2010.11.28 聯合國兒童基金會慈善跑 UNICEF Charity Run (名額已滿)

得得地

$450 嘩 !
做善事都要有錢先做得......   

唔知會唔會少啲人, 或者解決到 [撞人問題] 呢 ?

615am 起跑, 唔知交通安排, 係咪都應該係有早車去呢 ??

得得地

原帖由 得得地 於 2010-7-8 18:42 發表

                               
登錄/註冊後可看大圖

唔知會唔會少啲人, 或者解決到 [撞人問題] 呢 ?

時間      : 6:15 a.m. (半馬拉松) / 7:00 a.m. (十公里挑戰組)/ 7:30 a.m. (十公里一組) / 7:45 a.m. (十公里二組) / 8:15 a.m. (三公里)


睇清楚路線圖, 係咪好似冇改動呢 ?
跑到半程返轉頭, 一至個半鐘, 就係撞到十公里組一齊匯合一齊跑.   ??   

得得地

原帖由 MatthewTse 於 2010-7-9 14:53 發表

                               
登錄/註冊後可看大圖

上年UNICEF 我人生第一個半馬呀!!!!

但如果情況時間適合, Dec 頭可能去新加坡或者澳門跑我第三次全馬.

師兄, 新加坡馬應該滿咗.
係喎, 我報咗 [新加坡 半馬], 跑 [Unicef 半馬], 當係最後練習, 應該唔算扯得好盡呱 ?!   

原帖由 philipccwong 於 2010-7-9 18:07 發表

                               
登錄/註冊後可看大圖

簡單計算

7:00 a.m. (十公里挑戰組)/ 7:30 a.m. (十公里一組) / 7:45 a.m. (十公里二組)

7am -> 7:30 - 8:00 高峰
7:30 -> 8:00 - 8:30 高峰
7:45 -> 8:15 - 8:45 高峰
, so 8:00 打後許多人

半馬6:15 -> Sub 2 -> 8:15

所以如果半馬跑>Sub 1:45/2 ........

如果跑 sub-2 為目標, 跑到匯合處, 可能係七點半,
如果係撞到 10km 挑戰組......
希望挑戰組嘅人都係跑得勁嘅跑手, 應該影響唔會太大呱 ?!   

得得地

原帖由 齋老味 於 2010-7-17 00:11 發表
暫時練左十數次 16k
但係近排太熱只係跑 13k
10月後應該會試下跑 21k.........

齋老味兄你好 !   

回想起自己, Unicef 係自己第一個半馬.
當期時, 我只係之前一兩個星期, 跑咗 NB 15km, 咁就去跑半馬 !

睇到你話跑咗十幾次 16km, 相信要做到 sub-2, 應該冇乜問題.
(但係要預計塞人, 如果唔塞人, 唔知我舊年會唔會已經係 sub-2 呢?)

十月同十一月頭仲有唔少 10km 比賽,
你可以睇吓自己實力, 應該好快會有好大嘅進步 !

原帖由 chisuet 於 2010-7-16 13:41 發表
  
塞人 - 若參加今次會是第1個半馬, 被人阻慢一點也沒所謂, 安全至上.
但6:15開跑, 根本未天光. 地點太遠, 要4:30去到巴士站就太早了. 如果有多D識得既人一齊跑我或會有更大動力去報.....
心大心細中.............

chisuet 兄, 好耐冇見 !

我已經報咗 12月5日 新加坡半馬,
所以我都諗馬哩個係咪都係報半馬, 驚會影響新加坡跑,
同埋我都驚會塞人, 報咗又跑唔到全力, 好似有啲唔抵.


哩個 Unicef, 諗落舊年都好快滿 ? 係唔係呢 ??
駛唔駛要諗真啲就報名嘞 ?!?!

得得地

見大家講起, 我都諗返起...
舊年 Unicef 就係自己第一個半馬.

