養兵千日，用在一朝﹗

阿聰

大埔（五）

今晚只是和Stephen 輕鬆跑大埔,
我們由元洲仔公園出發, 跑到科學園尾便輕鬆慢jog 返歸;

由於今晚有陣陣清風, 加上和他閒談更能深入了解,
緃使最後只是跑了10KM, 反而郤是有所得著....

他今晚都問我為何遲遲不跑"澳景"
我只能夠解釋, 自己訓練不足,
如果質然同人開跑, 我會面對很大壓力,
但自己心裏有數, 心理阻礙令我無法繼續前進,
或者好像他所講: 自信不足，
自己聽完後，亦只能夠有自知之明吧?!

阿聰

原帖由 齋老味 於 2010-7-6 13:05 發表

                               
登錄/註冊後可看大圖

下次試下中午一點 33度下跑 10k
跑完你會覺得朝早跑係好思服..........

haha....謝謝
不過我估中午練跑仲辛苦
分分鐘會中暑

我睇都係上午練跑會好D

阿聰

昨晚和馬拉兄, 以及Desmond 再次挑戰"澳景".
只可惜之前成個星期再沒有練跑山路,
而練跑上山途中又突然胃痛,
結果只有慢慢行上山頂,
再行落山至調景嶺站便草草完成;
真的是徹底失敗, 失望到極點!!

(唯一慶幸的是Desmond 幫我照顧背包, 使我無後顧之憂去練跑, 真的謝謝你!! )

阿聰

昨晚和Stephen 再次係大埔練跑,
由於晚上天氣悶熱, 開始時還可以一氣呵成跑到科學園,
但回程時最終都變成"又行又跑",
令我相當失望

其實自己都已經跑了這個路段咁多次
照道理是可以再延長路程
不過始終都只是到了科學園便要回頭
這樣的成果, 當然是不可接受.....

Stephen 勉勵我要將跑步成為一種"享受",
但我似乎還未到達這種境界.....
他可以享受這個過程, 不計較成績, 不計較名次,
不過, 我自己是未達到成功的人,
如果只是享受過程, 好像變成有點"不思進取" (當然我並不是真係這個意思)
始終人是需要有動力, 才能有進步
或者每個人經歷不同, 想法也會不同吧?!?!

有時只得我和他兩個人去練跑, 感覺郤非常良好
人少去跑 , 也有當中的樂趣
真的希望這樣的練跑能夠繼續維持.....

阿聰

原帖由 monsterjoe 於 2010-7-16 20:45 發表

                               
登錄/註冊後可看大圖

記住你自己所講既說話, 就會明白你自己其實已領略到當中既樂趣, 記住人多有人多既樂趣, 人少有人少既樂趣" />" />hiuijhkj。人有時唔好太計較, 好辛苦架, 無晒人生樂趣" />" />hjgh

咁又唔同, 我會比較喜歡人少去跑
始終壓力冇咁大

阿聰

大埔 (七)

今晚和Stephen, 阿招佢地一齊練跑,
原本大家由大埔元洲仔公園出發, 打算跑到"雙橋"折返回程, 而全程大約15K左右

由於大家當初溝通上的誤解, 他們跑到馬料水科學園內的公園, 便一直乾等
我又以為佢地係跑到"雙橋"尾先至等埋我
結果當我一個去到"雙橋"時, 發覺不見他們,
我還以為他們會直入馬鞍山,還想向馬鞍山方向跑去,
後來自己實在太累, 跑到半路才放棄, 折返回大埔

但最終都體力不繼, 自己都只是"又行又跑"回到大埔,
想起開始起跑時的雄心萬丈, 到最後還是功虧一簣!!


不過有了今晚的經驗, 相信日後我會更有把握如何跑到沙田/ 馬鞍山,
或者將來好似Christy 所講, 可以係馬鞍山會合呢?! 哈哈......

阿聰

後話: 今晚他們都話我大有進步
但我相信他們"客氣"說話啫

之前我又大病, 搞到成個星期冇練
現在的我, 只是急起直追.....

我看不到自己有何進步過

阿聰

大埔 (八)

昨晚終於一氣呵成, 由大埔直跑到"雙橋"(馬鞍山),
再跑返大埔, 全程15KM;
其實我在最後500米, 我已經覺得雙腳嚴重超出負荷
因為我發現大腿是前所未有這麼酸痛
不過, 我本著不可臨陣退縮的心態,
最後還是很辛苦的完成整個路程

當我跑完之後, 就發現雙腿劇痛,
初時我並沒有為意, 以為過多一陣就會沒有事
點知想拉筋時, 發覺大腿嚴重抽搐, 迫使我要放棄拉筋

在樓下大堂的時候, 其實我已顯得相當辛苦, 管理員還問我是否需要入醫院
幸好當時我還可以有精神看見影像; 如果再加上"眼前一黑"的話, 那我今日恐怕就躺在醫院了.....

