跑！死死團 RUN NEVER DIE

jeffyuhk

大家好！！小弟跑左兩三年，初哥一名輕輕鬆鬆跑下步。

係道見到各師兄的blog好利害啊。都開個blog 大家輕輕鬆鬆吹吹水。

就由今年第一次全馬開始寫起啦！

www.facebook.com/RUNNEVERDIE


關於

life is begin at the end of the comfort zone

真正的生活，真正的人生是從離開的安樂窩的那一刻開始的


跑山有窒息就快死的感覺才是痛快的事。

安多酚上引，不跑會渾身不自在。

看過這風景可以死了。未看夠風景還要生存著。

jeffyuhk

2013 全馬

就由2013年全馬開始寫！

今年參加左渣打馬拉松。第一次跑全馬，時間5：30。感覺係....做同一個動作5粒鐘。悶。到。嘔

可能太緊張的關係訓唔著，頭2km右腳已經抽筋，之後跑返順就好好多，但係因為就住來跑，到左腳用多左好多力而開始痛，頂住一路到汀九開始有d辛苦。

直到出長青隧道見有位師兄同我差不多速度，咁我就跟係佢尾跟佢步速來跑。點知一跟就由19跟到28km。原本到15km我已經開始食下得力素先集中到，但係一跟就返曬來，又跑返起。心裏面打算跟到出西隨前就休息一陣拉下筋。

點知一坐低，就跑唔返了....行返終點。

跑完O姐來左接我，去左食期待已久既和三昧！！.....點知.......失望

jeffyuhk

全馬後練習

網上扒左小小文。原來多數人第一次跑完全馬都係有個＂我以後唔會再跑步＂的諗法wakakaa

反而跑完全馬真係經歷左一D＂不可能的事＂。真係對意志力同決力會加大好多。

所以.....

試下早d起身返工前去跑下山!!由北角賽西湖公園上畢拉山落返大風拗，去califonia沖個涼焗一焗先返工

第一日跑成6：30出門口，7：00先去到賽西湖公園，岩岩日出。睇返公司幢大廈....
發覺唔夠時間上山頂。係金督馳馬徑跑一陣落返太古Cali沖涼完重有半粒鐘食左兩份早餐。

隔左一日再挑戰！今次6：00 出門口，終於上到山頂！上到去有小小驚，一個人都無。但係一上到去，正到暈！晨早個感覺真係好
唔同，望住大潭水塘食包Orial！爽！

之後落返太古食完吉吉家再Mos burger !

