馬拉松的意義與價值 Sport Soho．十二月號

KKLAI

參與長跑活動拾年，可算亦迷上了馬拉松，至今走了53個馬拉松，絕對唔算多，希望在此分享一下對"渣馬"嘅睇法。
多年來我對渣馬嘅安排(主要當然是統籌嘅HKAAA為首，其次一定係永遠負最後責任嘅HK Govt.)唔滿意嘅實在好多.. 好多.... 但呢啲不足之處可能源於為平衡資源分配、減低滋擾、文化背景、市民素質、商業考慮..... 等。 咁... 响無奈之餘也許加一點包容會好過一些。
不若將嘗試將焦點放眼於多年來，這項賽事又無一啲進步與及改善呢？ 答案似乎唔應該由筆者下判斷，看官或許找唔到改善與進步，咁就無辨法實在痛心喇。
而與世界上其他賽事比較亦似乎唔公平，但能借鑒於這些賽事取其長補其短自有裨益，寄望有關人士能擴闊視野放眼世界。
如今資訊發達能利用適當平台作善意批評，才可以健康地發展香港長跑運動，造福我輩長跑愛好者。

KKLAI

● 自參與長跑活動以來，為增加對長跑有關訓練的知識，故亦有加入本港某啲長跑會，因此有機會參與籌組或協助安排一些小型賽事，當然都只係做”阿四”果種啦。從中開始明白到箇中的苦與樂，希望借用此平台與大家分享。
● 每項道路賽事之舉行基本上都要預先向警務署及運輸署(*部份還需要借用場地)申請批准，有過往歷史的賽事較容易獲得批准，這一點亦意味著所呈交之計劃與上年改動越少越好，但亦好難怪責把關的部門，因為近年市民與及其他道路使用者的投訴滋擾之數字日增……。
● 賽前籌備工作還包括報名(需要大量書信及文件的處理)、計時系統準備(如今引入晶片計時已經免卻很多麻煩了，早年筆者多負責計時，當時所需人手之多與及承受壓力之大實難以想像)，獎品、紀念品、水站、行李、工作人員……. 需要籌備項目多不聲數。
● 賽事當日更是如上戰場，實在任何事情都有可能發生，每每憑工作人員嘅經驗臨場”執生”。
● 更想藉此平台表揚賽事的一眾義工，大部份都沒有獲得金錢上的酬勞(就算有亦絕對唔多)，呢班人可能卧虎藏龍在其工作界別影響深遠，這一天他們為跑友遞水、交收行李、維持秩序….. 為的是他們對長跑的熱愛與及屬會的歸屬感而已。
● 接著我想以賽事的收入及支出的金錢平衡與盈餘來總結，收入來源主要是報名費及贊助，而支出可謂一大籮…… 至於能否收支平衡當然由主辦單位承擔啦，咁… 相信在一般有歷史及品牌有保證的賽事多數能做到收支平衡，甚或有盈餘，而一般有負責任之跑會(香港絕大部份都係)都會利用這些盈餘支持跑會營運與及發展長跑，包括補貼訓練班及安排青訓更係許多跑會之重點項目。
● 最後筆者並不是企圖為HKAAA平反，但亦想在此呼籲大家考慮一下，HKAAA作為國際上被承認之香港田徑代表單位，每年行政費用、營運、舉辦活動、資助運動員/教練/裁判參與賽事及訓練….. 金錢數字亦非常龐大，亦寄望HKAAA增加其透明度使大家更了解，從而支持她與及香港田徑之發展。