自己都有啲緊張, 所以嗰陣唔敢報 [Fila 地標半馬], (哩個應該更難跑)
而十一月跑咗個汀九 NB 15km, 作為踏腳石.

當日頭半程跑得比較慢, 後半段開始發力, (有食 power gel)
喺塞人情況下穿插完成賽事......

只要有練習, 完成半馬應該唔係問題,
而且到時應該仍然會塞人,
所以唔駛驚跑後段頂唔順, 跑得慢甚至可以賴塞人......   

得得地

原帖由 齋老味 於 2010-11-19 12:40 發表

                               
登錄/註冊後可看大圖

唯有去 "臨時廁所陣" 抺下身就換衫走人................  

我記得... 好帳篷...
(不過, 門口位好大, 有時門口會有人企喺度, 會走光.)   

不過, 男仔其實就咁除衫著衫, 其實都冇乜所謂.

厠所陣係臨時厠所... 好污漕, 盡量唔會喺嗰度換衫啦.   

得得地

原帖由 allanccl 於 2010-11-24 12:03 發表

                               
登錄/註冊後可看大圖

各位參賽網友加油啊，小弟會離幫大家映相，不過為了方便出入，會著下面這衫，到時見到路邊有人著住呢件衫映相，果個就係我啦，記住笑靚d! 唔好俾我映到你地個殘樣呀! 嘻嘻!

亮哥,

我都係會著類似哩件衫.   
到時等你影相 !   

謝謝 !!!   

得得地

原帖由 allanccl 於 2010-11-24 12:53 發表

                               
登錄/註冊後可看大圖

今次會帶邊個？ 小弟一定唔會放過著呢件衫既每一位，無論是領跑員定係運動員，記住望過來笑多d，小弟相信唔係好多機會唔洗帶人又映到佢地相的。無論如何，加油啊!

多謝亮哥.
今次帶靜雲.

上次我哋都跑過奧運歡樂跑,
哩兩個賽咁受歡迎咁多人, 真係有少少難度.
最緊要希望到時個個都順順利利, 可以做到理想嘅成績 !   

得得地

原帖由 LL3578 於 2010-11-26 22:03 發表

                               
登錄/註冊後可看大圖

* 好彩我屋企樓下有直車去東涌，跟住可以搭東涌線搭返去迪迪尼站

我會搭頭班車, 不過我哋未見過面, 唔知會唔會撞到 ?!   

得得地

原帖由 官塘朝偉 於 2010-11-27 04:54 發表

                               
登錄/註冊後可看大圖

今次係我人生第一次馬拉松，好緊張！
我想問...起跑集合區果度，係未可以隨意行前d,定係話早到就企前d呢？
因為我想企前d起跑，我見名次係用大會時間而唔係個人時間，最慘就係我口快快應承左我BB(女朋友）我要跑30名內，無30名就要減少跑步時間...陪返佢多d,我地對今次既諾言好認真，希望大家唔好笑=_=

嘩 ! 第一次要跑30名內 !
放鬆啲, 唔好咁緊張, 記得去厠所, 之後亦都要補水.
你睇吓第一次跑半馬(?), 駛唔駛買定[補品] energy gel, 半程嗰陣補充體力.

起跑區你早啲去企前少少啦.
如果已經好多人, 到時先穿針[借借]企前, 就比較難同唔好意思架嘞.

跑步同女朋友, 有時真係要分配時間,
但係, 如果你俾到成績佢睇, 或者俾到你嘅滿足感興趣決心, 相信佢都會支持嘅.
第一次跑, 你應該同佢講要跑乜嘢時間, 始終名次嘅嘢好難講架 !
你話俾佢聽, 聽日跑好多人塞住, 下次跑一定會做到更好時間, [有進步]囉 !

希望其他師兄影到你張跑步相, 俾女朋友睇啦 !
加油呀 !!   

