HI ~~新鮮人

Oscarynk

我早你個半月開始跑步，比你輕少少，高你少少，所以我的經驗或者對你有用。

鞋我用緊NB1064，原本只係想買1063 $400，但冇貨，1064貴左150元 ，對鞋保護OK，目前我只跑運動場平地，未知日後跑街並要上落坡時保護仍否足夠。買鞋時留意鞋頭是否夠闊，我之前有三對跑鞋，真係比賽級的，好輕，但太窄，初初開始跑時未買新鞋著佢地，依家仲有兩隻腳甲是黑色的。

好多書都會教人不要too far, too fast too soon，所以你最好找本書或上網找個programme跟。我自己就因為睇左本書教我點感覺自己每次workout的效果，所以比較放胆用較快的進度。目前練了個半月，我每星期LSD的一次是15k及兩個小時左右，另外就會有較短時間的workout，練一些速度和力量之類。目前大致上一星期跑4次，多在早上，但十月開始會改帶狗夜跑東壩。

留意開始時不要跑太快，這點很難，尤其是在運動場上給別人一圈又一圈的追上時自己要按奈得住。當自己能夠跑一定時距一定距離後才想加快速度。我看的資料說的：心肺功能很易提升，但筋腱的適應慢很多，過急的進度會令自己受傷。

如果想鼓勵自己，可以買個GPS心跳表，把你跑步的紀錄留在電腦內，也是很有用和好玩的。不過這個昂貴的玩兒不是必須的﹝我用Garmin Forerunner 310XT要3k+，以目前跑左20小時來計，要16元一小時﹞，享受跑步比其他一切更重要。

Oscarynk

美津濃是我喜愛的牌子，不過我對wave space就鞋頭太窄﹝我頭像果隻就係我自己用AI畫的﹞，買鞋時試清楚，因為跑步裝備中，最主要都係對鞋。注意下鞋底的厚度，電台聽雷雄德講腳跟處最少要有2cm。

網上的資料多數係英文，不過都唔難明。我search下中文的，都不是什麼有系統的介紹。
http://www.hksport.com.hk/viewthread.php?tid=200

初初跑步當然平地最好，運動場是我目前主要跑步地方。如果以前很少運動，當然由步行開始最好，如果體重過大，亦有建議用步行減少一些重量先開始跑。我自己就因為以前踩單車，停左運動兩三年，開始跑下步，所以跳過了步行這一期。

留意每次運動前後的熱身和cool down，拉筋等，以免受傷。

[ 本帖最後由 Oscarynk 於 2010-9-22 16:03 編輯 ]

Oscarynk

>今天開始去左和宜合道運動場跑 放工 8:00PM

有開始就有希望呀，努力。重新開始，真係好難，我個半月前再開始做運動，都係只跑左15分鐘就收工，但沒有放棄，每次加D，個半月後都可以跑2個鐘一次了。

Oscarynk

原帖由 烏拉 於 2010-9-28 00:48 發表

                               
登錄/註冊後可看大圖

" />" /> 練成點呀?? 一直都等緊你既好消息架. 加油加油!" />" />

報告師兄，跑左6個星期，目前一星期跑三或四次，主要在早上跑，一次LSD，一次recovery，再加一次跑公路，LSD大概跑兩個鐘，recovery跑一個鐘至個半鐘，公路就只是開始，5公里左右。速度方面，剛做到10k 63分鐘，希望改善下步頻，可以平日練跑都sub-60，步顏方面好難數，終於有次跑到第14個圈時俾心機數左自己跑左257步﹝同一腳計，即514步﹞，計返時間，步頻是163，比起有師兄提議180步慢了許多，故此以後要練步頻。步幅計出來是0.914米，唔知是否太細步，所以我好慢下。

十月開始運動場有好多運動會，所以研究緊改晚上跑入萬宜水庫，又可以帶我三隻狗一齊跑....