2011 挪威午夜太陽馬拉松 Midnight Sun Marathon - 現場報導

felixcat · 發表於 2011-6-20 22:16:11

http://www.msm.no

Held in the Arctic city of Tromso at 70°N, the Midnight Sun Marathon is the world`s northernmost AIMS certified marathon.Every year runners from more than 50 different countries meet in Tromso to run in the Arctic under the midnight sun. Midnight Sun Marathon is held at night, but you still run in bright daylight. The pure feeling of the midnight sun in stunning surroundings is a major part of the reason why the race is a target for a great number of runners round the world.

[ 本帖最後由 felixcat 於 2011-6-25 03:30 編輯 ]

felixcat · 發表於 2011-6-24 03:27:52

搭咗十幾個鐘頭機，從香港經芬蘭到挪威奧斯陸，之後又要再轉多一次內陸機，終於捱過二十幾個鐘搭機等機嘅時間，到達期待已久嘅午夜太陽馬拉松嘅舉辦城市Tromso啦。

登錄/註冊後可看大圖

中午到達時係密雲，而預算未幾日都係咁，氣溫方面大概有9到14度，如果唔落雨應該都幾好跑。全馬會響25號晚上8點半開跑，雖然大會話今年參加人數應該破記錄，不過依然得七百幾人參加全馬，來自五十幾個國家，以中國同香港報名嘅人數都係得四位，咁小型嘅賽事之前都未試過，應該同香港嘅馬拉松好唔同。

登錄/註冊後可看大圖

今日係當地23號，大會接待埸地City Hall依然未佈置好，不過聽日24號中午先係正式開幕，今日都係早啲休息，養足精神，報導住咁多先。

felixcat · 發表於 2011-6-24 22:58:18

今日24號午夜太陽馬拉松(MSM)正式響中午12點開幕，而且天氣異常咁好，出大太陽加上微風，不過聽晚比賽希望唔好咁哂啦，都幾乾吓。

登錄/註冊後可看大圖

開幕禮好小型又好輕鬆，由女副市長剪綵正式代表MSM開始。

登錄/註冊後可看大圖

同場有記念服裝售賣，不過好貴吓，最平隻手套都賣150NOK（大概港幣二百幾），短袖衫成港幣四百幾，真係得過睇字。

登錄/註冊後可看大圖

賽程係由市中心出發，再跑上一條好似澳門氹仔嘅橋過去島嘅另一面，條橋有成40米高而且好急吓，跟住跑大概十幾公里後再折返條橋，然後再跑去機場來回有20公里，最後穿過市中心接受群眾歡呼咁衝線。

登錄/註冊後可看大圖

雖然上落好似無香港三隧三橋咁甘，不過睇落都唔係咁易，希望有雪山同靚風景睇就唔記得啲辛苦啦！今日報導住咁多先。

登錄/註冊後可看大圖

[ 本帖最後由 felixcat 於 2011-6-24 23:08 編輯 ]

felixcat · 發表於 2011-6-25 23:37:00

6月25日繼續直擊報導, 早上大會攪了個 breakfast run, 即場免費報名, 由city hall 走一公里到一間餐廳, 就可享用免費早餐.

登錄/註冊後可看大圖

今日陰天, 氣溫11度, 有點清涼, 跑起來幾舒服.

登錄/註冊後可看大圖

跑完一公里的戰利品.

登錄/註冊後可看大圖

felixcat · 發表於 2011-6-27 06:39:44

噢！跑完喇，半夜跑完瞓咗一朝又周圍HEA完，終於有時間返到酒店作綜合報導。

話說報導完早餐跑後，食埋預早嘅晚飯就去睇睇其他組別嘅情況。MSM除咗半同全馬外，仲有十公里、4.2公里同小朋友賽事。最先開始係4.2公里同小朋友，十公里係七點，全馬八點半，半馬十點半，所以早啲去可以預先感受吓賽事嘅氣氛。

