遊雲跑舍

edwinc

這次回港，偶然之下認識了一堆跑步朋友，想起以往在港也只是一個人默默的跑，高興之餘亦感到有點不可思議。
原來香港愛跑步的人絕不算少。
縱使空氣質素，地理環境都稱不上優越，肯犧牲工餘或課餘寶貴時間來做這種基本上可以叫做“攞苦黎辛”的運動的人仍數之不盡，令人感動。

前陣子，在斧山在哂草灣結伴流汗是痛快的，Mill, Bun, 堅, Steven, NC...都是很好的跑友。
跑步雖是個人運動，卻不是孤獨活動，有個伴拉筋也開心點。

突然想寫Blog
不過我從來沒有寫過Blog
看到其他跑步網友有自己的園地去細說自己鍛煉的辛酸趣事，很好看，也很好玩
就心癢癢想試試寫寫看

總要介紹一下自己吧，我想。
朋友們通常叫我edwin，也有叫我游雲的，沒所謂。
是一位因工作關係現居澳洲的香港人，認真點跑步也只是三四年前的事，參加了墨爾本一個小型跑步會，跟操之餘也有跟隊出賽，不過我是別人跑完又cool完down再換好衫才剛剛沖線志在參與的小角式而已。
不算努力訓練的人，一週工作六天總是個好藉口…
唔，這樣說下去會好叨嗦
不如point form啦

名字:   Edwin
居住地:    澳洲墨爾本
職業:   醫療專業，也當過記者
每週跑步里數:   ~25-35km
善長距離:   10km
個人時間:   5km:19:22(track)
                    10km:40:38
                    半馬:96:12
2009目標:   10km sub-40 mins
最愛跑手:   Lee Troop， Craig Mottrom， 李致和
最愛跑鞋:   Ascis Kayano (training)， Ascis DS Racer(racing)
跑步最愛music:   陳奕迅
跑後最愛食物:   壽司(健康低卡之餘又高carbohydrate和omega3)
第二最愛 :   籃球乒乓波同Golf
受傷不能跑時的活動:   看書(村上春樹迷)看武俠看戲上網


[ 本帖最後由 edwinc 於 2008-9-4 16:25 編輯 ]

edwinc

Ken
真不巧,已回澳了,否則必跑

edwinc

原帖由 kennethwat 於 2008-9-4 15:29 發表

                               
登錄/註冊後可看大圖

吓﹗閣下呢一兩日回澳洲？幾時會再回港？香港長跑網，都有位版主現在澳洲讀書的。

已聯繫了,Michael所住地不遠我,應有機會見見跑跑

跑步機:
我都想黎....不過遠得滯,成九千公里...

大圍:
我會系到時不時post D 系统式的訓練programm,到時交流下

edwinc

原帖由 Gills 於 2008-9-4 16:41 發表

                               
登錄/註冊後可看大圖

嘩...edwinc 兄, 40零分走10k, 係澳洲原來係小角式? C兄之10K時間已經唔錯啦, 小弟年頭死跑爛跑都慢過閣下....不過小弟因工作關係都曾短留於悉尼, 見到D當地人士都係大大件, 當地真係有咁多高手? 唔好咁謙啦,  尼 ...

咦! Sydney人喎,Sydney長跑都好hit,好多猛人架,有機會搜刮下啦

真架, 我五月跑左次維省既10km錦標賽...500多名跑手我時間40分半好似排到350打後,仲俾一堆人lap左(一個lap3km!),真係好灰....頭十個都under 30 mins...省級咋,都未係全國級數添
不過個人認為如果係香港做既時間會慢D,如果有跑泰基相信都只會around 42/3 mins...之前八月在港練跑時又焗又濕,條氣無咁順,真係會打個折扣

[ 本帖最後由 edwinc 於 2008-9-4 19:49 編輯 ]

edwinc

原帖由 obaanc 於 2008-9-4 16:58 發表

                               
登錄/註冊後可看大圖

edwin兄, 真犀利, 話開blog就即刻開blog, 話用中文寫blog, 就真係...

