用心跳錶來避免過度訓練, 有用嗎？準確否？

felixcat

我用嘅係polar的rs800cx，對於佢嘅功能真是無可置疑，但假如係希望作爲過度訓練的提示，我想不太有用。雖然佢好科學咁測量靜止同站立時嘅心跳變化，從而推算訓練的有效性，但個人覺得跑步練習唔單止睇呢個功能就可推斷是否過多，反而多留意自己身體的變化更有用，當然亦包括量度及檢討跑步運動時嘅心跳率。

我選擇呢隻表嘅理由好簡單，假如不計較價錢佢係最切合我嘅需要，縱使我唔覺得佢物有所值（賣得太貴喇）。下列係我認為佢除咗測度心跳以外最可取的功能，但假如你唔需要呢啲功能，市面上有好多其他選擇：

1. 較細和防水footpad，如買呢隻表作跑步用，這footpod係必選的配件，可量度步幅同步頻，對改善跑速有幫助。

2. 包埋唔使另外買嘅紅外線接收器，好方便咁就可以下載所有資料到自己嘅電腦內，亦可以再將資料上轉到其他地方，例如runkeeper。

3. 內置式高度計，雖然我覺得不及sunnto準確，但作為參考尤其是作登山，一表多用的設計係最值得嘅考慮。

4. 外置式的GPS，使用AA電池（包括充電池）可連續用好多小時，不算太笨重而且防水，靈敏度遠較iphone強。雖然有其他人認為外置式GPS的polar較germin麻煩，但我反而認為係佢嘅最大優點，平常跑步我會好似用call機咁夾響條褲頭連埋個footpod一齊用，行山就放響背包外邊。而家我試緊用隻表去控制登山時嘅心跳去減少出現高山反應，如果有玩埋其他戶外活動，個GPS十分方便有用。

[ 本帖最後由 felixcat 於 2011-2-11 13:39 編輯 ]

felixcat

關於訓練量的量度polar叫OwnOptimizer，資料方面芬蘭嘅英文網站較香港中文網站為多，購買前值得去詳細研究吓，畢竟隻表唔少錢，有心買就要預咗之前之後睇好多資料。

http://www.polar.fi/en/support/p ... 38b02e?OpenDocument

felixcat

原帖由 hk_1389 於 2011-2-11 19:46 發表

                               
登錄/註冊後可看大圖

非常感謝師兄提供意見。如果只長跑(21km, 42km) 使用 ，400和800是不是有相同的長跑功能? 是不是800額外的功能（和更高的成本）是沒有長跑用的額外有用功能？300比400少，長跑用的功能，是嗎?

我覺得三隻表都適合長跑用，視乎你有乜嘢要求。我唔揀RS400係因為隻表唔支持GPS，而我想用GPS嚟响跑步同行山時作記錄用。至於RS300X就因為唔容許下載跑步同坐標資料落自己部電腦度，同時呢兩隻表只可以用較大嘅footpod。其實我覺得polar好xx，只將最好同最有用嘅功能放響最高階嘅表，然後將個價錢賣到好貴，而低階嘅又唔可以用較好嘅配件。所以買之前應該諗清楚有乜嘢要求，無謂浪費金錢買咗啲無用嘅功能，又或者之後又後悔買咗隻唔啱自己用嘅心跳表，除咗買個隻外又upgrade唔到。