跑步真的可以減壓?

shan

有人話跑步可以減壓，因為跑步的時候，精神集中於調節吸呼和身體動作，正好把一天的煩惱抛諸腦後，而且帶氧運動有助腦部分泌安多芬，能够使人心情愉快等等..........
小妹近日工作上遇到挫折，連帶影響到跑步時提不起勁，越跑越差，以往每星期都能抱住享受的心情跑倒20-30K，但過去嗰幾日發覺跑果陣心不在心弦，甚至感到冇晒意志，點解會噉架，又話跑步可以減壓嘅.....

shan

好多謝上面咁多位師兄師姐嘅建議同埋分享，近排工作上的壓力實在壓到有點吃不消，本來希望透過跑步將壓力息放，好使腦袋能夠清醒一點，但係反而發覺自己完全集中唔倒。或者約跑係其中一個好好的方法，但係小妹又唔想將負面情緒擴散比其他朋友，所以又未必過倒自己...........不過無論點都好，响哩個平台得到各位的回覆及鼓勵，感覺有人願意聆聽和分憂，閱讀時總算嘗到苦中一點甜的滋味，真的衷心感謝你們!

shan

近哩個星期因為工作而日日都做到有氣無掟抖，更因錯敗感而失去對跑步的意志，幸得到各位嘅鼓勵，今晚收工終於的起心肝， 換衫落街，咩都唔諗就一直向前跑，沿西貢公路一路跑到北潭涌迴旋處，足足跑咗個幾鐘，沿途曾不斷提醒自己唔好去諗工作上嘅野，可惜煩惱依然係陰魂不散，壓住個腦之餘更壓住對腳，中途曾出現多次放棄的諗頭...........勉強用意志keep住一路跑，總算唔駛停而跑畢全程，當回程差唔多到終點時突然有一滴眼淚不自覺噉流出，跟住就哇一聲喊咗出嚟，當時真係好樣衰，但好彩時值半夜，無咩人睇倒。雖然問題依舊未解決，不過總算有一刻息放咗啲情緒
希望今晚唔好再失眠，可以一覺瞓到天光喇，小妹再次誠意並衷心感謝你們呀 !