|
|
尋日第一次參加呢個渡海泳比賽, 好多人參加, 氣氛好熱鬧, 由於太多人, 所以我地呢d2打6就响後排攻擊, 慢慢落水, 費事比人踢到阿媽都唔認得. 但原來游起上先發現好多消閒泳手慢慢游, 同平時三項d比賽完全唔同, 雖然多人又多蛙腳, 但都比較易避開. 不斷在水中界人的感覺好high, 平時三項通常都係比人界多.  " />" />" />" />" /> 以為海面會好平靜. 點知游出小小之後, 就發覺愈來愈大浪, 可能是季侯風的關係, 而且又係東風. 我直情比個浪打到差不多反方向游, 見到有人同我游水的方向不同, 於是停下來看, 小島不見了. 原來自己游"mah" 晒, 於是再唔敢偷懶, 每10手就望一次, 之後周圍都冇晒人, 更加驚游錯方向. 而且個人又游極都好似唔去水咁. 去到個島尖端附近, 看錶是33min. 再看看終點位置, 以為好近. 當時開始發力. 但個泳帽比d浪打到"luck""luck"地. 成日要停下來搞佢, 晒左d時間. 同時發現背部比件衫條邊磨到損左, 每次起手都痛, 最後都唔理, 愈接近終點, 愈見多泳手從不同方向向終點游去. 最後卒之以1:00:37完成. sub1hr唔到. 但都滿意個成績．不過從google map睇, 應該唔止2.4km, 我拉條直線從沙欄到大尾督水上活動中心, 已經有成2.61km. 不過都無所謂!!
渡海泳真係好好玩, 自由自在好多. 不過聽到有人出意外, 個心都有d唔舒服!! 希望佢R.I.Ｐ．
[ 本帖最後由 kopo1128 於 2010-10-11 09:54 編輯 ] |
|
[複製鏈接]
發表於 2010-8-19 23:52:28
, 