|
12/9操山報告
原本星期六晚進行4-10既行情,因落下&有可能行雷既關係,改星期日進行101-200
早上小強先生打比小弟,約7:30沙田凹巴士等
準時到達地點,小強話打的上去...我就話不如行上去啦,當熱身
咁就行上去,點知都要行半個鐘 ...上到去拉一拉筋,就8:05出發
因為多雲冇雨既關係,一路行都好舒服
由沙田凹到bbq場用左1:59:22之後小休食d野飲可樂
當我拎豬肉干出黎食既時候...有隻猴子行過....我就請佢食一件啦
點知佢拎黎嗅一嗅就放返落地行左去....仲望一望我地先走
咁我地就唔理佢繼續我地既行情...上去今日最辛苦既山"針山"
慢慢咁行到7段入口...小強就話要用40分鐘上到頂,好~試下啦
一路行上去...一路見到好多人行緊上去....行下行下...到頂喇~36分鐘到頂
上到頂,唔休息繼續行落去...一路行,就咁過左草山喇...去到公廁3:32:16
準備打大佬,係時候拉拉筋...唔多休息囉,繼續去~
一開始上,就有小小雨,上到亂石陣收左雨喇...原來係過雲雨~
行下行下,到左馬路位喇~仲係好好天喎~今日真係好好彩,繼續行上波波度
上到波波度,開始跑落去喇....跑唔夠幾步,即時落大雨...完全濕透
一路跑一路跑....落到1/3左右開始聽到雷聲...小強就話跑快d囉
一路拚命跑...離開呢個暴雨&雷電既大帽山頂...到小食亭5:09:40
因為全身濕透...所以我地即時叫個杯麵食,暖下個身先
當我地食緊麵時,身邊有個師兄問我係咪天鬼...
依點解有人識我既??唔通我得罪左人我唔知??
原來係tko一位師兄黎既...佢係度等緊其他隊友...
吹左一陣水...食完杯麵...就出發喇...
可能因為食完野回得返d體力,係9,10段都用半行半跑既狀態進行
一路行一路跑...係ok既情況下去到竹林喇....一段沈悶既路段
係竹林呢段幾乎用全跑黎完成...我跟下跟下...都開始爆爆地,只係用意志黎跟
幾經辛苦,終於走出竹林喇....係時候慢慢行回一回氣
之後都一路行一路跑....終於就黎去到大棠停車場上面個閘口喇
係呢個時候,我個mp3機開始播著"長跑長友 2009毅行團隊"隻歌
我地即時為之一震...開始快速,一路跑一路跟著唱"從前我未想過,原來我有大把貨"
用住一個極之高漲既情緒完全左今日既行情...到達大棠bbq場公廁8:02:35 |
|