2011年4月11日, 我28歲, 體重270lb... 172cm... 其實一路都知自己overweight, 不過一路都無去面對。同埋, 因為屋企個磅max磅到250lb, 我有時都想mon下自己體重, 但係又成日都覺得個磅唔準, 無去keep住mon。
係上年年頭, 我係網上面見到有段video, 標題係「My 120 pound journey」(網址:http://www.youtube.com/watch?v=8SbXgQqbOoU)。我當時心諗, 呢個死肥仔, 360lb靠跑步都可以減到240lb, 我點解唔可以呢?
於是, 我係2011年4月開始, 開展我自己既120lb之路。我做既第一件事, 就係0係淘寶買番個可以磅到300磅既電子磅。跑鞋同電子錶之前幾個月身痕想減重既時候, 已經買左, 不過一路都keep唔到! (仲有一
另外, 我自己之前都唔係完全無運動, 大約都keep到1-2個禮拜打一次籃球, 所以都有少少體能基礎。但係第一之跑既時侯, 跑500m, 用左4分鐘, 跑一次都已經索晒氣, 要抖好耐。(2012-04-01更新: 仲有一樣好重要既, 就係我開始用Excel紀錄番每一次做運動前, 做運動後既體重。信我, 睇住自己做完運動有Progress, 你會有多D既恆心去keep住做運動。)
於是, 我改變策略, 「我成270幾磅, 要跑緊係唔容易啦。唔跑得, 我咪先急步行下law」所以我每日6點幾就起身, 落街急行15-20分鐘。直到有一次, 行過籃球場, 見到有D叔叔伯伯係度打波, 於是就join埋一齊打。如是者, 我差唔多每日朝早都急行15-20分鐘, 再打大半個鐘籃球。
去到01年6月尾, 我再上磅! 開始見到成效, 體重減到250lb(2012-04-01更新 : 打錯, 睇番紀錄, 應該係260lb先0岩0岩) 。於是我又開始試下跑, 今次可以連續跑1km, 不過時間都係4分鐘500m咁上下。
(2012-04-01更新)
2011年7月1日, 我開始可以連續跑到1km之後, 我就開始keep住每日朝早都跑1km, 有時都會跑完呢1km之後, 抖番2-3分鐘再跑多0.5km, 之後就去搵D叔叔伯伯打大半個鐘波。如是者, 維持左一個星期。
一星期之後, 我就開始試下加距離啦。我再跑慢D, 差唔多8分45秒跑1k, 用呢個速度跑2km。咦, 拖慢黎跑, 又真係可以跑到2k wor! 每次跑完之後, 又去搵D叔叔伯伯打大半個鐘波。
再慢慢, 由於果排比較得閒, 除左朝早之外, 我都會kepp住夜晚食飯前, 大概6/7點落街跑多次1或者2k。
如是者, 我慢慢, 用左大概2個星期, 去到2011年7月22日, 第一次由2k加到3k, 當然都係超超超慢速(差唔多成9分鐘1k)! 不過, 當時既諗法, 都係肥左咁耐, 我又唔趕時間, 有咩所謂呢?
另外, 當時, 我心入面其實都有少少掙扎。掙扎D咩呢? 成日都聽人講, 要燃燒脂肪, 起碼都要做30分鐘以上既帶氧運動先減到。咁我一開頭叫我跑10分8分鐘已經條氣唔順, 咁究竟好唔好夾硬黎跑足30分鐘好呢?
我當時既決定係, 隨心吧啦, 話之佢燒唔燒到脂肪啦, 總之, 叫做有出過汗, feel到自己心肺同體能有進步緊就得啦(即係跑完之後支力既level有幾高, 呢個聽下自己手手腳腳跑完之後酸痛既level, 同要抖幾耐自己條氣先會順番就OK啦)! 至於30分鐘? 慢慢加時間啦, 唔好夾硬黎!
[未完, 待續]
[ 本帖最後由 sumofjack 於 2012-4-2 21:17 編輯 ] |