街馬10公里比賽 參賽者指氣氛勝渣馬

bunbun

http://hk.apple.nextmedia.com/realtime/news/20140323/52312176
街馬10公里比賽 參賽者指氣氛勝渣馬

由「全城街跑」主辦的「AXA安盛香港街馬10公里@九龍東2014」，男子組冠軍由跑手紀嘉文奪得，時間為33分26秒。紀嘉文在2012年渣打馬拉松的半馬賽事中亦曾經取得冠軍，他指今次馬拉松比賽氣氛很好，「咁多年都未試過咁好」。

紀嘉文稱全程10公里的賽事，沿途不單有人打氣，更有人表演拉小提琴及打鼓，反觀渣馬則比較「沉寂」，「同自己一個人練跑無分別」。他又指渣馬劃分太多組別「好混亂。」

女子組冠軍則由28歲經營甜品店的林嘉琦奪得，時間為45分31秒。「跑齡」有近7年的她，同樣參加過數次渣馬及其他跑步賽事，但從未想過自己會在今次賽事得獎，下年會再接再厲。她大讚今次比賽氣氛很好，但「唔好再多(參賽者)，渣馬就係太多人。」

alexlau

可能大部份在這裡發言的都是資深跑者, 你們都有堅毅的意志, 可以不停為挑戰自我而跑. 你們不需要他人打氣, 不需要熱鬧氣氛, 只要盡快跑完換衫回家便很滿足.

但要很多人可能只是剛剛開始, 他們可能因為這比賽的熱鬧氣氛, 沿途得到的支持, 從始更投入跑步. 作為一個長跑愛好者, 你都會想愈來愈多人參與這個運動.

跑步的道路應該是很寛闊的, 可容納為不同目標的人. 可以為了挑戰自我, 可以為了健康快樂, 可以為了熱鬧氣氛, 可以為了扮鬼扮馬. 我相大家都想香港跑步比賽愈辦愈好, 如果大家能指出做得不好的地方, 提出可行的意見, 這對推動跑步運動絕對有幫助.

但如果只是批評贊商是一間保險公司, 說氣氛只是主辦機營造出來, 這些對人不對事的批評又有什麼益處呢?

傑少

香港人就是這樣, 一邊說公厠臭, 一邊自己又柯到周圍都係.......
李浩東搞既比賽好好咩??起科學園, 馬鞍山果D吾封路都收你1-200元, 吾好睇到你果2-3舊水好大...
我覺得如果個比賽係好既就要讚....以前大路之王搞得萛好萛大型, 就係因為冇人支持反應吾夠結果冇sponsor就冇左....難得有人sponsor...先吾好咁多陰謀論....

water

我覺得，原本d打氣團係唔錯既，不過佢成日踩渣馬話人地日本點好點多人支持所以要搞街馬，到自己搞就得返自己人咁都係搵來搞，人地要鬧都不無道理。

贊助方面，香港人對保險始終有戒心，不能改變的事實。同大家可能覺得有冠名贊助價錢就應該好平掛。

價錢方面，二百幾好似幾貴但佢又有野食又有牌又有打氣團，其實計落又唔算貴，不過佢用原價四百幾 early bird 二百幾（相信都冇人要比四百幾）呢d行銷手法我就唔係好欣賞喇～ 都唔講其實更多人唔駛錢跑…

另所謂街馬，對我講只係新路線，有封路十分好，但係香港10km 跑青公，將軍澳，馬鞍山呢d咪都係市區跑，雖然可能要跑單車路…

總結，如果個比賽係一般嘅10km比賽，相信評分會高好多。但佢地又要踩住渣馬上，但最後只係搞左個工廠區跑既10km，又要叫自己做"馬”（其實我後期已經好強調係10km比賽既街馬），搞到好似吹得太大，先令咁多人反感。我自己就寄望佢真係可以搞到另一個好玩既半馬全馬，10km 嘉年華，去科學園數碼港已經可以。

kofiyip

$280/$480買返來的樂隊、啦啦隊和演唱者！若好似東京馬拉松，當地人自發打氣和送上小食補給，才是真氣氛呢！

bunbun

http://hk.apple.nextmedia.com/news/art/20140324/18666854

蘋果日報 2014-03-24

街馬首開跑　選手讚好玩過渣馬        

【本報訊】首屆香港街馬昨舉行，吸引約4,700名跑手參加。與其他本地馬拉松不同，大會特意容許參賽者自訂比賽號碼，又找來鼓手、小提琴樂手沿途奏樂打氣，大批啦啦隊更向跑手「High Five」及「畀Like」。多個受訪跑手大讚「好玩過渣馬」；也有資深跑手坦言「未試過（馬拉松）咁好（氣氛）！」