呵呵...係香港做過記者既我,中文先係强項...英文只係必要時用來濫竽充數啫

edwinc

原帖由 obaanc 於 2008-9-4 21:48 發表

                               
登錄/註冊後可看大圖

記者與"醫療專業"兩者很極端, 唔通現在是寫有關"醫療專業"

以前是邊一類的記者 狗仔隊

狗仔隊要跑得快麻! 講笑啫...我唔追星,實行三日就炒我啦
我大學唸的是放射醫學,畢業後無做本行,於有線做了半年專題記者之後到澳洲重操故業...想來的確是兩種頗不同的工種,不過這才有趣

edwinc

原帖由 lvrunner 於 2008-9-5 03:15 發表

                               
登錄/註冊後可看大圖

Hi Edwin hing,

Welcome to longrun.hk!  I also live overseas in Las Vegas.  My Chinese isn't as good as English especially in typing.  Please come in more often to "blow water" ar.   

runner兄,睇過閣下留言就知你係個經驗跑手,對運動創傷方面亦有心得,大把野跟你學
其實我唔俾你好,我係用手寫板打中文,好慢好辛苦....prefer用英文多D,不過始終用中文有感情,溝通起來有feel好多

原帖由 大圍新跑手 於 2008-9-5 09:40 發表

                               
登錄/註冊後可看大圖

遊雲兄：
真係對唔住呀，係我搞錯咗，其實我中文同英文都係咁屎，只係當時感覺上記得好好似唔係咁寫，現在已經知道ching是100%正確的，請原諒小弟未經求證公開亂講說話，請受小弟扣頭認錯。1843

大圍:
大家跑手, 快人快語, 點駛認錯架! 仲叩頭添? 真係折煞兄弟勒

edwinc

遊雲跑舍 05-09-2008

每次回港度假都會肥了一圈，這次也是。
我可以咬緊牙關十公里衝到尾，但對美食的意志力比“地心探險記”那片把主角們摔進地底的甚麼水晶雲石還要薄得多。
坐在椅子看見自己的肚腩就似“羅拔臣啫哩”般晃動真的叫我欲哭無淚，想起要無故負磅跑步更加心如死灰。
所以就算才剛下機，也急忙開MSN看看都是在Melbourne居住的Longrun跑友Michael在不在線。
要盡快復操啦…不能躲懶。
….Yes! He’s online.

我問:
“Michael, do you have school tomorrow?”
“no,  I don’t have”
“how about going for a run tomorrow? I haven’t started working”
“that’s great,  where to?”
“Princess Park, 10am， see you there”
“ok!”
哈，這麼簡單就在南半球和素未謀面的北半球人Michael相約跑步，真有點不可思議。
喝杯牛奶，睡個飽足，準備明天早課。

Princess Park位於市中心外圍，雖樹木林立交通亦十分便利。因為鄰近著名學府University of Melbourne，不少大學生課前課後也來運動一下，令本身環境幽美的公園添上一抹書香，使Princess Park一直都是緩跑者的好去處。
環抱一片綠茵的是一條大約3.8km近乎平坦的跑道，主要是沙地和瀝青路，是練跑者的好朋友。

早上因交通改道的問題我遲了廿分鐘才到達，見到Michael時連忙道歉，他笑笑口說不要緊。Micahel 為人斯文，是位頗有書卷味的學生，年紀比我輕大約….唉…總之太多啦。
這天天氣不算太冷，氣温大概十五，六度，是我在港時的幾乎一半。想起三天前才在香港的斧山道熱跑，今日就於Princess Park寒奔， 一冷一熱。唔…跑步都玩冰火?

我們一邊寒喧一邊拉筋後走了一圈(3.8km)，以閑談速度熱一熱身，然後用大約5:15/km慢跑一圈多一點，最後以大約4:15-20/km衝一段2.5km，然後cool down。總共跑了大約11.5km。

我發覺自己的狀態明顯跌watt，最尾一段竟感吃力，真的要加把勁才可。

跑完我們開車到唐人街一間日式餐廳吃午飯，期間我力邀Michael到我所屬的跑步會跟操(嘿，踢入會!)。他亦感興趣，說下星期四應該有空到一到。真好。澳洲香港人多，跑的人卻少，港人跑手我幾乎未遇過，現在至少有一個了。

[ 本帖最後由 edwinc 於 2008-9-5 15:28 編輯 ]

edwinc

原帖由 kennethwat 於 2008-9-5 15:34 發表

                               
登錄/註冊後可看大圖

Ching ，得閒影張相 POST 上來給我們 CC﹗ 好想看看兩位長跑網 CHING 在香港以外地方的合照﹗

可以, 實有機會既

edwinc

呵, michael, 客氣喇
自己睇唔到自己點跑,我只係旁觀者清,俾少少唔值錢既意見啫

跑姿係肌肉質素和身體協調性既衍生物, 換句話說跑姿反映跑步質素, 所以優秀既長跑手跑姿不約而同地相似.
只要改善左肌肉強度, 身體協調性和呼吸習性等, 良好跑姿自然會浮出水面. 不過係一個長課題, 唔駛急亦急唔黎.
我反而覺得你有長跑專注既精神優勢, 加上你有好多放善空間, 如果訓練得宜, 你既進度將會幾快, 放心

