咦!無人講iphone4

wongc

我+1睇住我玩個3G(唔係3GS)玩得咁開心, 一路都諗住等佢出iPhone4就會出, 但見話水貨成萬蚊, 又話行貨有排等, 都諗住過一排先出, 點知上星期六行過 MTR, 見咁多人圍住係3個檔口咪去睇下, 見有人出緊機, 咪諗住埋去睇下部機, 順便問下有咩plan揀, 個sales即刻問"你係咪訂左機架?", 我地話無, 咁有無機呀?............咁, 就無啦啦出左機喇.  我地啱啱出完, 就聽見有人大嗌 "iPhone4賣哂啦".  唔知係唔係有人訂左無嚟出, 個sales拿拿聲賣埋比我地趕收工.

架機個mon真係靚好多, 而且D反應快過我個3G好多.  至於舊電, 當然好過我個, 但我都覺得都係麻麻地, +1話玩左一陣就趺到得70%(不過唔知佢話一陣即係幾耐).  因為架機用細sim, 插唔到第二張卡落去試, 所以接收好唔好就要等過幾日轉左台先試到.

wongc

+1玩左幾日, 上網各樣都快D, 但舊電..........都係唔掂.   佢都係搭車時玩下, 夜晚玩一陣咁, 都只係可以用到2日.  不過點都好過我個3G, 依家1日都用唔到.

我續左1年保養, 唔知舊電咁差可唔可以叫佢換呢呵?  又或者換舊電要幾$?

wongc

原帖由 dannylun 於 2010-8-12 23:14 發表

                               
登錄/註冊後可看大圖

用緊 3G (冇s)，本來都諗住唔駛咁快換機，點知 update 咗 iOS4 之後部機慢到離哂譜，有 D apps 仲會無原無故 quit。依家唔換都唔得...

唉........X2!  又唔可以downgrade返OS3.  真係想即刻丟左佢.  幾時先出5G?

wongc

From Yahoo Fashion: http://hk.lifestyle.yahoo.com/fashion/men/article.html?id=art_4c6a3f9c

又講得好啱好低死喎.  朋友, 你中左未呀?  (係咪真係1月架?  咁我.....等!)


不負責任的潮流產物

正當準備加入iphone 4行列之際，外國網站早前爆料說蘋果將會在明年一月推出iphone 5，這部署擺到明是一個「掠水」騙局，時間相隔只有半年，跟半年轉季的時裝一樣咁快，比本地歌手出碟頻率還要密。好想知他們的iphone 5又有甚麼新花臣，如果只將天線位由左邊改去右邊，或者把9.3mm厚度改為9.2mm，你還會「落搭」嗎？

如果Steve Jobs那句〝我們不是完美〞是事實，那即是代表出到去iphone 7，他們仍然會有缺陷，既然如此還需要花無謂錢緊貼他們嗎？我雖然不是高科技迷熱份子，但熱愛電子科技的大有人在，iphone和Mac是最好例證，現在還多了部ipad。不得不承認蘋果的市場策略和產品研發做得很成功，成功到把一個電子科技品牌變成一個時尚品牌，甚至是潮流，吸納的已經不再是純科技用家，連所有時裝達人都成為蘋果粉絲，Steve Jobs所落的降頭可真非同小可。可以肯定的是，iphone 5絕對不會是蝕本收場，就算只輕微改動外型設計，粉絲仍會捧場，因為大家要買的已經不是他的功能，重點是New Arrival，還是Off-Season，情況跟時裝品牌換季沒有分別。................................