|
我今年因某些私人原因沒報名.
要做到即場取pack, 涉及場地及人手, 美津濃半馬可以做到係因為人數少(2300, )況且比賽地點不太影響交通, 仲有個直昇機坪可以攞衫. 另Xtep15k係1500人, 都可以即場取bib及衫, 因為取號碼布地點係條堀頭路.
但呢個比賽多好多人(上限6000人), 若可以選擇即場攞, 我相信大部份參賽者都會揀即場攞.
不過呢個比賽又唔係渣打, 未必搵到咁多義工願意晨咁早天未光走去天水圍.
沒錯係有個大空地, 但始終人太多, 港鐵限死最早6點開, 去到天水圍仲要轉輕鐵, 去到都可能7點幾, 取號碼布又會打蛇餅, 仲要熱身, 8點係咪可以開跑到都唔知, 跑完攞衫又排一次....
而且濕地公園路係大路, 又要限時限刻交場,
所以, 如可以揀即場取pack晨早做左.
以往多在摩頓台, 去年就係灣仔運動場,
其實如果唔係灣仔運動場仲未維修好, 我想都不至於要去將軍澳咁麻煩.
不過都可以考慮其他市區運動場的, 但要睇下有無同足球比賽撞期.
撇除地區偏遠因素, 將軍澳運動場本身其實距離港鐵站不太遠, 出閘後行十分鐘內一定到.
(我因為參加田徑賽, 去過幾次將軍澳運動場)
所以, 請大家寬容點, 再偏遠都係一次半次, 點嬲都好都唔好將你的怒火發洩在工作人員身上.
不如諗下將軍澳(或天水圍)住的朋友平時返工放工有幾痛苦.
[ 本帖最後由 chisuet 於 2012-10-20 19:15 編輯 ] |
|