賽後投票---2013-11-3 第36屆綠色半馬拉松及10公里

believew

Overall 我比6.4分1. 賽道6分， 太有挑戰性， 我呢d慢跑人平時無練上斜， 真係頂唔住。 好方面諗， 對迪士尼半馬有個好準備。 但無里數， 絕對不能接受， 我有apps 記住都好， 其他人只可靠10k 回程 同半馬回程 先知道5k,  10k,  16k.  真係唔可以接受。 2. 交通及時間 8分， 去程有車ok la.  有玩迪士尼d ching 都知道， 迪士尼d shuttle 仲早。回程要先個半鐘先返到屋企， 唔期望送你返去尖咀， 香港， 但整兩三架送去大埔都好perfect la.
3. 水站 4分， 我有帶水壼仔裝d支水仔。 半馬， 對我個人來講ok.  不過始終大上大落， 對無帶水壼的人來說， 真係差一兩個站。 就係頭尾6k.  果段路最好有個水站。 (對跑10k 來講， 即是只有一個水站， 有太陽的話， 真係可大可小),  起終點水站 得兩個自助水桶， 唔夠。 跑完仲要吱吱吱， 累死人， 紙杯仔一啖飲完又唔夠又唔好意思要後面d 人等， 即是又排過…
4. 禮品 10分。 真係好多野。 有菜比 好攪笑， 係黃。 不過免費唔好要求， 我食左， ok la,  唔好浪費。 有個梨or 蕉就真係錦上添花。
5. 氣氛 4分。 真係無乜， 可能落車到比賽 無乜時間， hehe humhum.  ( 比較多外籍人仕參加， 聽左真係笑了。)  跑完終點成個墟咁， 地方太細又多其他人， 勁迫。