登錄/註冊後可看大圖

每場組別賽事都由健身中心響勁歌下帶領做熱身操。

登錄/註冊後可看大圖

十公里開步前仲有由雜耍團表演嘅噴火。

登錄/註冊後可看大圖

十公里響七點正式開步

登錄/註冊後可看大圖

呢班係同大會預先安排響七點半（一小時前）出發嘅特別全馬組別，大部分都係令人佩服嘅日本長者，其中好多都超過七十歲，而且都可以完成全程，勁呀！

登錄/註冊後可看大圖

好喇，跟著好快要到全馬開步，就響呢個時候，老天亦開始放晴，充分表現出午夜太陽嘅主題，氣溫亦由清涼開始高漲起來。

登錄/註冊後可看大圖

由於大部分跑手來自五十幾個國家，唔多唔少都會整啲代表自己國家嘅服裝，而其中最矚目嘅有日本隊嘅Kawai扮相。

登錄/註冊後可看大圖

巴西隊嘅代表途中不斷叫喊，不過唔知代表乜，但十分引人注意。

登錄/註冊後可看大圖

全馬終於準時開始喇，衝呀！

登錄/註冊後可看大圖

起步後大概兩公里度，係第一段要爬昇40多米嘅大斜上橋，好急吓有啲似香港麥徑第一段上萬宜果段咁斜法，不過呢度就短啲。

登錄/註冊後可看大圖

過咗橋之後來回接近20K又再上多次橋返回市中心。半程過後各跑手嘅距離明顯拉開，有時仲可以一個人跑哂成條路，加埋啲雪山景真係好正！

登錄/註冊後可看大圖

不過咪睇呢位人兄打大上身，其實午夜越接近，太陽明顯收斂咗氣溫下降得十度到，都幾涼吓。

登錄/註冊後可看大圖

好喇，話咁快全馬冠軍經已步向終點，佢係挪威人，成績2'34"。

登錄/註冊後可看大圖

之後其他跑手亦魚貫進入市中心大道嘅終點，同時接受兩旁群眾嘅歡呼。

登錄/註冊後可看大圖

就係咁，我嘅午夜太陽馬拉松就咁完成咗仲好好彩PB添，而香港亦有人響分齡組別入三甲，恭喜恭喜。我響挪威嘅報導係咁多先，多謝收睇。

[ 本帖最後由 felixcat 於 2011-6-27 06:55 編輯 ]

felixcat · 發表於 2011-6-28 02:58:05

係呀，北歐啲嘢真係好貴，唔只貴少少，物價一般貴香港幾倍，買支500ml可樂都成港幣$30！不過都有辦法慳錢咖，首先揀間平酒店，最重要係包早餐同有廚房可以自己煮飯果啲，強烈建議AMI Hotel，響市區又近起、終點。其次係要行超市拾平貨，有時都有意外驚喜咖。

如果想再慳啲機票錢去北歐試吓比賽，可考慮出年一月嘅Polar Light Half Marathon，因為冬季唔係旅遊旺季，機票住宿都平啲，喺極光下跑好有意思啫。人生無幾多個十年，想就要去做！

[ 本帖最後由 felixcat 於 2011-6-28 03:29 編輯 ]

felixcat · 發表於 2011-6-28 03:23:26

Heia, Heia!

呢句係挪威語，比賽時啲群眾經常向跑手叫嘅加油，讀法同「起呀，起呀」一樣，你咁回應佢地又叫得大聲啲。

所以師兄你都起呀，坐言起行。我都係睇完呢度有位莊師兄08年去過MSM，就半年前決定我嘅5sub5歐洲目的地定響呢度。

felixcat · 發表於 2011-6-28 03:34:57

我有兩個同團記者做support同影相，我就專心咁跑，我代佢哋多謝你先。

felixcat · 發表於 2011-6-28 05:46:37

原帖由 LIKINWO 於 2011-6-27 22:12 發表

 登錄/註冊後可看大圖
felixcat Ching, 好正呀 ! 仲有無d 私人珍藏呀 !? 流晒口水, 唔夠喉呀 ! 久違了的藍天, 醉人的美 !!!!!!!

私人珍藏都唔放過？我唔似貓唔似狗放出嚟實嚇死人呀。遲啲返香港先放多少少其他相，暫且放張細細合成相俾你私人欣賞住先喇！聽日告別Tromso再去其他地方，有興趣睇可以放啲其他旅遊相同大家分享吓。

登錄/註冊後可看大圖

felixcat · 發表於 2011-6-28 16:00:49

嘩，你俾我發夢呀！跑完至北就想跑至南喇，我嘅5sub5目標仲有大洋洲、非洲同美洲，至南有福克籣群島，不過好似隔涉咗啲，另外以前有個響阿根廷最南城市有個叫Fin Del Mundo Marathon，不過唔知仲會唔會有。都係發著夢先，今次元氣大傷呀！

felixcat · 發表於 2011-7-2 04:57:40

Carly Ctes，你都對挪威好熟吓喎，睇嚟你似個旅行家呀。因為之前去其他地方睇過Fjord，所以今次無打算去你講嘅地方。今日離開玩咗兩日嘅Nordkapp(North cape)，係歐洲大陸以車到達最北嘅地方，差不多係遊客必到嘅景點。

登錄/註冊後可看大圖

不過呢度入場費好貴，雖然係2-day pass，每人成三百幾港幣。我哋八點幾入去個天仲係密雲，不過好好彩，到差唔多midnight，個太陽又岀返嚟。俾個坐標大家睇吓先，背景個地球儀就係個Landmark。