啦啦隊沿途打氣

比賽昨早8時30分開始，跑手在啟德郵輪碼頭出發，沿舊機場跑道至觀塘海濱公園，再經偉業街繞過九龍灣運動場，回到碼頭，全程10公里。大會指賽事約有4,700人參加。昨日天氣不算炎熱，只有3人需要醫療協助。

首名衝線的跑手紀嘉文，只用33分26秒便完成賽事。「我都未試過跑到橋底，有人拉小提琴（打氣）！」現時擔任跑步教練的紀嘉文在過去三年的渣馬也名列三甲，他形容昨日的馬拉松卻是「跑咁多年氣氛最好」，沿途6、7公里也有啦啦隊及樂手打氣。他指渣馬氣氛偏向沉寂，「同自己一個人練跑冇分別」，心態上只追求成績；由於參加者也太多，變相要分多組作賽，感覺「混亂」。相比下，昨日街馬反令他享受跑步樂趣，「下年一定再嚟！」

女子組總冠軍則由28歲的林嘉琦奪得，完成時間為45分31秒。身形嬌小的她，原從事金融工作，辭職後從事甜品店生意，過往也有參加馬拉松，未試過獲獎，今次奪冠是意料之外。她說昨日的參加人數「啱啱好」、「唔好好似渣馬咁多人」，又指沿途奏樂跳舞的啦啦隊令她「跑得快啲、開心好多」。

大會更找來300名來自學校及慈善機構的義工充當啦啦隊，向跑手「High Five」及「畀Like」；又容許跑手自訂比賽號碼，有人把號碼訂為「活佛Victor」及「我有特別跑步技巧」等趣怪名稱。

名為「奔跑的蝸牛」四人團隊，抱着「唔需要跑得快，最緊要跑得晒」的宗旨參賽，43歲的隊長阿Ray指，跑過渣馬、澳門及廈門的馬拉松，直言「呢個好玩好多」。

跑手心聲

「奔跑的蝸牛」隊長阿Ray（右二）：

「最好氣氛係呢個（街馬），沿途有樂隊呀，好過跑天橋（渣馬）！出年報到名一定嚟。」

家謙（左）：

「沿途好多人打氣，比渣馬唔同啲……分隔好短嘅路已經有好多人打氣。」

大專生Cheria（左）：

「第一次跑馬拉松，幾舒服，鍾意咗（馬拉松）。」

purejoey

因為街馬一些我都估唔到的朋友都出現，姑勿論佢地可能另有目的，但佢地無跑開為左完成都要好認真練習，體驗下跑步的苦與樂~

chuen3182

water 發表於 2014-3-26 12:14
我覺得，原本d打氣團係唔錯既，不過佢成日踩渣馬話人地日本點好點多人支持所以要搞街馬，到自己搞就得返自 ...

講出跑手心聲，思維正確～好

Etudiante

渣馬則比較「沉寂」，「同自己一個人練跑無分別」

有無咁無敵啊

alexlau

想替批評渣馬的朋友說兩句. 他們批評的, 不只是說有沒有人打氣. 老實說, 以今日香港人對馬拉松的態度和香港人的冷莫, 就算跑旺角, 尖沙咀, 都唔方有幾多人會出來打氣, 更唔好話會自發攞d嘢食出來.

他們批評的, 主要是主辦機構一直當這是一項商業宣傳活動, 卻從來沒有(或很少)由跑手和其他參與者的角度去改善比賽. 他們會著眼於參賽人數增加, 卻沒有去改善質素. 簡單的如仔細劃分起跑時區, 將快慢的選手分開, 加設pacer, 等, 這是很容易做到的.

另外, 他們只會請高官主持起步, 卻沒有請過對體育有貢獻的運動員. 如果, 他們請李慧詩主持起步, 一定受歡迎過果d高官.

今年, 有市民自發到中環碼頭派食物給跑手, 他們也百般阻撓. 如果大家也想有朝一日, 香港的馬拉松也如東京馬拉松般, 那無論跑手, 田總, 政府, 都要開始向別人學習和教育市民. 如果只是抱住"渣馬也不是太差"的想法, 香港的馬拉松比賽是不會進步的.  

wlau

kofiyip 發表於 2014-3-26 13:09
師兄的海外比賽經驗豐富，有機會再分享多些呢，真的好吸引呢！太魯閣是我很想去的地方。超讚！ ...

其實好少..
得兩, 三次..
反而你去海外比賽區, 勁多師兄師姐係外面成日跑..

kofiyip

wlau 發表於 2014-3-26 12:57
不過講真.. 香港渣馬10K 係無乜氣氛.. 因為真係無人可以上到橋打氣...
而半馬同全馬最少返到西隧口, 中環碼 ...