Tim Crosbie 固然係出色教練,有豐富既運動科學知識, train D 3min/k 既elite runner當然好掂, 不過叫佢train我地D級數既人就好似叫教授教幼稚園甘over qualify, 而且只練不教, 反而進益不大
睇下coburg會唔會啱你多D啦

[ 本帖最後由 edwinc 於 2008-9-5 21:43 編輯 ]

edwinc

遊雲跑舍 07-09-2008

昨天進行了一連串的cross training(剪草除weed吸塵拖地洗衣晾衫等等)，今天決定來一個LSD。

天氣不錯，清爽有陽光，應該有十六七度吧，是LSD training近乎完美的condition。
Set好i pod 帶上polar心跳計，袋好鎖匙，吻一下小狗就出發了。

我的LSD“主場”是離家不遠的一條大約有兩條跑道闊的單車徑，兩旁都是翠綠草地。沿路一直走會穿過一排精緻的平房，之後是一段林間泥路，陽光從高杉葉間灑到地上真的很美。單車徑在不到一公里的泥路後又再重現，跑過會“吱吱”作聲的河上木橋後有幾片民營菜圃，春夏種滿蔬菜蕃茄大葱之類的農作物，冬天則休田。幾個上下坡段後就來到Coburg Lake的湖邊，兩旁無盡的草坡上佈滿人羣。有人放狗，有人BBQ甚至練習打Golf。經過一條約500米長的“長命斜”後是遠離熱鬧的溪邊小路。這條清幽小徑可是似無盡頭，通常我在走過第二條木橋後不久就折返，打道回府。

今天盡量以絲毫不喘的狀態去跑，心跳維持在135上下，讓懶散的身體吸收一下跑步節奏，同時令雙腳適應跑步帶來的長時間震動。雖然最尾下大雨，亦沒有心急去加快步伐，確切跟據預定的步速完成這次LSD training。最終以70分鐘內跑完12km， 雖然全身濕透雨水，感覺仍算良好沒疲態。話時話，我並不討厭雨中跑步，受雨打精神反而更集中，當然太大雨也不好，還有矇查查的眼鏡也令人很傷腦筋。

[ 本帖最後由 edwinc 於 2008-9-7 13:56 編輯 ]

edwinc

原帖由 Alex 於 2008-9-7 14:55 發表

                               
登錄/註冊後可看大圖

C hing啲中文真優美, 在外國生活但仍保持到如此水準的中文, 真西利
相反小弟身在華語地區, 但就錯別字多不聲數

Alex兄客氣喇
不過係外國生活都有九年, 很少用中文寫野, 都退步左好多, 仲成日有衝動不如用英文算數
之但係始終係中國人, 中文始終係我輩尊嚴, 係度借寫下Blog練下支筆都好

原帖由 michaelyw 於 2008-9-7 21:54 發表

                               
登錄/註冊後可看大圖

今日 (7/9) 天氣真的很好。
我跟人慢跑32km，經過st kilda beach，再沿著海邊跑，沿途的景色十分美麗。
跑完之後食飯，再在Royal Boltanic 走了一圈Tan，聽著mp3，欣賞沿途的花草，心境十分平安。
實在是愉快 ...

32k? 咁勤力!?
st kilda靚係靚, 不過唔多人咩? 你果邊下晝有無落雨? 呢邊落左陣dog shit呀
揾日叫埋你跑下Tan, 皆因我20/9有場接力跑係果度賽, 試試腳先

[ 本帖最後由 edwinc 於 2008-9-7 22:14 編輯 ]

edwinc

原帖由 lvrunner 於 2008-9-8 03:18 發表

                               
登錄/註冊後可看大圖

If one day we all can get together in HK, now that is really incredible ah!!

諗下都覺得好正

edwinc

原帖由 瘋狂跑步機 於 2008-9-8 09:09 發表

                               
登錄/註冊後可看大圖

咁就各位要plan下2009渣打全球長跑長友大團聚喇!

半年後? 可憐我受薪人仕唔係咁多假呢
2010倒可諗諗, 個master又應該讀完, 可以放個長假...

edwinc

原帖由 lvrunner 於 2008-9-8 11:41 發表

                               
登錄/註冊後可看大圖

2009唔掂, 很大可能三月要遠征東瀛國, 2010就一定掂!

好! 有氣魄
就封你做征日大元帥, 賜跑鞋二十對, gel二百斤, gatorade二千升, 另加longrun衫褲一百套, polar watch百隻, i pod百個, 頭帶千條
即日起行!