登錄/註冊後可看大圖

午夜太陽又再現

登錄/註冊後可看大圖

跟住第二日我地岀海睇海鳥，又係好貴吓得兩個鐘，不過都好開心呀，可以睇到響極地嘅可愛雀代表Puffin(善知鳥)。

登錄/註冊後可看大圖

跟住黃昏又去人行到嘅極北點，比尋日車到嘅極北點仲北，有相為證咖。

登錄/註冊後可看大圖

不過起步經已好大霧能見度極低，啲指示又唔清晰，得地下有個T字，真係隨時會迷路，不過好彩都行到，用咗三小時多行八公里到達最北點。回程就慘喇橫風橫雨，雖然行得快咗都過咗midnight。

登錄/註冊後可看大圖

離開咗Nordkapp我地又揸車行咗幾百公里去另一個景點，有興趣就繼續留意報導啦。

felixcat · 發表於 2011-7-2 05:00:44

唔使客氣喇，師兄，我地自己都攪得掂，無謂打攪人。

不過講開又講，響比賽果日無端端俾Tromso Camping攪錯取消咗當晚嘅住宿，攪咗一輪知道佢地唔小心取消咗我半年前嘅booking，而佢地又客滿咗。不過佢地都好負責，即時幫我地搵地方住，其實都有啲渺茫，因為比賽日住宿好難搵，何況咁急即晚要。又好好彩俾佢地搵到響市中心嘅City Living，又近起步點。雖然貴成千銀一晚，Tromso Camping都好負責，肯俾返個差價我地，抵讚。

felixcat · 發表於 2011-7-2 14:46:32

咁你快啲開團攪去愛爾蘭喇，你攪好多人會跟隧咖。

好，要出發去一個好偏遠叫Hornoya嘅小島，返嚟再報導。

felixcat · 發表於 2011-7-5 08:03:45

Carly師姐，我去完Hornoya島返嚟正朝向 Kirkenes 進發玩返去挪威東北面。我去啲地方以觀賞自然生態為主，可能未必啱你吖，等我整理吓啲相再遲少少貼過上嚟。有關Hornoya島嘅資料可參考(http://www.visitnorway.com/en/Product/?pid=60136)往先，果度有成千上萬嘅海鳥繁殖，好壯觀呀！而善知鳥更周圍都係，對生態有興趣嘅話好值得去。個度嗰燈塔仲話係挪威最東點，我地響果度住咗晚囉。

你係咪想問有關緯度嘅意思？赤道係0度而北極就係90度，過咗66度就係北極圈喇！
http://zh.wikipedia.org/zh-tw/%E7%B7%AF%E5%BA%A6

felixcat · 發表於 2011-7-8 07:35:40

Carly師姐，唔使客氣，你諗住幾時去挪威呢？如果你唔趕，我地返香港會整理吓啲資料，再將旅遊嘅題材post響www.travellife.org，因為好似呢度越來越離題咁，到時我再放條link響度你再參考吓喇。

你問嘅問題關於在太陽不下山的晚上看得到星星比較難答，因為午夜多數都係密雲，有太陽嘅時間同機會較細，而有太陽嘅時候又光猛得濟，我問過同行都睇星嘅團友，佢本來想影午夜太陽都無留意到北極星，所以今次答唔到你啦。

前日經已返咗Oslo，玩完最後幾日就要走，今晚留響Juvasshytta lodge，準備聽日登挪威最高峰Galdhopiggen，個山雖然有2469米高，不過人行大概攀升600米左右。臨訓前post返啲Hornoya島嘅相同你分享吓先，落山後再post啲行山相你睇睇。

去Hornoya島首先要到東北面城市Vardo，一般可以由Kirkenes揸車去，不過由於我地去完Nordkapp先，所以要揸幾百公里先到Vardo。

登錄/註冊後可看大圖

Hornoya島係一個鳥類保護區，但又有一小部份地方開放俾公眾參觀同住響島上面。

登錄/註冊後可看大圖

島上唯一住宿只有燈塔旁邊俾科研人員住嘅平房，預先安排就可以有機會同佢地同埋啲雀住響島上。

登錄/註冊後可看大圖

我地因為想多啲時間影Puffin，所以先決定留響島住一晚，其他人一般即日來回。接駁嘅船程十分鐘度，坐嘅小艇就係咁，帶啲輕便行李上島就OK。

登錄/註冊後可看大圖

個島唔係好大，從碼頭到燈塔行二十分鐘度，不過好多雀，要小心隨時中招。

登錄/註冊後可看大圖

好，睇相先。呢隻Puffin啦！

登錄/註冊後可看大圖

呢隻叫 Razorbill，個咀尖尖似剃刀咁。

登錄/註冊後可看大圖

呢隻叫Guillemot，中文叫海鳩或者海鴿，個樣一樣咁卡通。

登錄/註冊後可看大圖

最後放多段片俾你感受吓現場氣氛。

[ 本帖最後由 felixcat 於 2011-7-8 07:39 編輯 ]

felixcat · 發表於 2011-7-9 00:52:01

Eric師兄，我上次去紐西蘭南島都無去milford sound，我個人覺得睇fjord最好係去阿拉斯加，人最少而且無匯率問題，美元好低吓，去非美元國只有捱窮同儲錢先去得。