跑完飲杯咖啡，全日都唔累

jeffyuhk

西貢>蠔涌＞百花林>飛鵝山

3月9號話說要幫君臨手整結婚making of。

所以由西貢出發跑條最快路線去彩虹，沖個身再去官塘拍野。

https://www.youtube.com/watch?fe ... d&v=8ZtaTkdIlqI

http://www.youtube.com/watch?fea ... d&v=aHrvj2qqyx0

上百花林無太陽又濕又窄都。。。驚

載住uni qlo 新買個運動眼鏡跑，個眼鏡防反光，經過蠔涌條河見曬成廛古水底好過引

jeffyuhk

灰爆行畢拉山

3月15日比完大信封放早。

無乜野做不如行行山，直上南豐新邨再上柏架山道落返來。

先知有個日軍爐灶aaaaa

jeffyuhk

2013年4月13日星期六
新生活。第一件事，行山。

今日開始待業生涯。

第一件事：早起。

計劃由北角行落赤柱，再挑戰上次行到兩腳抽筋的衛徑1、2段 Wakaka

9：00 起身，落左成個月雨終於＂太陽公公出來啦＂食完MOS buger。出發！

由於太耐無跑無操。要時時提住自己"慢慢走〜勿亂跑〜＂•••• 發覺要慢慢行唔心急都有一定難度，對修練心理質素上面有好大幫助。

行行行行行••••••

中途到陽明山裝補完條蕉肚痛！好在有個靚靚廁所！

再行行行行行••••••

中途突然收到同事有referral ！！改變計畫行到淺水灣再跑出去。留力回府執pofo！

行到淺水灣拗見馬路，run!! 但係跑左幾步見左腳賣老抽，淺水灣收工

下次都係帶定兩粒鹽丸穩陣。

jeffyuhk

2013年4月15日星期一鰂魚涌緩跑徑>大風拗＞港島林道＞大潭道

早起由西貢出返屋企，準備明天interview。

食完MOS burger 早餐，訓個美顏覺。

發覺好好太陽，跑！30日減走脂肪！

由於體力未返到80%，都係練返鰂山。

又越過高山又越過谷。。。

跑跑跑。

到左大風拗，再出大潭水塘。左轉港島林道。一路以為以前行過原來未，石屎路都幾好跑，到三叉路口源引水道跑入去瀨野，返轉頭落山條路先落返大潭道，落到去見9號巴士錄上車收工。

一上巴士餓到溫，拿包Kitkat 出來，點知，溶曬！！！？！DKLM！照食！真係好似啜緊屎咁。。。下次都係食返Orial

唯有落SKW 安利再食！又減唔到

....似乎要開始計時間了

下回預告：自殺崖

jeffyuhk

2013年4月18日星期四跑步先來落雨。個天都玩9禾

上文提要：飛鵝山

已經扒左文搵曬路線，點知成個星期又行雷又落雨。

搞到次次都去唔到！

http://youtu.be/XB1PoNiQRYM

如果上到遇到山洪都＂不知點算好〜＂

http://youtu.be/gIDUymWFt_s

之前見條片條片真係陰功。。。

唯有樓下跑陣，換曬衫落左樓見開始落雨都係怕整濕電話，都係折返。

（心思思想出部Sony防水電話。。。嘿嘿）

jeffyuhk

mill 發表於 2013-4-18 17:09

                               
登錄/註冊後可看大圖

恭喜師兄開BLOG, 祝長跑長有/友~~~~~
大家一齊加油!

wakakaaa 多謝

加油啊!！

jeffyuhk

jeffyuhk 發表於 2013-4-18 16:58

                               
登錄/註冊後可看大圖

全馬後練習

網上扒左小小文。原來多數人第一次跑完全馬都係有個＂我以後唔會再跑步＂的諗法wakakaa

thx ~ wakaakaaa

答案係因為....陽光!！

大發現！
太陽係日出無幾耐唔係太猛烈，而霧氣岩岩散加上好天能見度大D。同日出的時間係則邊照落來，所以會令風景更有立體感。

日出日落未開街燈個30mins所謂的magic hour！

其實係咁岩得咁Q 影到咁。。。我都覺得巧令啊

jeffyuhk

又下雨了~

早上西貢出去到彩虹超大霧，返屋企樓下跑下鬆鬆腳算數。

下星期二又要返freelance。

留返星期二早上開始同泥生返工前操山。

明天同泥生報攀石班～正

jeffyuhk

2013年4月28日星期日
攀石比堅那
巧耐無update ，又巧耐無跑。

幾單没完没了没了没完的FREE "lunch "job

食之無味，棄之可惜。唔繼續乜都無，又出左好多錢買相整買props 。。。唉

唯有百忙之中玩個攀石beginner班，約了A兄一齊玩多次初班等佢攞cert之後一齊玩中班，點知被放飛機。。。因為飲醉酒OMFG.....

無奈又無奈。。。

不過，再學當練習下學到好多野。又去左個未去過的地方，正正正。

希望遲D返民安隊識過D志同道俠啦。

攀完太緊，跑左陣鬆鬆腳。跑到出土地灣天黑都係收工。

jeffyuhk

Dead island 好恐怖
好耐無跑又好耐無寫。

返左新工一個月就成個月無跑，又落雨忙到PK重要返民安隊中間重要接左兩單freelance 。日日唔夠訓，又食返煙又勁飲啤酒又買左隻dead Island 來玩，變左個廢青。真係學壞3日。

工作終於忙完，忙日交左比客。終於星期六日有假放！！！

話說想上蛇尖但係太晏出發又太耐無跑，所以都係西貢出發跑去北潭涌算數...