得得地

原帖由 官塘朝偉 於 2010-11-27 05:01 發表

                               
登錄/註冊後可看大圖

同埋如果可以既話，希望各位影相既師兄們影到我既處子登埸，能給我留為紀念（但我係新會員，無網衣＞.＜”），我操左四個月啦，一週兩次。

嘩 ! 朝偉哥 !!
你練得好 fit.

四個月就可以 sub-45,
而且最近三次, 每次都快半分鐘 !

你企前些, 跑得快未必好塞人.   

[ 本帖最後由 得得地 於 2010-11-27 17:19 編輯 ]

得得地

原帖由 大力方位 於 2010-11-28 00:03 發表

                               
登錄/註冊後可看大圖

心情 好緊張 呀  ~~~~~~~~  

大力兄,

今次係第一場半馬 ?
今次會順順利利跑出成績架嘞 !

(雖然我有[半個主場], 我都要瞓囉.)   

得得地

起身食緊麵包.
半個鐘後出發.
原來仲有咁多人留言.   

今日天氣都幾啱跑步.
各位師兄師姐加油呀 !   

得得地

今日跑哩個半馬, 覺得好攰 !   
(平時半程會食 power gel, 今次淨係食咗兩粒能量糖, 唔知有冇關係呢 ??)

舊年哩個第一次跑半馬, 跑咗半程後, 越跑越起勁.
今日跑到十幾km, 開始冇力, 臨尾捱咗有4-5km.   

但係反而我覺得今年喺海邊嗰度, 冇咁塞人喎 !   

完成時間 < 2:11 hour.   

今日確認到亮哥,
同埋應該知道邊位師兄係夢璃.   

得得地

原帖由 purejoey 於 2010-11-28 14:02 發表

                               
登錄/註冊後可看大圖

想問得兄係唔係跑完10k就食ga?

我之前係跑到半程約 10km 就食,
最好就見到水站就食, 跟住飲返少少水嚟送口啦.

有啲人都鍾意起跑前食一包, 每 10km 食一包 (全馬).
但係有書講, 如果起跑前食,
因為嗰陣時本來已經有足夠能量而又未開始郁,
而額外食多一包, 就有機會作悶作嘔......

我覺得自己慢慢試吓啦.
本來以為今日唔駛, 點知......
我諗第時我都係每 10km 至少食一包穩陣啲.

原帖由 blurmax 於 2010-11-28 14:51 發表

                               
登錄/註冊後可看大圖

What's wrong with U?  2:11 hrs is an underscore by U coz U should have run faster than me by sub 1:52 hrs por^.^

blurmax 兄,

有心. 咁都俾你知道 ?
但係, 我未試過跑 1:52 咁犀利喎 ?!
(我跑到 1:58+ 咋.)

其實我今日係 [領跑員], 帶視障人士跑,
起初都好輕鬆, 但係去到半程返轉頭, 就慢慢開始攰,
臨尾 1/4 真係有啲腳仔軟......   
所以今日雖然係領跑, 但係自己都真係交咗八九成功力, 麻麻哋呀.

見到好多師兄都 sub-2, 或者 PB, 好好呀 !   
我都要努力啲, 睇吓沙田半馬做到幾多先.   

得得地

原帖由 齋老味 於 2010-11-28 09:06 發表

                               
登錄/註冊後可看大圖

成功啦
第一次半馬
兩個鐘内完成

齋師兄, 恭喜第一次半馬就 sub-2.   
睇過你個 blog, 你真係越嚟越 fit, 亦都證明努力係唔會白費嘅 !   

原帖由 齋老味 於 2010-11-28 15:15 發表

                               
登錄/註冊後可看大圖

今日我都見都兩三個領跑員
其中一個會唔會係你呢??

我帶一位女運動員跑.
我哋今日都跑得算 okay 啦.   

下次沙田半馬, 我有報到長跑網隊際, 我會乖乖哋著網衫架嘞 !
到時可能都會有好多師兄初認識, 到時打個招呼先.   

得得地

purejoey ching, wong.siufu ching, 齋老味師兄,

我就係見到你咃越跑越好, 我都心驚驚.   
總之, 大家都盡量努力, keep 住長跑長有長進步啦 !