師兄的海外比賽經驗豐富，有機會再分享多些呢，真的好吸引呢！太魯閣是我很想去的地方。超讚！

wlau

不過講真.. 香港渣馬10K 係無乜氣氛.. 因為真係無人可以上到橋打氣...
而半馬同全馬最少返到西隧口, 中環碼頭, 灣仔碼頭, 馬師道, 駱克道等, 都叫有唔少人同你打氣/又或者XYZ 緊你阻住佢地過馬路....
但香港其實好多比賽都有好好既氣氛, 好似岩岩玩完既揹水一戰咁..沿途都好人打氣, 我玩28(29) K , 不停有人加油, 又有好多有創氣既打氣標語.... 係勁好玩..  
但好多人, 只係玩過渣馬咁大把, 玩完就話香港無好既比賽.. 又話乜, 又話物.. 又話外國好玩D.. ... 果D 人真係井底之蛙..
香港渣馬, 比上不足, 但比下有餘.. 好似上年玩完既好山好水太魯閣咁.. 打氣位仲少過渣馬..而新加坡夜馬.. 俾人話無人打氣添..
但一樣咁多人報.. 太魯閣仲要抽籤添..
玩多D , 睇多D.. 下下鬧渣馬, 就俾D 實際可行既建議出來..

kofiyip

water 發表於 2014-3-26 12:14
我覺得，原本d打氣團係唔錯既，不過佢成日踩渣馬話人地日本點好點多人支持所以要搞街馬，到自己搞就得返自 ...

同意師兄的睇法，另小弟也有幾點見解：

1. 收費高之餘，在報名期間沒有清楚交代捐款的受惠機構，才令網友有點質疑；

2. 路線：大部份是經過工廠區，空氣質素令人存疑，途經景物也未必吸引，我練跑也不會揀呢條線；

3. 比賽名稱：若只有十公里比賽，名字卻又與「馬拉松」扯上關係，未免令人懷疑賽會對馬拉松或長跑的專業知識。

明白在香港搞長跑比賽，路線是一大考慮，始終地少。但賽會的理念十分好，真的期望繼續會有更完善的比賽呢！

wlau

我都係果句.. 佢收幾貴都好.. 佢攪到點好氣氛都好, 如果佢高調話慈善賽, 引人報名, 但攪完之後, 無乜錢去到人受助團體度, 就勢下假....
貴如揹水一戰同聯合國兒童基金慈善跑, 我兩個比賽都俾多過五百至一千..只要我覺得佢真係做野...
佢俾到清楚條數出來係捐錢部份叫多既, 我下年會支持佢.. 如果遲D 條數係無乜錢捐出去既.. 我會叫D 傳媒朋友跟跟佢.. 等佢唔好搵我地來做廣告, 用跑友既慈心來成自己個人或公司之美...

kofiyip

傑少 發表於 2014-3-26 11:10
你自己放假會吾會整定D食物, 去支持長跑活動既參加者?又會吾會對住個吾識既人大叫[奸爸爹].....成日搵外 ...

傑少、sunking師兄，少安無燥！
大家只是表達自己的睇法，沒有對與錯呢！
我無意想挑起任何爭端，若有得罪地方，希望傑少能釋懷。小弟定必留意日後在本討論區的留言，謝謝提醒！

撇除高昂入場費，其實萬事起頭難，心底是明白賽事舉辦者想改變香港街跑文化的目標。預祝他們繼續搞得有聲有色！

sunking

咪就係，香港人真難服侍，請人攪氣氛又唔得，請人唱歌跳舞又話用錢堆砌，你究竟想賽會點樣呢？o係街捉人監佢打氣?
我有跑呢個街馬，覺得尚算不錯，第一次攪都幾好，係條賽道可以再研究下，有d地方得行人路，太窄啦

allmyfriend

新屎坑都香三日啦

傑少

kofiyip 發表於 2014-3-24 09:28
$280/$480買返來的樂隊、啦啦隊和演唱者！若好似東京馬拉松，當地人自發打氣和送上小食補給，才是真氣氛呢 ...

你自己放假會吾會整定D食物, 去支持長跑活動既參加者?又會吾會對住個吾識既人大叫[奸爸爹].....成日搵外國比又要一步到位好似人地咁好氣氛....現在稍為有個有水準D既10K出現又大叫什麼厄錢什麼買回來的氣氛.....是否應該至少參與一次先批評???

ahleung

其實在香港辦長跑賽事，要求有現場觀眾為跑手打氣來形造氣氛，我真不敢奢望，路線要能夠進入到繁華人多路段（如渣馬末段），就一定對人、車和店鋪均做成一定的阻擾，他們不出言怒責已算將就。在路旁打氣的唯是有部份跑手的親友和一些義工群體們，但總勝於無！

Silverlau

ChowChow 發表於 2014-3-23 23:39
乜跑街真係咁特別, 如果重係保險佬贊助就咪攪.

保險佬同銀行佬有乜分別? 我覺得係在於她們怎樣搞活動多於睇佢係邊個行業