當我回到家中後, 就發現自己肚屙作嘔又頭暈,
而且還有好像"中暑"的跡象 (雖則我又覺得唔似)
由於身體內裏熱到發滾, 我便唯有立即沖凍水涼降溫
幸好之後身體便慢慢正常, 但結果我整晚還是又屙又嘔...


經過今次之後, 我有點懷疑自己能否再應付這麼漫長的路程
但是跑步正正就是要這種"堅持", 才可以逐漸成功
因此現在的我, 還是充滿疑惑.........

阿聰

原帖由 purejoey 於 2010-7-25 10:59 發表

                               
登錄/註冊後可看大圖

想問聰哥係唔係一個人跑? 係的話照計個pacing 完全係自己控制。
小弟很怕跑完有後遺症，非常保護自己(怕死)，好注意跑時的身體變化，發覺很熱燙時立即減速散熱。

當小弟由跑開10k逐步升上15k後，發覺連士啤 ...

Joey ching, 其實我比你更加"怕死"
因此我點解為何都係我自己一個人跑, 而沒有跟你地跑呢?!

講真, 昨晚我從未試過跑完之後完全散唔到熱
我都唔係日光日白, 猛烈太陽下去跑啦
但都搞成咁.....


或者今個星期三, 我都係跟你地練跑下, 睇下點先啦
如果你地不嫌棄我跑得慢就是了......

[ 本帖最後由 阿聰 於 2010-7-26 00:23 編輯 ]

阿聰

我就係要練到自己

中途既不飲水, 又要迫自己腳痛都去跑

咁先至唔會係真正比賽中, 容易中途放棄

阿聰

大埔 (九)

今晚和Stephen , 阿招他們6人再次係大埔練跑;
由於今晚Desmond 以及Louis 的加入, 同埋Kanok 的回歸, 令參加人數變得很多

今晚原定的目標, 是想再以"雙橋"作為目標才折返,
始終剛過去星期六之測試, 雖則是慘烈完成, 但起碼發現自己還是可以堅持
當時我估計, 只要今晚速度跑慢一些，我還可以輕鬆跑到”雙橋”吧?!

結果今晚天朗氣清, 還有點微風,
當我跑到馬料水碼頭, 正打算再前直衝的時候,
忽然見到前面不停行雷閃電, 結果最後怕落大雨, 到時自己狼狽更麻煩, 才決定折返回頭;
當時發現自己未能再往前跑, 真是非常失望, 最後計算亦只跑得13KM

不過, 雖只是短短的13KM , 但終於發現自己是有能力去每次練跑至少10KM, 甚至更長的路程;
至少今晚練跑完後, 也再沒有作嘔頭暈的感覺, 證明自己身體還可以適應過來;

為了可以讓自己作出更有實力的比試,
看來今個星期三將軍澳之約跑, 也是適當的時候參與了......

阿聰

原帖由 齋老味 於 2010-7-27 00:34 發表

                               
登錄/註冊後可看大圖

聰兄加油
想問問你地跑 13k 大約跑幾耐?

噢....今次我冇計過呢
只知上次我咁跑15K, 個人都要用成2小時10先至搞掂,
真係超級地........慢  

阿聰

澳景 (六)


今晚和馬拉兄, Desmond 再次挑戰"澳景"
由於之前在大埔的練跑, 重要的是去如何維持步速節奏及呼氣, 令自己可以跑得更長久,
因此今晚我套用這個方法, 不但令自己可以一口氣跑上到山頂,
更有力氣去維持自己去跑回運動場, 這是我之前從未成功過的.

似乎以前LuLu 同我講, 先叫我練好平地長跑, 是有她的道理


當然, 今晚也要謝謝馬拉兄同Desmond兩位, 唔介意我呢d"超慢腳"啦?!

[ 本帖最後由 阿聰 於 2010-7-30 23:11 編輯 ]

阿聰

康城 (一)

昨晚終於首次參加他們逄星期三搞既"將軍澳約跑",
雖則已經唔係再跑澳景, 但換來的是"將軍澳運動場--> 日出康城",
坦白講, 當初我對康城的環境都頗為憂慮
始終康城都還未係好完善的發展, 四周還是一片荒無漆黑
不過, 既然都有這麼多的一班人跑, 況且我也不想再次食言
唯有今次膽粗粗再一次, 順便也可以試驗自己有幾大的耐力....

沿途上幸好一直有車仔陪我去跑, 真的要衷心感謝他
其實要麻煩他帶領我這個"初哥"去跑康城, 真係唔好意思
始終自己真的是"超慢腳", 唯有令自己有氣力加速去跑以免連累人家
在練跑的道路上, 一直都碰見到其他的 ching / ctse
他們所給予我們的鼓勵, 的確令自己有這種向上的動力
這個就是一大班人長跑的好處, 至少......自己不會寂寞

原先我只打算跑B 組以適應新環境
最後去到維景灣畔的道路上, 我決定臨時改變主意改跑A組
我會覺得, 既然我還有力氣, 何不一氣呵成完成到底?!
或者今次完成的話, 我可以有更大挑戰去完成其他目標呢?!

