?

我跑之前既一個鐘只是食左塊面包，因為個日係有點肚餓
而當晚的確係幾凍，但我都係著短衫去跑，感覺都係同平日一樣。
或者我係跑完後應該行番落山，令自己身體有所調節方為上策。

不過，經過個晚跑完後，我更覺得休息的重要。
因此今個星期我都學好似purejoey 兄之前咁，要"餓跑"這個星期，
以期望自己在渣馬當日可以有體力，發揮更好表現。

阿聰

原帖由 purejoey 於 2011-2-16 23:30 發表

                               
登錄/註冊後可看大圖

聰哥好似都係處女渣半馬...我都係

周日馬鞍山盃後到渣馬前我都唔打算跑，除左餓跑外，加上呢排d天氣跑我會好易病。

所以好羨慕你經常係嚴寒下都跑得神態自若。

我呢個星期唔跑，就係我都怕係呢個環境我會容易病，而且我既肌肉也希望得到充份休息。
神態自若我梗係無份啦，反而TKO 個班人今晚仲有去練跑呢？佢地仲勁啦?! 哈哈。

既然星期日大家都係"處女渣打半馬"，希望到時可以見到面，一齊努力吧！

阿聰

原本我昨晚同今晚都想練跑，但一想起星期日比賽就打消念頭了。

不過，如此"餓跑"都真係幾辛苦......

阿聰

原帖由 tommyleung 於 2011-2-18 20:04 發表

                               
登錄/註冊後可看大圖

如果平時跑夠里數, 又有間唔中操下長課, 賽前休息完全唔成問題, 反而比自己的肌肉休息下仲好, 當然你每日都可以繼續做十多分鐘熱身拉筋啦...

祝你都順利完成, 繼續PB!

我就係平時跑唔夠里數，現在只有提早休息以儲能量咋。
拉筋我只有係家中做，希望比賽當日冇咁易扭傷啦。

阿聰

原帖由 chisuet 於 2011-2-18 19:47 發表

                               
登錄/註冊後可看大圖

我都係"處子渣打半馬", 大家加油!

大家咁話
享受比賽，盡力而為，令自己無怨無悔。

阿聰

2011年2月20日 (星期日) - 渣打馬拉松2011

地點: 尖沙咀-> 美孚-> 西隧-> 上環-> 灣仔-> 維園
長度:  21.10KM
時間 : 2:15:44
氣溫: 13度


今日是渣打馬拉松的日子，也是自己一年訓練後的成績表。
講真，今年的訓練，我都不是經常參與，形成"間歇性"練習。
經過今天的努力，今日終於成功完成"渣打半馬"，
預計成績和大會顯示的時間都差唔多 (2:15:44) ，
但比上次UNICEF 的半馬時間快了15分鐘，因而成功造出PB。


但是，當我由西隧跑上去中環時，發覺自己雙腿幾乎抽筋幾乎跑不到，
似乎都是比賽之前拉筋不足所致。

當我跑到西隧時，發覺有個著長跑網的跑友超越左我，
我突然間就不顧一切就去追佢，
一直追到入西隧後才超越左佢，
但個陣也發現自己體力不繼，最終都俾佢過左我頭，
之後就見唔到佢了。

原先我都以為，這樣的成績都ok 。
但當我見其他人的成績後，原來我都仍是最差的一個。
他們都說我有所進步。
但我總覺得進步並不顯著，成效不彰，亦提醒自己不可自滿。
未來日子，自己要無時無刻處於作戰狀態。
只有這樣，才會有進步。

[ 本帖最後由 阿聰 於 2011-2-21 08:47 編輯 ]

阿聰

原帖由 purejoey 於 2011-2-21 00:29 發表

                               
登錄/註冊後可看大圖

第一次同你打招呼，就係初段果陣回頭叫你加油著住城大衫的小弟，繼續努力!

"地點 : 尖沙咀-> 美孚-> 西隧-> 上環-> 灣仔-> 維園"



已更正了，謝謝。

阿聰

原帖由 tommyleung 於 2011-2-21 20:35 發表

                               
登錄/註冊後可看大圖

有好勝心都好正常, 現在的他仍有好大進步空間, 呢的時期我諗人人都經歷過, 初頭可能係2個半鐘, 慢慢又快左十多分鐘, 之後又再快多幾分鐘, 再之後就好快sub2, 當他經歷過晒, 就會好快見到一個牆, 當他回想時, 才明白早前一天一天的進步, 由十數分鐘慢慢減到十數秒鐘, 有時分分鐘仲要退步, 才會明白前以每一次順利完成, 每一次PB是值得興奮值得開心, 是一份動力去繼續刻苦練習, 繼續挑戰自己眼前的一道牆, 而不再是計較與別人之距離....

早前我都有考慮過這個問題
如果真係去到這一日的話，我所追求的，則希望變成參與的次數，一直參加到認為自己冇能力參加為止。

阿聰

原帖由 tommyleung 於 2011-2-22 07:55 發表

                               
登錄/註冊後可看大圖

不過人人既天份都唔同, 我暫時覺得自己都無咩天份, 已經去到一個自己的時間區域, 亦係大部份人既阻力位 (10k 50 HM 1:50), 我都唔知幾時再可以突破個牆, 可能半年一年未定, 但會否中途放棄仍是另一因數, 又或者係 ...

謝謝
我只感受到當人人都有很大的進步，自己彷彿有點停滯不前，甚至倒退的感覺。
我不知道自己的空間還有多大，但隨著年紀的增長，這些空間只會不斷減少。

"年華老去"，也是這個意思。

我們，亦只能在有限的時間去競賽。

阿聰

原帖由 齋老味 於 2011-2-21 11:34 發表

                               
登錄/註冊後可看大圖

聰兄跑得幾好啦
又 PB 成功!!!
我就差囉
又 sub2 不成
上西隧又抽筋抽到返終點
可能尼個月食得野多練得野少
比賽前一晚仲食左個自助餐
狂食魚生生蠔甜品
近一個月長課只有兩次
都只係 13-14k 左右
所以 ...

齋老味兄，你都可以兩小時吞掉半馬，成績都唔錯了，也證明你這種減肥方法很有效呢?!

阿聰

渣打半馬2011成績

今日大會終於公佈正式成績

總名次: 3018
性別名次: 2728
組別名次: 1487
大會時間 : 02:16:00
個人時間 : 02:15:42
半程時間 : 00:40:37


我睇完後，都唔知道這樣的成績是否叫做"滿意"。

其實能夠完成"半馬"，應該是很開心的事。
但今次，我並沒有這種感覺。

我只是選擇"沉默"，以提醒自己不可早有自滿的心態。

共勉之~~

[ 本帖最後由 阿聰 於 2011-2-22 23:46 編輯 ]

阿聰

原帖由 烏拉 於 2011-2-22 18:09 發表

                               
登錄/註冊後可看大圖

不明白. 何來停滯不前. 何來倒退??
unicef. 平路半馬 2:30
渣半馬. 地獄上下斜 2:15
你仲想點?? 仲要絲毫不喜悅的.


想了大半天. "倒退. 停滯不前"的意思. 大慨是無法把同前面的綠色衫的距離拉近點似的. 更 ...

烏拉，你當我"呻"下吧。
我今天冇事了，一切又要繼續努力，預備下一個比賽了。