捐血問題

Pawda

小弟年輕時有捐血習慣,但有次捐血後第二日去練水,游咗幾百米已出現頭暈兼冇力(平時游3-4000 m都冇問題),自此之後就一直冇再捐血.
但見呢兩日血庫告急,想盡一分綿力,但又怕影響體力同練習. 請問大家有冇捐血習慣? 體力要多少日至完全復原?

Pawda

當年冇練水之後就轉玩拳,體力須求更大(冇氣冇力對打就俾人執),所以一直都冇再捐血!

Pawda

我上星期上旺角捐血站登記骨髓捐贈,當時站內所有人都正在捐血,但就冇人登記骨髓捐贈. d 護士都覺得好奇怪,問我點解肯登記骨髓捐贈,但反而唔捐血!

原來而家捐骨髓唔一定要開刀,新方法叫'週邊血幹細胞捐贈',只要o係捐贈前三日打支針'種白血球',到手術o個日抽幾百cc血就OK. 以前唔登記骨髓捐贈,係怕當真係配對到,開刀會影響身體同工作. o個日行過旺角行人專用區聽到班HKU醫科生講解,就立刻上樓上red cross登記同抽血. 只要花少少時間,就可以為有須要o既人仕提供多一個配對機會,甚至挽救生命,請大家都多多支持!