另外我幫你搵過，九月尾有Oslo Marathon，不過響Oslo啲錢更唔見使，貴之中更貴。其他馬拉松賽事都可以響呢個網站搵到，快啲計劃吓去跑又嚟個現場報導吖。
http://marathons.ahotu.com/calendar/marathon/norway/September

felixcat · 發表於 2011-7-9 13:06:36

師姐叫到梗係無問題啦。我地住宿果度經已千八米，所以要登2469米嘅最高峰" Piggen "只要上六百米，而行程大概只有六公里就到。而雖然夏天經已唔多雪，其實有能力可以自行登頂，條路都係有大概指示。不過為咗帶少器材同唔知雪況同有冇冰隙，所以最終跟團行，費用大概港幣250蚊一個人。

登錄/註冊後可看大圖

個行山團九點岀發，我地個領隊係尼泊爾人，佢講解緊行過冰川時要用嘅安全帶。

登錄/註冊後可看大圖

行程初段係無雪，主要行石面，行咗大概一個鐘先見到第一堆殘雪，不過依然唔需要結組，個個人包括細路同狗都係自由行。

登錄/註冊後可看大圖

之後去到再一個較大嘅冰川，個領隊就開繩準備結組咁行。同時相信係有自己器材嘅一小隊人又開始行緊。

登錄/註冊後可看大圖

結組行冰川主要係防止萬一跌落冰隙，依然有條繩連繫著。每人穿上咗安全帶，之後扣響一條主繩就可以起行。不過其實行果條路線啲冰隙好小兒科吓，好明顯同大步行過就可以。

登錄/註冊後可看大圖

行咗又大概一個鐘，又去返石路準備最後登頂，所以又唔使結組繼續自由行。

登錄/註冊後可看大圖

又行多一個鐘終於登頂喇，個頂有個方向盆同有個望遠鏡，好似用嚟睇其他山峰。不過就咁用眼睇都可以飽覽群峰同啲冰川。

登錄/註冊後可看大圖

好喇，響挪威嘅旅遊直擊報導係咁先，遲少少先做返個綜合總結呢次馬拉松同大家再分享吓。

felixcat · 發表於 2011-7-10 13:26:00

Eric師兄，想做就要去做喇，時間唔等人呀。既然離開題，繼續離譜啲，貼兩張響阿拉斯加嘅相刺激吓你先！

呢張響湖邊小屋影

登錄/註冊後可看大圖

呢張響Mt. MacKinley露營時影

登錄/註冊後可看大圖

九月響Fairbanks都有賽事：www.equinoxmarathon.org
其他美國賽事可以響http://www.marathonguide.com/races/search.cfm搵。

咁無藉口啦。

[ 本帖最後由 felixcat 於 2011-7-10 14:25 編輯 ]

felixcat · 發表於 2011-7-11 08:31:07

嘩！師姐你求知慾好強吓喎。結組行係過冰川基本技巧，因為冰川上有好多上面只有薄雪蓋著又睇唔到嘅冰隙，人唔小心行上去就會下墜。結咗組（一般三、四人一組）行即使其中一個跌落冰隙，其他隊員就可以做掣動防止繼續下墜，之後就可以做拯救。詳細技巧同架生呢度講唔哂，或者悶到你訓著。呢度有段片都好專業吓，個教教練show哂要用嘅器材。相反我地響呢度用嘅就做樣多過實際。

至於啲大舊石，我覺得同一般響冰川見嘅黑石差唔多。參考過呢度有啲關於呢個山嘅歷史資料，俾你參考吓。http://en.wikipedia.org/wiki/Galdh%C3%B8piggen

[ 本帖最後由 felixcat 於 2011-7-11 08:32 編輯 ]

felixcat · 發表於 2011-7-26 01:02:40

睇過呢幾日響挪威發生嘅恐怖襲擊，再一次知道自已幾好彩，順利走完又安全回歸。綜合咗呢埸賽事嘅相、錄像同資料，有D未響度post過，有興趣去呢處睇睇。

		自動登錄	找回密碼
密碼			註冊

2011 挪威午夜太陽馬拉松 Midnight Sun Marathon - 現場報導

回復 12# 的帖子

回復 15# 的帖子

回復 16# 的帖子

回復 22# 的帖子

回復 24# 的帖子

回復 28# 的帖子

回復 31# 的帖子

回復 34# 的帖子

回復 37# 的帖子