到左北潭涌聽到人講上窰，就入去looklook，都係入山正D wakaka，到左文化村見到個渡假村好似最近玩dead island 的場景。好驚。快步返轉頭收工。

jeffyuhk

曬到嘔，博條老命減肚南

話說今日下午約左啊林啊與R去南灣曬太陽。於是由北角行去淺水灣再跑過去岩曬。

因為昨日跑去北潭涌得返半條人命，今日就住唔跑。但係太陽照頭曬落來，曬到嘔，由小馬山上個仲條攞命樓梯暈暈地行兩步停一停。

**心裏諗住：作為跑者修道之仕，要歷練苦難！

幾經辛苦終於去到陽明山裝，食返個橙蕉再直拍兩次果汁先生落個胃道，先回返魂。再谷一口氣行多個山頭到達淺水灣。

到左想跑，一跑起兩隻腳都賣老抽死死重要行錯路到左中灣，原來入錯左廁格。太多D紅色T back 三角底底同肌肉猛男....幾經辛苦到左南灣。正！九年無去海灘曬，巧relax 噢〜

jeffyuhk

jeffyuhk 發表於 2013-6-3 00:39
曬到嘔，博條老命減肚南

話說今日下午約左啊林啊與R去南灣曬太陽。於是由北角行去淺水灣再跑過去岩曬。

最近籃球之火重新燃燒。

自中學以來以為已經不能再打波，每次打都谷唔起鬥志。點知唔記得幾時邊一次打返又打得幾好玩之後先發覺重打到，可能跑步之後體能好左好多，打返又搵返初戀嘅感覺〜

但係襯有生之年儘玩，繼續壁球網球攀石，排緊期重有獨木舟，越野單車同電單車......

快快民記出班多點時間玩！

今日補跑返7k, 爽！

jeffyuhk

jeffyuhk 發表於 2013-6-24 22:21
最近籃球之火重新燃燒。

自中學以來以為已經不能再打波，每次打都谷唔起鬥志。點知唔記得幾時邊一次打返 ...

南圍原來好正

終於等到摩利開返。可以每日食晏去游水曬太陽。所以放假不用特登係烈日當空之下跑，又真係爽YY

上星期民記行完圓敦，行到死死下。

星期六點都要親親大自然，因為要留力星期日籃球隊操練。所以行程係在女友家煮定叉燒等佢起床之後跑到南圍再返去。時間岩岩巧。

jeffyuhk

jeffyuhk 發表於 2013-6-3 00:39
曬到嘔，博條老命減肚南

話說今日下午約左啊林啊與R去南灣曬太陽。於是由北角行去淺水灣再跑過去岩曬。

Dead

Ytd drunk + half day work  + hot nan dou pk 40c + eat jor deep oil chicken = dead

jeffyuhk

話說上星期五同一班前輩飯局之後真係大開眼界。所以要更加決心去除壞分子，跑返多D。

計劃要起碼每星期早起一日跑下山。。。

今日星期四岩岩消防蘇聯佬唔洗返，約佢一齊跑。原來佢飲酒飲到3點，6點就碌起身滿身酒氣同我跑....但係都快放我一大段。真的叔叔不行鳥....

原定上山下山陽明再布力徑灣仔總站.....最後只可以快快下山跑下平路。慢慢練返先再跑

北角上山，大坑落山經跑馬地伊館沖涼後返工~都幾正～yah!!

jeffyuhk

25 號星期日蘇聯佬之旅

今個月係獨木州舟月。上完3星班之後原本今日係出海日～但係最近身體有D唔舒服成日都好累咁，一早起身見唔係好掂所以無去到，所以下午約蘇生跑下步出身汗跑返順。

蘇生一出來full gear，著左件20KG 負重來同我跑。

我地由北角出發一路蘇生都快放，我就均速跑。

跑到淺水灣蘇生話太甘就停。原來佢全日食得一個apple ，水都唔飲話要練野OMFG.....


btw, 今日用左個新apps ,zombies run! 好過引，一路出屍追~

jeffyuhk

Zombies, Run! 有喪屍嘩，快跑！

多得有個電話apps， 女友多年無跑終於同我玩下。

好夜先跑，跑左一陣女友就痛。

希望佢可以道佢上到跑步引