如果想做領跑員, 可以搵亮哥呀 !   
我好少好少去一齊練習, 好懶, 所以今日其實係黐賽跑.   

[香港飛魚] 蔡曉慧 喺 facebook 話: 第一次跑 10km, 49min.
好好成績 !   

今日仲有撞到 [Tarry] 師姐,
跑嗰陣都見到 [賽王] 師兄, [山貓] 師兄,
另外啱啱喺相簿見到 [大力方位] 師兄,
個個都好 fit !   

得得地

原帖由 齋老味 於 2010-11-29 17:01 發表

                               
登錄/註冊後可看大圖

我跑10k就唔飲水
但係半馬就唔飲唔得

係就係慢左
但係就跑得思服d
拎住個樽好累喎！

今年渣半馬前, 試跑 ~ 20km, 有自己攞水飲.
早一兩個星期, 自己試跑 ~ 18km, 冇飲水冇嘢食, 真係好攰好攰.

平時跑比賽, 有飲水後, 心理上生理上, 係會即刻醒神啲, 所以真係唔慳得.   (尤其係夏天)
反面今次 Unicef, 覺得水站好似好多, 跑冇幾耐又飲, 飲到肚漲漲.   

揸樽跑, 會唔會左右身唔平均, 又影響擺手 ?
得返半支水, 啲水[浪嚟浪去], 會唔會仲麻煩 ?!   

得得地

原帖由 官塘朝偉 於 2010-11-29 17:01 發表

                               
登錄/註冊後可看大圖

Tommyleung/我個人時間錄得sub46,比預期慢左兩分鐘，我諗我可能無壯年組30名內=__=

朝偉哥,

點算呀 ?
係咪好緊張呀 ?        (joking, dont mind)

跑完後, 你女友有乜嘢反應呀 ?
係喎... 你話你之前有打波其他活動, 所以 keep 到咁 fit.
不如你放棄其他打波, 繼續跑步先囉.   

(你跑咁快, 又進步緊, 有前途呀 !)       (that is truth)

得得地

原帖由 官塘朝偉 於 2010-11-29 18:46 發表

                               
登錄/註冊後可看大圖

得得地�我女朋友直頭陰陰咀笑出黎＞.＜,12月1時間公佈前我都好鬼不安，我打定一半輸數ga啦，睇返舊年壯年組公佈成績，我時間剛剛在三十一，三十二名...
其他活動唔可以唔玩ga,羽毛球一日跟教練，一日就玩玩波，兩日跑步，一日踢波，得返兩日一日陪女友，一日攪自己野，我已經放棄左打籃球同篤波啦...=_=

原帖由 官塘朝偉 於 2010-11-30 03:46 發表

                               
登錄/註冊後可看大圖

我最近玩跑步連煙都食少左一半，食左十幾年=_=

朝偉兄,
咁多活動......   
最緊要自己取捨啦 !
陪女朋友都好緊要.
食煙仔就唔好嘞 !
Enjoy ! Hope to see you soon.   
至少得閒都嚟長跑網傾吓計呀 !   

原帖由 LL3578 於 2010-11-29 18:58 發表

                               
登錄/註冊後可看大圖

咁你尋日見到夢璃，你有咩感受先   

以前試過搵你啲相, 睇吓估吓邊個係你.
跑得咁快, 但係做攝影師帶副眼鏡都幾斯斯文文.
有少少文武相存嘅感覺.   

原帖由 blurmax 於 2010-11-30 00:28 發表

                               
登錄/註冊後可看大圖

You can also use Vasline to slove such problem!

其實我左邊大腿都有少少紅咗, 痛痛哋.
不過, 賽後搽咗少少滋潤就冇事.

(以前苗圃行動42km都係咁, 偶然跑半馬都好似有試過.)
第時跑半馬以上, 尤其全馬, 都真係要搽吓嘢先得.