[ 本帖最後由 edwinc 於 2008-9-8 17:02 編輯 ]

edwinc

原帖由 =chairman= 於 2008-9-8 18:32 發表

                               
登錄/註冊後可看大圖

edwin ching 既文筆真係好正 ~~~
另外想問 ching 一年會番HK幾多次ga？

無定, 平均一年多D一次倒 la

edwinc

原帖由 obaanc 於 2008-9-8 20:57 發表

                               
登錄/註冊後可看大圖

edwin兄, 請問你張頭像是你家中小狗嗎 你把牠扮成人

還是攝於一幅puzzle ???

是犬兒
我將佢至愛既被單捲係佢身上, 點知佢坐起身扮神氣, 成個skywalker咁, 米幫佢影張型仔相...不過其實佢得2kg重...

[ 本帖最後由 edwinc 於 2008-9-8 21:16 編輯 ]

edwinc

原帖由 叮叮噹 於 2008-9-8 22:23 發表

                               
登錄/註冊後可看大圖

2kg咁輕，係BB嗎？
我隻西施是十三歲的BB女，跟你的犬兒貌似.

十三歲仲叫BB?? 老來嬌?
犬兒老狗一隻(10歲), 幾年前見佢流浪怪可憐而收留下來的

edwinc

原帖由 叮叮噹 於 2008-9-8 23:27 發表

                               
登錄/註冊後可看大圖

在小妹心中，永遠是BB，小狗好似長不大的小孩子．
你收留它真有愛心，點知道它10歲呢？

獸醫估既...

edwinc

遊雲跑舍 09-09-2008

個半月來第一次跟隊操練，和一班出生入死的隊友久別重聚，心裡很是高興。
Coburg Harriers是我所屬小隊，如果將維省(主要墨爾本區)當成香港的話，Coburg Harriers就像十九區其中的沙田區禾輋小隊同樣分量。我們逢星期二、四跟白頭教練supercoach Brian訓練，風雨不改，嗯，真的風雨不改。記得以前曾經問過如果training day下大雨怎樣。Brian笑說：“Then you get wet! Hahaa” 起初以為說笑，結果到現在不知在風雨裡狂奔了多少次！

是日雖然微有冷意，但清風送爽，也不失為trainnig良日。
黄昏六時開操，人數大約有三十。場地是自己跑會主場的Harold Stevens track，是屬於自己跑會的田徑場，所以每次training都似包下整個場地，感覺十分奢侈。
集訓包括大約四十分鐘的“指定”active warm up系列(三個圈慢跑 warm up, 十分鐘肌肉鍛煉(像球隊那種練法)，十五分鐘拉筋，再來十次來回短跑，其實已夠累人)，每次必做。然後是Chef Special 的主菜，最後兩至三個圈cool down。頗有系統的program。
今天的主菜是speed training！
媽的，幾乎兩個月沒操，一來就speed training? 要我命也。
“Brain，我剛復操，令晚可否做endurance training？”我申訴。
“噢，說得也對呢，呵呵，不過上訴駁回。”
嗚~~~~!

其實active warm up 之後我雙腿已有點累，聽見今晚要做的竟還是200m衝刺，自知死期不遠矣。
一行卅人在跑道中段開始衝200m，然後橫越運動場慢跑~80m，到同一起點再衝200m。不停地來回疾衝十二分鐘，小休兩分鐘後重覆再做一set，呼，真要命！
頭兩次200m我未找到步伐，氣也不順，以48秒左右走完還要在慢跑一段大力喘氣。不過四五輪之後道氣開始順，手腳又放開了，就加速至平均46秒衝完200m，第一set完結時總共跑了八次200m連80m jog。

休息兩分鐘期間調息了呼吸，拉鬆肩膊。第二set一開始就衝了個43秒，之後幾個200m都維持在44秒左右。雖然有點辛苦，但跑姿呼吸各方面都漸入佳境，便加快步速，死跟我隊友兼老友阿Mark。Mark聞聲知我後上力追也加快速度，兩人前後緊貼又衝了幾個二百。到最後一輪我加重擺手，咬牙疾奔，結果還是讓他在彎道放了出來，我只能望著他强而有力的雙腿食塵…雖然最後一個200m我跑出了38秒。
結果在第二set完成了九輪200m連80m jog。
跑完大家一邊喘氣一邊互拍手臂，然後一起慢走兩個圈cool down，談談近況說說是非，一樂也。

今天感覺狀態還好，只是leg speed比放假前慢了不少，不過相信train多幾次就會重新上力。

[ 本帖最後由 edwinc 於 2008-9-14 13:15 編輯 ]