祝 馮振安,尤熾光 快樂八十 老而彌堅

leefs

仲記得我係細路哥嘅時候，每次睇親粵語殘片，有長輩貪玩闖出禍嘅場景，通常都會俾贈上一句 "人老心不老”。

在長跑界現實嘅環境當中，聽到這句話，你又會想起邊個呢？周伯？無錯，周伯的確係 "老頑童”，但係今日，周伯，唔好意思，你要借一借位先！因為你仲細未夠秤。

今天25號同下個月8號，係本會年歲排行榜排第一同第二嘅會員，馮振安先生及尤熾光先生嘅80歲大壽。兩位老前輩都響賽場馳騁咗50年以上。

香港長跑網雖為全港最年輕的跑步組織，但同時亦深受一班資歷最長的跑壇元祖所愛戴，為我們注入更多姿多彩嘅活力元素。

在此，本人謹代表全體會員，祝賀兩位 “年輕人” - 快樂八十．老而彌堅．長跑長有！

香港長跑網 - 總幹事
李寬勝 敬上

leefs

馮老板&尤師父 同大家飲杯！