2014.12.07 第30屆沖繩那霸馬拉松(抽籤結果已公佈)

wlau

http://www.naha-marathon.jp

今年改制, 由以往先到先得, 改為抽籤制
(本身仲有當地既登記, 電話登記, 但由於我們在香港, 這篇文以網上報名為主, 其他資料請入官網參考PDF)

網上報名登記抽籤日期由 7月1日至7月22日為止
8月25日通知結果
9月上旬登記成功者入數
12月6日13:00 至 20:00 取選手裝備 (縣立武道館)

參賽名額 30000 (由上年25000 加至 今年 30000)上年名額 25000 (上年報名人數31170 , 多左 6 千幾人, 所以今年加到3萬, 參加人數27697 , 多左2 千幾人, 可能旅行團或贊助商參賽額), 如果報名人數好似上年咁增加大約一成多,  咁應該都有八成幾機會中籤)


報名費 6500日元,  登記成功再加手續費325 日元, 即總數為 6825 日元

起跑時間: 09:00 (日本時間)
結束時間: 15:15 (日本時間)

起點: 國道58號線明治橋交叉點終點: 奧武山陸上競技場


有完場證書同紀念牌, 紀念牌比賽特別, 係玻璃做既.

■比賽限制時間（關卡）
21.3公里限制地點（平和祈念(祈禱和平)公園內中間地點）下午12點15分
34公里限制地點（豐見城市役所） 下午2點10分

■中止比賽勸告時間
7 . 2公里　仲井真交叉點　上午10點30分左右
13.3公里　東風平中學校園前　上午11點35分
17.1公里　具志頭交叉點　中午
28.3公里　南部醫院前　下午1點30分左右
39.3公里　赤嶺交叉點　下午3點左右


P.S 沖繩有兩個馬拉松, 一個係十二月既那霸馬拉松, 一個係二月既沖繩馬拉松,  沖繩馬拉松比較特別在係可以跑入美軍基地, 但就無那霸馬拉松咁大型. 相關網頁資訊亦以日文為主, 中, 英文資訊無那霸馬拉松咁多, 完成牌以相所見, 亦唔會玻璃做, 無那霸咁特別.

wlau

http://shop.okinawatimes.co.jp/group_top/event/CB/

有相賣啦

thomasip

完走！
好多野食，D食物比大板、東京仲正。我個人食在五個甜柑，五只香蕉，一小怀吉野家牛肉飯，沖繩soba,一小塊紅豆糕，冰條，紅豆冰，甜旦糕...........飽到嘔。
氣氛一流，大部分沿途當地居民亦極之支持，贈送食物給跑手，多到分不清邊D係大會水站、邊D係居民水站。
跑后終點草地有食物攤位醫肚（自費）

marlin14

wlau 發表於 2014-12-10 16:24
https://www.youtube.com/watch?v=kd0g7EDfzKE

那霸馬關門片段..

真係好慘....個種痛.......我感同身受!!
還記得2年前自己係澳門完成第一次半馬, 就去京都跑第一次全馬, 當時長課只練到15k, 心唸6小時無可能完成唔到, 結果, 太多上落斜, 加上途中有人出現意外, 全部跑友要停跑10分鐘比救護人員處理傷者,結果去到最後一個cut point 35k時, 快跑過左之後, 開始慢慢跑, 當時基本可以完賽的, 但去到35.4k時, 比人指引左我跑去另一個方向, 跟住見到部車.....個一刻真係喊左出黎, 好唔甘心!!!! 只怪自己經驗不足, 無留意清楚個cut point位置, 同埋自己太低估左馬拉松, 個半年後, 我好認真咁去跟教練學習跑馬拉松, 終於在大阪完成初馬, 2年內已經完跑4個馬拉松, 出年2月我要回京都攞返我應得的京都馬獎牌!

wlau

柔詠 發表於 2014-5-6 16:44
同澳門同一日……

澳門唔值...去一晚都要千幾二千... ..加埋報名費... 三千都來緊..
出國玩好過..

wlau

那霸馬拉松大會官方網頁將於6月23日公佈第30屆那霸馬拉松相關資料

"第３０回ＮＡＨＡマラソン大会ＨＰは、６月２３日（月）より更新予定です。"

wlau

GO! 發表於 2014-5-6 14:08
幾時有得報

舊年係八月五日, 八月既第一個星期一
今年應該係八月四日

terrylkc

已入飛

chowsmile

terrytsang 發表於 2015-6-1 00:07
會唔會有D路窄到跑手想跑快D都比人頂仕住?

其實條賽道都幾迫, 提議早段跑快少少來減少阻濟.

terrytsang

會唔會有D路窄到跑手想跑快D都比人頂仕住?

wlau

tomhk 發表於 2014-12-23 19:16

俾人擋住左?

tomhk

tomhk

wLau師兄,好高興認識您,好開心我以破自己外跑紀録04:08分完跑

wlau

marlin14 發表於 2014-12-11 10:45
真係好慘....個種痛.......我感同身受!!
還記得2年前自己係澳門完成第一次半馬, 就去京都跑第一次全馬,  ...