今晚最終能夠"超額"完成, 除了要感謝各 ching / ctse 沿途支持外,
更重要的是, 要衷心感謝校長當初的提議......

阿聰

將軍澳大圈 (五) / 將軍澳逍遙跑 (二)

今早是我第二次參加"將軍澳逍遙跑"

其實經過昨晚同馬拉兄, Desmond 跑過後,
發覺自己係可以連續去練跑以測試耐力,
加上昨晚的確係"里數不足" , 便希望藉著今早的練跑補數

今早都有10個人參加約跑, 似乎練跑的威力,
特別是烏拉的威力, 真是不可睇少
自己始終不是經常參加約跑, 因此做"參加者"的確是最好不過.

一開始個個都以飛快的速度衝前,
我唯有"以慢打快", 希望以耐力去完成我的全程

在今早的練跑當中, 都有 Joe 陪著我去跑
我們一邊練跑, 一邊閒談, 都能夠領略到練跑所帶來的樂趣
我都要感謝 Joe 唔介意我這些"慢腳",
始終自己體重問題 , 不能夠在步速上再"邁進一步"

不過, 今早在醫院後山 , 準備跑上斜路時
發覺自己流汗都特別急速, 自己又特別辛苦
不知道自己已經久久未跑過這裡, 還是已經太耐沒有跑山路/ 斜路
到成功跑上去時, 個人其實變得好累, 幾乎想放棄.....

今日JC 見到我, 都讚我可以連續練跑兩日
其實我自己更希望的, 就是連跑兩日的10K ,
這樣才是對自己有所交待,
但昨晚和今早的事實證明, 我還未做到,
為了彌補昨晚以及今早所跑里數的不足 ,
睇黎明日再練跑補回里數是有必要的考慮,
但以往試過連跑三日, 令我的雙腿變得酸痛,
因此, 我都要考慮清楚先.

經過今日之後,
我期望能夠確定逄一, 三, 五 , 六都可以練跑 ,
(冬天期望再加多一日)
而每次也希望能夠跑至少10K ,
並且逐步加重份量 , 以挑戰自己的耐力忍耐,
為未來參加半馬作好準備......

阿聰

大埔 (十)

今晚和 Stephen, 阿招兩位約跑大埔;
當我放工時, 外邊還下大雨, 我都擔心會否因此取消練跑
幸好我返回家中, 外邊已經停雨, 令我們可以在濕滑的道路上練跑....

開始時我還顧慮道路濕滑, 容易滑倒, 會令自己的時間減慢,
但最後都沒有出現這個情況;
由於開跑時剛下完雨, 空氣特別清新,
因此練跑起上黎都幾舒服,
加上Stephen 同阿招的不斷鼓勵,
令我也不敢怠慢減速, 也順利完成今晚之 10K ;
後來看看時間為1:07:45,
亦有望重回昔日跑渣打10KM 時之個人最佳時間......1:05
對於自己而言, 的確是極大鼓舞,
期望將來能夠追回此最佳時間, 甚至作出超越

每次跑完步的好處, 就是可以當練跑係 dinner, 今晚可以唔駛食 !! 哈哈 ....

[ 本帖最後由 阿聰 於 2010-8-16 22:29 編輯 ]

阿聰

原帖由 齋老味 於 2010-8-17 00:30 發表

                               
登錄/註冊後可看大圖

尼d天氣都跑到 1:07:45
比賽至少快 15%-20% 啦

我頭先都由第一城跑入馬鞍山
13k 跑左 1:23
都係同你差唔多咋..........

這只是偶然情況, 要長期都係呢個時間先至得.....

阿聰

原帖由 kan0902 於 2010-8-17 01:19 發表

                               
登錄/註冊後可看大圖

聰兄
呢個時間 唔錯架啦
有待進步啦
你進步空間可能好大架

根爺, 這個時間只是大約時間, 不能作準架 !!
始終我沒有好正統既計時錶 ,
即使目前我跑步個隻, 已經帶左多年, 仲有冇得計時我都唔知

唯有下次再練跑時, 自己再用隻舊錶計下時啦...

一個鐘內跑完10K , 才是理想時間.

阿聰

將軍澳逍遙跑 (三)

今早再跟他們參加練跑.
由於自己以往少在日間練跑 ,
加上今日天氣都頗炎熱, 因此我跟他們上澳景時都特別辛苦.
幸好JC 和根根沿途鼓勵, 才令我可以一直跑到上頂, 真的謝謝他們

但上到頂後, 發覺自己想有呵嘔, 以及少許頭暈跡象,
即使休息過後仍未完全清醒,
因此唯有一個人沿路落山, 但始終未能跟他們完成全程, 心中也難掩失望之情......

經過今次之後, 睇黎自己未有察覺到, 日間和夜間練跑, 是會有如此大的差異......

阿聰

原帖由 齋老味 於 2010-8-21 21:39 發表

                               
登錄/註冊後可看大圖

真係差好遠架
小心身子為上!!!!

謝謝, 不過以往我日間跑平路都得,
估唔到跑斜路/ 山路就衰得咁緊要........