比賽中突然急停煞制茂低個身係十分危險的事！

阿火

今早參加「美津濃香港半馬拉松錦標賽2011」，在頭2﹣3K平路比賽時，前面一位正在跑步女子突然急停煞制茂低個身，當時我同佢只有前後相隔20米範圍以內但面對佢突然其來嘅煞制茂低我真係措手不及，為左閃避那位女仔我終於失去平衡成個人扒前準備跌落地及撞向側邊棵樹.....
一瞬間，我嘅右手自然反應地輕觸那位女子背脊而借了點力維持番平衡最終避過了PK之劫！其後，朋友們目睹在我隨後有一位跑手唔好彩撞向那位茂低身女子。

小弟提出此事係因為覺得比賽當中急停煞制茂低身係十分危險，雖然那位女子已靠近賽道左邊煞停，但始終後面還有跑者陸續趕上，而且當時賽道闊度位置唔適合停留，這很容易造成人摺人情況出現。

小弟純粹發表今早險象環生，如有得罪請多多包涵！