我今年都失落左大阪馬, 我之前完成6小時完成到渣馬, 無諗過7小時既阪馬會完成唔到..
結果少左個練習.. 再加上居然15K, 17.5K 同32.5K 居然無水.. 因為當日升到差不多27 度, 係無水既情況下, 我由15K 已經減晒速.. 鬥志都減弱晒.. 結果係34.4 K 俾人捉左上車....
所以我見到今次那霸馬最後一刻既人係度衝, 我係咁幫佢地打氣.. (雖然我都唔係早佢地好入番會場)
當時有個大銀幕係度播.. (唔係果部流動車), 全會場D 人都係咁叫加油..
下年我都要返大阪報仇.. 希望可以抽到..

marlin14

呢條賽道其實好好玩....開頭無留意咁多上落斜, 加上自己無練斜路, 好唔習慣, 頭10k可以上斜跑6:30至6:45/k, 落斜變左5:15至5:25/k, 不過之後已經可以控制返6:30/k咁去, 講真, 最不滿係影相位, 完全無提示, 我全程自己掛住用自己部相機影相, 搵極都唔見官方攝影師, 有時過左先見到, 我估應該得衝線個一刻會影到我, 因為我等無乜人先一條友衝過去....希望影得我型仔d啦!!!
另外, 估唔到完賽無毛巾送......早知前一日買一條啦....同埋我無帶毛巾去, 跑完成身鹽.....
總結影左300張相同video......美好回億!! 期待2月再戰京都......因為京都馬同沖繩馬一樣咁有人情味!!  

wlau

https://www.youtube.com/watch?v=kd0g7EDfzKE

那霸馬關門片段..

wlau

thomasip 發表於 2014-12-10 13:18
Ching, 咁你咪有煙花陪你過finish line ?

Oh 我都有一齊跳 YMCA!  What a fun!!!

跳YMCA 好開頭喎.. 我都有跳..
係啊.. 之後爆煙花.. 但係過唔到既人既喪鐘.

wlau

tomhk 發表於 2014-12-4 21:17

師兄乜事?

thomasip

wlau 發表於 2014-12-10 12:38
我又一次用到盡個時間來完賽.. 最後兩分鐘先衝到返入會場, 我都唔知原來入左會場就當你一定可以完晒, 係見 ...

Ching, 咁你咪有煙花陪你過finish line ?

Oh 我都有一齊跳 YMCA!  What a fun!!!

thomasip

marlin14 發表於 2014-12-10 10:36
我食得多過你.....沖繩拉麵都食左2檔.....接近37k時個果正宗沖繩拉麵仲有五花腩......跑到蔗田又有蔗汁飲 ...

師兄，you win! 有蔗汁？oh no I missed it!  

Yes 我都見到五花腩soba (近機場）but 冇啱杯冇得食

Horace

真係好好玩氣氛好過大板, 7km 左右成班人一齊跳YMCA好正!!!

wlau

我又一次用到盡個時間來完賽.. 最後兩分鐘先衝到返入會場, 我都唔知原來入左會場就當你一定可以完晒, 係見點解D 人衝左過果條線, 未到FINISH 點都慢慢行, 再睇番, 原來果度係FINAL CUT , 已經係安全區, 點都可以完賽(當然, 點都要過Finish Point) , 跟住望住大銀幕, 見開始最後兩分鐘倒數, 睇住全場係度納喊, 叫果D 仲未過到FINAL CUT 既人加油.. 我都睇到好緊張, 我都幫佢地加油埋一份.. 最後返唔到入閘D 人其實真係覺得佢地好慘.. 只係差最後一步.... 真係好感同身受.
今次去到30 K 見到個時間唔多對路, 可能又俾人捉上車. 決定全力去跑. 最後5 K 既配速追到同頭5K 一樣.. 有D 估自己唔到..
講番個馬拉松.. 主辦機構既能力係配套方面係唔夠阪馬來, 但成個比賽既人情味係完勝大阪馬, 正如上面既師兄所講.. 全場都有食.. 我完MISS 左幾個官方水站, 因為根本民間補姶多到你唔信.. 連海綿都唔駛用.. 因為會有人開水喉幫你降溫..(唔多但好正)
而42 K 係差不多都有人同你打氣.. 見到D 小朋友好開心咁同你拍手, 你唔同佢拍手, 佢會唔開心.. 你真係唔會捨得唔理佢地.. 而見佢地俾野你食, 你肯食, 佢地笑晒出來.. 果種感覺好warm , 係一個完賽既原動力.. 大城市既比賽.. 係有.. 但做唔到這種純樸既濃情.. 大阪馬我會再去, 係因為要復仇, 但那霸馬我一定會唔只再去一次....

marlin14

thomasip 發表於 2014-12-9 18:36
完走！
好多野食，D食物比大板、東京仲正。我個人食在五個甜柑，五只香蕉，一小怀吉野家牛肉飯，沖繩soba, ...

我食得多過你.....沖繩拉麵都食左2檔.....接近37k時個果正宗沖繩拉麵仲有五花腩......跑到蔗田又有蔗汁飲......跑到35定36k.....仲同當地大叔及幾個台灣跑友係路邊飲Orion啤酒添.......一句講野.....好好玩! 條路又上斜又落斜......夠晒挑戰性......個人感覺鍾意呢種小城市馬拉松多過東京大阪個種大城市馬拉松! 期待出年2月再戰京都....