2012年度長跑網祝捷會(名額已滿):

LL3578

人工智能報名 :

1. leefs
2. mill
3. Jacky(大頭蝦）
4. 波波
5. hcli
6. allanccl
7.零下十度
8. 車仔
9. 夢璃

LL3578

各位朋友：
   
   今日係情人節，首先小弟要祝天下間有情人終成眷屬，至於仍然係單身一族，應該好好把握機會向你既心上人表白la~~~
   講到表白，係需要好大既勇氣，其實我自從入左黎IEd成大半年，係呢大半年見過唔少既女仔，講到我對邊個女仔有好感，我真係唔敢講出黎，因為我以往俾人放得飛機同埋食得檸檬多，所以唔多唔少對愛情呢樣野有D介心~~
   雖然我愛情失意，但係長跑界呢邊就洋洋自得，唔計今年渣打半馬既成績平平，其他賽事都交出超水準表現，更意外地五次奪得賽事冠軍，仲有我估都估唔到今年長跑網既祝捷會竟然係我黎做司儀。呢個安排我其實唔知係邊個做既好事，但對於素來際遇平平既我，呢次係一個向外界表現自己既大好機會，無論網友間對於呢次祝捷會既評價係點，我要再一次多謝各位有份參與呢次祝捷會既跑友同埋幕後勞苦功高既義工，希望來年有機會再次合作~~~
        至於我能夠再次奪得攝影義工獎，我就冇乜特別野再講，因為我今個賽季大部分時間都要落場比賽，變相幫廣大跑友影相既機會少左；去到下個賽季，如果有睇過渣馬網頁既跑手分享就知，我要挑戰全馬，你地不妨想像下我再有冇咁多空閒黎影相，當然得閒既我可能都會黎~~~
   最後我要感謝所有曾經支持過我既跑友、同學、親戚……我係未來既日子會加倍努力，向我既終極夢想進發，謝謝！

                                                                                                                                                                                      夢璃
                                                                                                                                                                                     2012.2.14